thirrje

kongresi-i-lushnjes.jpg
R D10:33 | 21/01/2020

Sot është 100 vjetori i Kongresit të Lushnjes, ngjarje e rëndësishme historike ku u miratua një akt kushtetues për pavarësinë e plotë të Shqipërisë. Presidenti i vendit, Ilir Meta marrë shkas nga kjo ngjarje shprehet se “100 vjet më vonë, vendimet e këtij Kuvendi Kombëtar janë mesazhe për reflektim, për të ecur në rrugën që hapi ky Kongres, për të mbrojtur Kushtetutën dhe pluralizmin, integritetin e institucioneve shtetërore e në mënyrë të veçantë për të mbrojtur vlerat reale dhe pluraliste demokratike të parlamentarizmit shqiptar”.

Po kështu ai bën thirrje për bashkim mes politikanëve, duke u shprehur: “Koha i thirri burrat e shquar atdhetarë shqiptarë me bindje të ndryshme politike në vitin 1920 për t’i vënë mendjen dhe energjitë e tyre në shërbim të kombit e për të shpëtuar Shqipërinë”.

Statusi i plotë i Metës në facebook

Kongresi i Lushnjës, 100-vjetorin e të cilit festojmë sot, është ngjarja më e madhe dhe më e rëndësishme në historinë tonë kombëtare, pas shpalljes së Pavarësisë në 28 nëntor 1912 në Vlorë.

Kongresi i Lushnjës rithemeloi shtetin e pavarur, riformatoi institucionet shtetërore dhe vetëqeverisëse të tij, krijoi Kushtetutën e parë të vendit, zgjodhi të parën trupë legjislative mbi baza pluraliste, dhe shprehu vendosmërinë e të gjithë shqiptarëve për të mbrojtur pavarësinë, sovranitetin dhe tërësinë territoriale të Shqipërisë.

100 vjet më vonë, vendimet e këtij Kuvendi Kombëtar janë mesazhe për reflektim, për të ecur në rrugën që hapi ky Kongres, për të mbrojtur Kushtetutën dhe pluralizmin, integritetin e institucioneve shtetërore e në mënyrë të veçantë për të mbrojtur vlerat reale dhe pluraliste demokratike të parlamentarizmit shqiptar.

Koha i thirri burrat e shquar atdhetarë shqiptarë me bindje të ndryshme politike në vitin 1920 për t’i vënë mendjen dhe energjitë e tyre në shërbim të kombit e për të shpëtuar Shqipërinë.

Nderimi për ta e për veprën e tyre është sot obligim, por edhe një detyrë që në emër të idealeve që frymëzuan ata, të ecet drejt për ta bërë atdheun tonë një vend të qëndrueshëm dhe frymëzues për brezat e rinj, që të ndërtojnë të ardhmen e tyre, në një Shqipëri demokratike dhe anëtare të Bashkimit Europian.

***

Kongresi i Lushnjes, që njihet si një ngjarje e madhe e historisë së kombit tonë u mbajt prej 21-deri më 31 janar të vitit 1920, në të cilin u miratua një akt kushtetues për pavarësinë e plotë të Shqipërisë. Gjatë ditëve të punimeve Kongresi zgjodhi këshillin e lartë prej 4 vetash, që do të kryente funksionet e kryetarit të shtetit dhe një këshill kombëtar me 37 veta. Kryeministër u zgjodh Sulejman Delvina.

rama-dritat.jpg
ger ta21:26 | 09/12/2019

Në sheshin “Skënderbej” mbrëmjen e sotme u organizua ndezja e dritave për festat e fundivitit. Të pranishëm ishin edhe kreu i bashkisë Erion Veliaj dhe kryeministri Edi Rama.

Mirëpo, në momentin që kreu i qeverisë ishte duke mbajtur fjalën e tij para qytetarëve të pranishëm, është ndeshur me një incident.

Një grup të rinjsh fare pranë tij, kanë bërë thirrje në shenjë proteste. “Turp! Turp! Bëj shkollat leri dritat”, dëgjohen të thonë ata.

Ndërkohë, këtë situatë e ka komentuar edhe vetë kryeministri Rama.

“Për të mos prishur syrin e keq kemi edhe 3-4 harrupielë këtu. Unë nuk dua ta zgjas, dua vetëm t’ju uroj të gjithëve një vit të ri të gëzuar dhe dua ti siguroj të gjithë për një gjë, çfarë nuk vret të bën më të fortë”, tha Rama./abcnews.al

lejla.jpg
ger ta14:35 | 20/11/2019

E ngarkuara me Punë  e SHBA në Shqipëri, Leyla Moses-Ones ka dhënë mesazhe të rëndëisshme ditën e sotem për situatën politike por jo vetëm në Shqipëri.

Moses-Ones ka marrë pjesë në konferencën “Fuqizimi Ekonomik i Njerëzve me Aftësi të Kufizuara” i Fondacionit Shqiptar për të Drejtat e Personave me Aftësi të Kufizuar. Diplomatja e vuri theksin te theksin tek ligji, duke thënë se duhet të kapërcehet hendeku midis asaj që shkruhet në letër dhe çfarë ekziston në të vërtetë.

“Dhe ndërsa është arritur shumë, mbetet ende shumë hapësirë për përmirësim. Ligji duhet të kapërcejë hendekun midis asaj që ekziston në letër dhe çfarë ekziston në të vërtetë dhe që ndikon jetët e njerëzve. Thënë troç: asnjë nga këto nuk ka rëndësi përveç nëse praktika përputhet me politikat në mënyrë që realiteti i përditshëm i personave me aftësi të kufizuara të ndryshohet përgjithmonë”, tha Ones.

Më tej ajo i bëri thirrje qeverisë që të mbrojë të drejtat e personave me aftësi të kufizuara, duke tejkaluar linjat partiake.

Së pari, i bëj thirrje Qeverisë së Shqipërisë të sigurohet që legjislacioni i duhur të jetë i shkruar dhe i zbatueshëm. Mbrojtja e të drejtave të personave me aftësi të kufizuara është një përpjekje që duhet të tejkalojë linjat partiake dhe të bashkojë zyrtarët në një kauzë të përbashkët. Aftësia e kufizuar nuk diskriminon në bazë të përkatësisë politike dhe këtë nuk duhet ta bëjnë as ligjbërësit apo ligj zbatuesit: kjo është një çështje që i prek të gjithë.

Së dyti, ju bëj thirrje si individë të siguroheni që personave me aftësi të kufizuar t’iu jepen të njëjtat mundësi – në punë ose në kohën e lirë – si pjesa tjetër e shoqërisë. Jini proaktivë – shqyrtoni si mund t’i bëni bizneset dhe vendet tuaja të punës më të aksesueshme për njerëzit me aftësi të kufizuara. Mendoni se si praktikat tuaja të punësimit mund të përshtaten për t’iu dhënë personave me aftësi të kufizuara mundësi të barabarta për punësim dhe mundësi të barabarta për t’u trajnuar, për të mësuar dhe për të kontribuar në përparimin e Shqipërisë”, përfundoi Leyla Moses-Ones./abcnews.al

 

kocijanic.jpg
ger ta18:22 | 14/11/2019

Bashkimi Evropian u bën thirrje të gjitha institucioneve shqiptare që të zgjidhet sa më shpejt çështja e Gjykatës Kushtetuese.

Është zëdhënësja e BE, Maja Koçijançiç, e cila i tha Zërit të Amerikës se Shqipëria ka nevojë për ngritjen e një Gjykate Kushtetuese funksionale sa më shpejt që të jetë e mundur.

Kocijançiç tha se zgiidhja e kësaj çështjeje është thelbësore për popullin shqiptar dhe për efektivitetin e shtetit ligjor në Shqipëri, si edhe për ecjen përpara të Shqipërisë në rrugën e saj të integrimit në BE./abcnews.al

protesta-unaza-e-re.jpg
nev ila12:47 | 06/11/2019

Autoriteti rrugor Shqiptar ka shpërndarë për median një njoftim ku bën thirrje banorët e Unazës së re të cilët janë shpronësuar me vendimin e këshillit të ministrave të paraqiten pranë këtij institucioni për të tërhequr vlerën e shpronësimit të pasurive të tyre.

“Në kuadër të realizimit të projektit “Rehabilitimi i Segmentit Rrugor ‘Pallati me Shigjeta – Rrethrrotullimi Shqiponja’”, njoftojmë të gjithë pronarët e pasurive pronë private, të cilët janë shpronësuar me Vendimin e Këshillit të Ministrave Nr.231 Datë 17.04.2019, të dorëzojnë dokumetacionin për tërheqjen e vlerës për shpronësim, sipas dokumentacionit në vijim:

  1. Çertifikatën e pasurisë (fotokopje të noterizuar).
  2. Kartelën e pasurisë (të rifreskuar pranë Agjensisë Shtetërore të Kadastrës, Tiranë).
  3. Hartën e pasurisë (të rifreskuar pranë Agjensisë Shtetërore të Kadastrës, Tiranë).
  4. Numër llogarie (Iban), në emër të pronarit të pasurisë, ose prokurë të posaçme për personat e autorizuar për tërheqjen e vlerës.
  5. Kopje të kartës së identitetit.

Dokumentacioni mund të dorëzohet pranë Autoritetit Rrugor Shqiptarë, ose nëpërmjet postës.

Adresa: Rruga “Sami Frashëri”,nr.3, Tiranë, ++355 4 2223300“, thuhet në njoftimin e ARSH.

Ndërsa ARSH bën thirrje për dorëzimin e dokumentave të pronarëve të shpronësuar, banorët e Unazës së re që preken nga ky projekt, prej 1 viti protestojnë kundër vendimit të këshillit të ministrave për shpronësimin e tyre./abcnews.al

luan-rama.jpg
ad min15:47 | 30/10/2019

Zv/kryetari i LSI-së, Luan Rama i kërkoi qeverisë të mos bllokojë përpjekjet që po bëhen nga ndërkombëtarët për zgjidhjen e krizës politike. Në një deklaratë për mediat, Rama kujtoi qëndrimet e Bundestagut gjerman dhe kandidates për ambasadore në Shqipëri, Yuri Kim për uljen e palëve në dialog për zgjidhjen e krizës politike.

“Bundestagu gjerman thuhet në rezolute u bën thirrje me ngul të gjitha forcave demokratike në vend që të ndërmarrin menjëherë të gjitha hapat për të kapërcyer këtë krizë sa më shpejt përmes dialogut politik. Çfarë presim? Apo të dominuar nga interesa të tjera që nuk kanë të bëjnë me integrimin evropian të vendit kryeministri dhe qeveria e tij heshtin, sabotojnë, bllokojnë, provokojnë për të mos shkuar te dialogu politik”, tha Luan Rama./ABC News Albania

ibrahim-gashi-rektori.jpg
nev ila12:00 | 22/10/2019

Ish-rektori i Universitetit të Prishtinës Ibrahim Gashi, që ka qenë pjesë e UÇK-së, është ftuar për t’u intervistuar nga Gjykatën Speciale e Hagës në cilësinë e dëshmitarit.

Ish-rektori i Universitetit të Prishtinës, Ibrahim Gashi, që ka qenë pjesë e UÇK-së, konfirmoi në rrjetet sociale se para një jave, ka marrë ftesë nga Zyra e Prokurorit të Specializuar në Hagë, për tu intervistuar në cilësinë e dëshmitarit. Intervistimi do të bëhet gjatë kësaj jave në Prishtinë. Gashi tha se beson në drejtësi dhe është shumë i bindur në luftën e drejtë dhe të pastër të UÇK-së./abcnews.al

juli-xhumadija-1280x687.jpg
nev ila19:17 | 19/10/2019

Burime për Abc News kanë bërë të ditur se në Maqedoninë e Veriut të gjitha partitë janë gati për zgjedhje të parakohshme. Vendimi i KE për mos-hapjen e negociatave zhgënjeu qeverinë e Zaev duke bërë që ky i fundit të marrë përsipër përgjegjësinë.

Partitë politike shqiptare kanë kërkuar që Maqedonia e Veriut, të shkojë në zgjedhje të parakohshme duke fajësuar qeverinë aktuale.

Kryeministri i Maqedonisë së Veriut Zoran Zaev, ka propozuar këtë të shtunë zgjedhje të parakohshme, pasi BE bllokoi fillimin e bisedimeve të anëtarësimit, duke zhgënjyer qeverinë e tij, në atë që ishte qëllimi kryesor i politikës së administratës së tij.

Pas disa orësh bisedime të nxehta, udhëheqësit e Bashkimit Evropian të Premten nuk ranë dakord për hapjen e negociatave të pranimit të Shkupit, kryesisht për shkak të kundërshtimit nga Franca.

Masa shkaktoi një valë zemërimi dhe zhgënjimi, jo vetëm në Maqedoninë e Veriut dhe Shqipëri, përpjekja e të cilit u la gjithashtu në pritje, por edhe midis zyrtarëve dhe udhëheqësve të BE-së që kishin lobuar shumë për të hapur bisedimet./abcnews.al

lideri-katalanas-1280x684.jpg
nev ila20:52 | 17/10/2019

Në një kohë kur protestat në Katalonjë kanë degraduar në dhunë, lideri katalanas Kim Torra ka bërë thirrje për mbajtjen e një referendumi të dytë për pavarësinë. në një fjalim të mbajtur në Parlament, Torra ka deklaruar se rivotimi për vetëvendosje mund të organizohet brenda dy vjetëve.

Presidenti i rajonit të Katalonjës ka deklaruar se do të punojë për mbajtjen e një referendum të ri për pavarësinë, në një kohë kur protestat kundër qeverisë së Madridit kanë hyrë në ditën e katërt. Presidenti Kim Torra ka thënë se referendum i dytë mund të organizohet brenda dy viteve.

Ai ka dënuar dhunën e verifikuar në protesta, gjatë të cilave manifestuesit janë përleshur me policinë. Duke folur në Parlamentin katalanas, Torra tha se dënimi për liderët pro-pavarësisë nuk do ta ndalojë mbajtjen e një votimi të dytë.

“Ne do të kthehemi në kutitë e votimit sërish për vetëvendosjen tonë. Nëse të gjitha partitë dhe grupet bien dakord, atëherë do të mund ta mbyllim këtë mandat legjislativ duke çertifikuar pavarësinë”, tha ai.

Mandati aktual i Parlamentit katalanas përfundon në dhjetor të vitit 2021. Gjykata Kushtetuese spanjolle ka paralajmëruar autoritetet katalanase me pasojat ligjore që do të përballen nëse shkelin ligjin duke insistuar për pavarësinë.

Në fjalimin e tij, presidenti Torra bëri gjithashtu thirrje për dhënien fund të dhunës:

“Ne nuk do të lejojmë më incidente si ato që po shohim në rrugë. Ato duhet të marrin fund menjëherë. Nuk ka asnjë justifikim për aktet vandale”, shtoi Torra./abcnews.al

flamuri-serb-1280x710.jpg
nev ila22:26 | 01/10/2019

Autoritetet më të larta të shtetit serb u kanë drejtuar një apel të fortë serbëve të Kosovës duke u kërkuar që të marrin pjesë masivisht në zgjedhjet e parakohshme që do të mbahen në tetor.

Për Beogradin zyrtar, Lista Serbe është e vetmja zgjidhje për problemet e këtij komuniteti.

Serbia u ka bërë thirrje serbëve që të dalin në numër sa më të madh në zgjedhjet e Kosovës. Ky apel është bërë që të votohet për Listën Serbe, partinë që është projekt i Beogradit.

Këto thirrje i ka bërë edhe presidenti, Alleksandar Vucic, por edhe shumica e zyrtarëve serb.

Ata thonë se Lista Serbe po terrorizohet pasi shqiptarët duan ti ndajnë serbët.

Para tentativës për të kthyer serbët në qytetarë të dorës së dytë duhet të dalim në zgjedhje masivisht, në mënyrë që t’i mundim me rezistencën tonë dhe me vendosmëri e zemër të mbrojmë vatrat tona pasi nuk kemi shtet tjetër përvec Serbisë, tha Marko Gjuric.

Kjo video e politikanit serb nga Kosova, Nenad Rashic, i cili është i njohur pasi flet dhe shqip, ka tensionuar edhe më shumë situatën pasi dëm i madh konsiderohet nëse lista serbë nuk i fiton 100 për qind zgjedhjet.

Serbia, në fakt, është edhe kundër partive të tjera.

Stefan Surlic, nga fakulteti i shkencave politikë në Beograd, thotë se në Serbi ka pritje të mëdha nga zgjedhjet, e që është dialogu, por nuk dyshon në fitoren e listës serbe, pavarësisht se beson në pluralizëm.

Komuniteti serb nuk ndodhet në një situatë të lakmushme dhe është i rëndësishëm uniteti. Por është me rëndësi që dhe në këtë situatë të kemi më shumë kandidatë dhe parti. Besoj se pas zgjedhjeve vetëm bashkësia ndërkombëtare mund të ketë ndikim edhe tek Prishtina dhe te Beogradi që dialogu të vazhdojë”, tha Stefan Surlic.

Beogradi zyrtar ka protestuar që nuk lejohen zyrtarët serb të vizitojnë Kosovën, për dallim prej atyre amerikan ose gjerman./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono