UEFA ka publikuar formacionin më të mirë të fazës së grupeve. 16 kombëtare siguruan kualifikimin në raundin e 1/8-ve, aty ku do të shijojmë tetë përballje të forta dhe tepër emocionuese.
Po cilët ishin ata që shkëlqyen në ndeshjet e grupeve? Në portë Gianluigi Donnarumma i Italisë, i cili ia doli të mbajë të paprekur portën në tre sfidat e grupit A.
“Gardiani” është i vetmi lojtar italian mes më të mirëve. Treshja e mbrojtjes formohet nga Dumfries (Holanda), Laporte (Spanja), Meunier (Belgjika).
Katër në mesfushë, repart ku janë përzgjedhur Yarmolenko (Ukraina), Wijnaldum (Holanda), Shaqiri (Zvicra) e Forsberg (Suedia).
Interesant edhe reparti i sulmit, aty ku nuk mungon Cristiano Ronaldo, golashënuesi më i mirë deri tani në Euro 2020 (5 gola). Ylli portugez ka përkrah Depay (Holanda) dhe Schick (Çekia). /abcnews.al
