Sulejman Starova

Janku-Pressing-1280x711.jpg
Vladimir Prenga23:27 | 10/02/2020

Albano Janku, ish-gjyqtari i njohur, është pjesë e panelit të emisionit “Pressing” në ABC News. Në rolin e specialistit të gjykimit, ai analizon rastet e dyshimta të hasura këtë javë në Kategorinë Superiore. “Ndërhyrja e Malikit është karton i verdhë. Këmba e tij është e mbështetur në tokë dhe me gju e pengon. Nuk e kuptoj pse reagon mbrojtësi, kartoni është i pastër”.

“Momenti tjetër është shënimi i golit. Topi i bie në dorë Fangajt. Me të drejtën ai e la avantazh dhe u shënua gol. Nuk e kuptoj Grecën që reagon tek arbitri”, u shpreh Janku. Më pas ai foli edhe për një pretendim të Vllazninë për penallti.

“Arbitri është në pozicion të mirë. Momenti është i diskutueshëm, por vazhdimi i lojës nga arbitri është i drejtë. Muça zuri pozicionin e vet. Lojtari i Vllaznisë (Silvio Junior) përplaset te Muça”, tha Janku. Starova komenton rastin në fjalë.

“Çfarë topi ka ndaluar Muça. Ai është gabim individual, mbrojtësi duhet ta shoqërojë. Muça ka bërë hap përpara”. Në studio një mendim për rastin në fjalë e dha edhe Uvil Zajmi, sipas të cilit vendimi i arbitrit ishte i drejtë.

“Ka dy momente te Partizani-Flamurtari. Arbitronte Muska, viti i parë në Superiore. Është i pozicionuar mirë, e ndjek aksionin. E shikon qartë që Moçka ka larguar topin dhe vazhdon lojën. Momenti tjetër është ai i penalltisë, që Partizani e ktheu në gol. Lojtari vlonjat shkel prapa në tendinë sulmuesin, saqë i heq edhe kupën. Është faull dhe me të drejtë penallti.

“Në Durrës kemi dy gabime të anësorit. Lojtari i Teutës, kur topi kthehet nga shtylla, është pozicion jashtë loje. Kemi edhe një rast në minutën e 28-të, kur Kallaku ishte në pozicion të rregullt”, deklaroi Janku.

“Janë dy momente edhe në Korçë, minuta e 34-t fillimisht. Duke qartë që ndërhyrja e lojtarit të Bylisit është mbi vijën dhe është penallti e padhënë për Skënderbeun. Momenti tjetër është penalltia që u dha për Skënderbeun. Unë them se ka gabuar. Nuk është penallti”, tha Janku në mbyllje. / abcnews.al

 

Sulejman-Starova-Pressing.jpg
Veronik Istrefaj23:43 | 27/01/2020

Trajneri i njohur shqiptar, Sulejman Starova, është i ftuar në Pressing, aty ku ka prekur disa tema rreth futbollit shqiptar. Problemet janë me gjykimin në Superiore dhe Bobi ka bërë analizën e tij për këtë problematikë.

RENDITJA – “Presidentët duhet të marrin kasetat e ndeshjes dhe të mblidhen. Të konstatojnë nëse gabimet e arbitrave janë me qëllim apo njerëzore. Që në javën e parë të kampionatit madje. Korça dhe Vllaznia janë në garë, Partizani rreh Vlorën dhe Gjirokastrën dhe ngjitet prapë. Nuk ka të bëjë renditja”.

LIGA – “Liga ta marri në dorë vetë, ta bëjnë, të rrinë natë e ditë atje. Të bëjnë analizën e javës dhe në rast se Beso thotë se më kanë rënë në qafë me dashje, atëherë gjyqtari që në javën tjetër nuk merr pjesë dhe ikën”./abcnews.al

 

Sulejman-Starova-Pressing.jpg
Veronik Istrefaj22:58 | 27/01/2020

Sulejman Starova, trajneri i njohur, është i ftuar në emisionin “Pressing”, në ABC News, aty ku analiza e tij është gjithmonë e saktë dhe merr vëmendje të madhe. Bobi e nisi fjalën e tij me golin e Kukësit kundër Partizanit, për të folur më pas dhe për tema të tjera.

GOLI I KUKËSIT – “Kemi bërë vërejtje, kemi shembullin pozitiv që një gol që e eliminon ‘Goal-Line Technology”, do të shuante shumë polemika. Komisioni vazhdon të kursejë lekë. Edhe unë do të vazhdoj ta ngre këtë si problem. E kemi diskutuar për montimin e aparaturave, si dhe dhomën e VAR. Kanë shpenzimet e veta, e kuptoj shumë mirë, por minimalja është që çdo ndeshje, 5 ndeshje ka një javë, të ketë 6 arbitra për ndeshje”.

BYLISI – “Liga funksionon? Po? Beso, Gjici, të gjithë presidentët, pse nuk mblidhen njëherë këto? Mbledhje te Liga, jo falso. Në qoftë se funksion Liga, le të mblidheshin direkt. Tani është shumë vonë, Bylisi nuk i merr më ato 13 pikë. Puna është që jeni pak me vonesë, kampionati ka ardhur aty ku nuk mban më, çdo gabim gjyqtari rëndon në klasifikim, te xhepi i presidentëve”./abcnews.al

daja-e-starova.jpg
Vladimir Prenga13:58 | 24/12/2019

Ilir Daja deklaron në “Abc News” se nuk ka ndërmend të largohet nga Skënderbeu, pavarësisht interesimit të Partizanit dhe Tiranës. Trajneri i korçarëve tregoi marrëdhëniet me presidentin Takaj dhe mbrojti sezonin e deritanishëm të ekipit të tij.

Mund të mos jetë njeri i studiove televizive, por intervistat nuk i refuzon. Ilir Daja zgjodhi një lidhje direkte me emisionin “Presing” në Abc News për të sqaruar të ardhmen e tij, ndërsa trajneri i Skënderbeut pëlqehet nga Partizani e Tirana.

Daja tregon sesi shkoi në Korçë, foli për të ardhmen e tij, ndërkohë që në një moment pati edhe një debat me Sulejman Starovën në studio. Trajneri i njohur deklaroi se Skënderbeu luan për të prishur punë, gjë që nuk u pranua nga Daja./abcnews.al

ilir-daja-trajneri.jpg
Vladimir Prenga22:45 | 23/12/2019

Sulejman Starova dhe Ilir Daja kanë replikuar në emisionin “Pressing” në Abc News, në lidhje me motivimin e skuadrës korçare. Starova fillimisht: “Klasifikimi është i drejtë. Kukësi nuk arriti të mbante distancën që kishte me parë duke lënë pikë me Skënderbeut, që këtë vit është kthyer në një ekip që të prish punë”.

Daja në lidhje direkte replikoi: “E dëgjova Starovën që tha se Skënderbeu luan për të prishur punë. Në i kemi dhënë tonin kampionatin shqiptar gjatë viteve të fundit, diçka që nuk e ka arritur asnjë ekip.

Përfaqësojmë një qytet simbol kulture në Shqipëri. Nga plani sportiv kemi pasur luhatje, s’mund ta shkëpusim këtë pjesë. Skënderbeu është i vetmi ekip në Europë që përballet me një problem kaq madhor (Dënimi nga UEFA).

Në përballjet direkte me ekipet e kreut kemi pikë të barabarta, përjashto ndeshjet me Partizanin. Të gjithë e dimë problematikën e këtij klubi. Me mundësitë që kemi, kemi bërë maksimumin”, tha Daja.

Starova më pas mori fjalën: “Po i referohem vetëm dy fazave të bëra deri më tani. E di situatën e rëndë që ka Skënderbeu për shkak të atij dënimi të padrejtë. Përgëzoj të gjithë në Korçë për përpjekjet që po bëjnë për ekipin”.

“Daja ndoshta u keqkuptua, por kjo është e shumë e çuditshme. Skënderbeu ka pësuar 27 gola, dy më pak se Luftëtari. Është çudi që një ekip që luan mirë ndaj ekipeve të kreut të shënojë vetëm 16 gola dhe të pësojë 27. Këto janë shifra shumë shqetësuese”./abcnews.al

presing-sport-7.jpg
Vladimir Prenga22:30 | 23/12/2019

Sulejman Starova, u ftuar si zakonisht në emisionin Pressing në Abc News, ka analizuar ecurinë e kampionatit deri më tani dhe thekson se renditja është e drejtë.

“Klasifikimi është i drejtë. Kukësi nuk arriti të mbante distancën që kishte me parë duke lënë pikë me Skënderbeut, që këtë vit është kthyer në një ekip që të prish punë. Deri më tani kemi gjashtë ekipe pretendente për titull”, thotë fillimisht trajneri i njohur.

Ai komenton edhe ngjeshjen në renditje: “Mua më rezulton se buxhetet e katër pesë skuadrave janë aty-aty. Nuk kemi një kampionat si ai kroat, ku Dinamo e Zagrebit bën diferencën. Pjesa më e madhe e ekipeve kanë financa të ngjashme.

Skënderbeu tani është kthyer në një skuadër që të prish punë, por në përbërje ata kanë lojtarë cilësorë si Bregu dhe Dita . Klubet e kreut nuk kanë mundësi të bëjnë shkëputjen, pasi diferencat nuk janë të mëdha. Kjo ka bukurinë e vetë”. /abcnews.al

magani-starova-gega.jpg
Vladimir Prenga08:00 | 09/12/2019

Tirana në prag revolucioni. Julian Ahmataj ka zhgënjyer drejtuesit dhe ndeshja e fundit me Kukësin e ka vënë në dyshim vijimin e bashkëpunimit. Presidenti Refik Halili ka pritur dorëheqjen e trajnerit nga Elbasanit, i cili ne fakt e kishte bërë diçka të tillë një javë më parë. Vetë Halili e ktheu sërish në detyrë dhe tanimë po flitet për lëvizje madhore në klubin kryeqytetas.

“Panorama Sport” është hapur me një lajm të rëndësishëm dhe shkruan se Sulejman Starova projektohet si drejtor i përgjithshëm i Tiranës, ndërkohë që për pankinën është favorit Gugash Magani, trajneri i fundit që ka fituar një derbi në drejtim të bardhebluve.

Një emër tjetër që shikohet si kandidaturë është edhe Skënder Gega, ish-trajneri i Partizanit, që vlet ktheu titullin kampion në kampin e kuq pas 26 vitesh. Gjithsesi Starova preferon Maganin si trajner, sikurse thotë burimi i lartpërmendur. /abcnews.al

Artikulli kryesor i Panorama Sport për ditën e sotme
selmani.jpg
Vladimir Prenga00:01 | 12/11/2019

Sulejman Starova vlerëson pozitivisht trajnerin e kombëtares, Edoardo Reja. Në studion e emisionit “Pressing” në Abc News ai foli edhe për kuqezinjtë, ndërkohë që guxoi në fund të propozonte që Gentian Selmani të luajë titullar.

“Reja po punon mirë. E gjunjëzuam kombëtaren se nuk pranojmë të mundemi 4-1 nga Franca. Franca mbyll Italinë në mesfushë. ka ardhur për ta bërë kombëtaren dhe po e bën që të ecë. Në të ardhmen. Gjimshiti po luan mirë, nuk më bind shumë Ismajli. Kemi fituar Baren, është meritë e trajnerit.

Vlerësimi im është se trajneri po bën skuadër të mirë, e drejton edhe ekipin mirë. Gëzohem që edhe brezi ynë e kapi një stadium si e gjithë bota. Na e kalonte ai i Shkupit më përpara. Trajneri ka kohën e bollshme që me Francën të luajë me dinjitet. Në Elbasan ishte ndryshe.

Po ndërton një skuadër për të ardhmen. Kam respektin më të madh, e njohim prej vitesh. Luftoi për kualifikim dhe për të luajtur me dinjitet. Tani i rritet koha për të bërë skuadër të perspektivës. Më pas matet me objektiva. Selmani duhet të luajë direkt, për ta fituar si portier. Meqë po flisnit me emra. Kemi dy portierë shumë të mirë, të bëjmë edhe një tjetër”. /abcnews.al

laci-kukesi-ndeshja.jpg
Vladimir Prenga23:31 | 11/11/2019

Sulejman Starova ishte pjesë e Laçit deri para disa javësh dhe tashmë i shikon kurbinasit nga jashtë. Trajneri i njohur, pjesë e panelit të Pressing në ABC Neës, foli për ndeshjen Laçi-Kukësi. Ai është i mendimit se kurbinasit e merituan fitoren dhe theksoi se nuk thënë që Laçi është fushë e vështirë, por që kanë ekipin e mirë.

“Laçi nuk është thënë asnjëherë që nuk është luajtur futboll. Objektivi ishin kupat e Europës. Ata nuk kanë pozicione të dubluara. Cungu po ecën shumë mirë, në mënyrë fantastike bashkë me djemtë. Deri tani nuk kanë pasur dëmtime, kanë po të njëjtin formacion. Kanë edhe Gjonin të dëmtuar, që tani ka nisur përgatitjet pas frakturës”.

“Të analizojmë ndeshjen. Kukësi donte pikën, prej mungesave. Fushë e vështirë nuk ka pse thuhet, se ofendohet. Laçi është i vështirë se është ekip i fortë. Laçi u përpoq të shënonte, Kukësi nuk kundërsulmoi dot. Nwabuezen e ndalën. Gavazaj ishte krejtësisht jashtë forme. Nuk u prodhua shumë. Pati një penallti për Laçin dhe një goditje të Deliut deri te penalltia. Laçi e meritoi fitoren”, tha Starova.

“Më duhet ta them se kishin shumë mungesa te Kukësi. Jemi në Superiore dhe janë shumë, nuk kemi ekipe si Liverpooli e Barcelona. Gradualisht ata luajnë më mirë se të tjerët. Ata nuk kanë natyrën e Partizanit e Laçit, që kanë shpejtësi e vrull. Pse shkoi për një pikë ishte se nuk ishte pesë titullarë. Duro nuk luante dot ndryshe. U mbrojt mirë, pati edhe momente të mirë. Në mbrojtje ishin mirë. Gavazaj ishte i shkëputur, Daku, sulmuesi i dytë pas Shkurtajt, nuk është titullar. Nëpërmjet barazimit shkohet edhe te fitorja”./abcnews.al

starova.jpg
Vladimir Prenga22:43 | 11/11/2019

Sulejman Starova, pjesë e panelit të emisionit “Pressing” që transmetohet në ABC News, ka analizuar atë që ndodh në Superiore, nga ndeshjet, te skuadrat në veçanti. Flamurtari dhe Partizani ishin në fokusin e trajnerit të njohur.

“Flamurtari duhet llogaritur si skuadër, edhe pse kanë marrë rrugën për në Kategorinë e Parë. Ata kanë ndalur Laçin në fund kur isha unë trajner. Tiranën dhe Skënderbeun. Partizani ishte i katërti. Ata kanë mundësi të të ndalin. Pse tha trajneri i Partizani duhet mobilizim. Ata po stërviten më tepër, kanë hyrë në formacion dy të tjerë. Ata e  kanë të vështirë të fitojnë, por mund të hapin probleme. Ka ndalur ekipet më të forta”.

“Sipas meje, ai klub gjigant në Shqipëri, është për të ardhur keq që po merr rrugën për në të dytën. Kanë ndalur ekipet e forta dhe së bashku me Luftëtarin kanë në dorë kampionati”.

“Partizani pësoi një gol që evitohej. Humbi mundësinë të shkëputej. Forca e Partizanit është se stoli i Partizanit është një skuadër e fortë e Superiores. Për të bërë shkëputjen, nuk ka diferencë të madhe. Po të fitonte me penalltinë, do thoshin të gjithë u shkëput Partizani. Tani e barazojmë me të tjerët”.

“Konkurrenca ka sjellë probleme. Trashi në fillim nuk luajti në fillim, por e zuri formacionin dhe tani është në kombëtare. Asani po luan më pak, por është fituar Çinari. Bardhi po krijon hapësira që tani po luan. Lerda ka shumë alternativa, 45 minuta e pret një lojtar. Nuk është sikur ishim ne dikur, ata që ishim luanim”, tha Starova. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono