Rinasit

gRABITJA-rINAS-1280x721.jpg
ad min16:40 | 03/05/2019

Prokuroria e Krimeve të Rënda po kryen verifikime edhe për 20 zyrtarë të Autoritetit të Aviacionit Civil dhe TIA, lidhur me grabitjen e Rinasit. Burime nga grupi hetimor i kësaj çështjeje thonë se përveç ICTS, edhe zyrtarë të këtyre dy institucioneve mund të kenë kryer shpërdorim detyrë.

Përveç kompanisë ICTS e kontraktuar nga TIA për sigurinë e aeroportit të Rinasit, Prokuroria e Krimeve të Rënda po heton edhe zyrtarët e Aviacionit Civil  për grabitjen e 6 milion eurove brenda pistës aeroportit.

Burime nga grupi hetimor konfirmojnë për ABC Neës se, ky hetim nisi pas këqyrjes së pamjeve të kamerave të sigurisë dhe të dokumentacionit për kontrollin periodik të sigurisë së aeroporit të Rinasit.

Konkretisht, burime nga organi i akuzës theksuan se nuk janë kryer kontrolle tremujorshe nga  ICTS dhe TIA për parametrat e sigurisë në Aeroport.

Edhe kur janë evidentuar problematikat, pohojnë burimet nga Prokuroria, nuk janë marrë masa për t’i riparuar ose për ti zëvendësuar në rastin kur kanë munguar.

Edhe për këta zyrtarë, theksojnë burime nga grupi hetimor kanë nisur hetimet, ashtu si edhe për zinxhirin komandues të Kompanisë së sigurisë ICTS. Vepra që po hetohet deri më tani është ajo e “Shpërdorimi të detyrës”.

Askush nga zyrtarët e lartë, ICTS, TIA dhe Aviacionit Civil nuk është ndaluar me urdhër të Prokurorisë së Krimeve të Rënda, pavarësisht po verifikohen rreth 20 prej tyre.

Ndërkohë, Prokuroria po analizon edhe ndarjen e përgjegjësisë për grabitjen e 9 Prillit. Grupi hetimor ka këqyrur pamjet filmike të momentit kur ndodhi grabitja si edhe kohen e reagimit të punonjësve të kompanisë  ICTS, teksa keqbërësit arritën të hynin dhe dilnin duke marrë thasët me para pa u shqetësuar nga askush.

Ndërkohë pas hekurave janë 6 persona, te dyshuar se janë përfshirë në grabitjen e Rinasit.  Një provë e fortë e organit të akuzës është dëshmia e Alkon Bengasit.  Pesë persona te tjere vijojnë të jenë ende në kërkim./ABC News Albania 24/7

Balluku-rinasi-1280x842.jpg
ad min15:20 | 27/04/2019

Qeveria po merr masa maksimale për të garantuar siguri për udhëtaret që përdorin Aeroportin Ndërkombëtar “Nënë Tereza” në Tiranë. Me këtë argument ministrja për Infrastrukturën dhe Energjinë Belinda Balluku shpjegoi vendimin e qeverisë  që autorizon Avokatin e Shtetit të kërkoi konsulencë ligjore nga një studio ndërkombëtare sa i takon marrëveshjes koncesionare me kompaninë kineze në aeroportin e Rinasit.

“Përsa i përket një kontrate konsulence që Avokati i Shtetit ka aplikuar për zgjidhjen e problematikës që ne kemi me kontratën koncensionare, kemi të gjithë të drejtën si shtet të aplikojmë për ta pasur mbështetje ligjore nga studio të njohura ndërkombëtare dhe kjo nuk përkthehet as në zgjidhje të kontratës koncensionare dhe as në vazhdim.  Ne kemi kërkuar një mbështetje ligjore për t’a sonduar dhe skanuar atë kontratë e cila është problematike për të gjithë partnerët që operojnë në aeroport, edhe për policinë e shtetit, edhe për shtetin shqiptar, nga njëherë dhe për cilësinë e shërbimeve që ju ofrohet qytetarëve atje.  Kështu që nuk ka asgjë të fshehur prapa kërkesës së Avokatit të Shtetit për mbështetjen nga një studio ligjore ndërkombëtare përsa i përket kontratës së koncensionit, thjesht ne po marrim masat maksimale për t’u ofruar të gjithë udhëtarëve shqiptarë por dhe atyre të huaj të cilët janë mbi 6 milionë turist në vitin e shkuar dhe presim dhe një rritje, kështu që ata meritojnë të gjithë fokusin e qeverisë shqiptare”./abcnews.al

 

tani-1280x743.jpg
ad min14:10 | 27/04/2019

Personi i gjashtë i arrestuar nga policia si i dyshuar për grabitjen e 9 prillit në Rinas u mor në pyetje nga oficer të policisë gjyqësore. Ragip Hajdini ka mohuar të ketë dijeni se kush është personi tjetër i shpallur në kërkim. Prokuroria e Krimeve të Rënda, dyshon se i kërkuari me nofkën “Tani”, është larguar në drejtim të Kosovës, bashkë me vëllezërit Klement dhe Eldi Çala nga Fushë- Kruja.

Pas prangosjes së Ragip Hajdinit, i njohur me pseudonimin “Daja”, Policia e Shtetit është vënë në ndjekje të personazhit misterioz me emrin “Tani”. Emri këtij të fundit doli në skenë nga dëshmitari i drejtësisë Alkond Bengasi Qevani.

Oficerë të policisë gjyqësorë kanë marrë në pyetje 50-vjeçarin Hajdini në ambientet e drejtorisë vendore të policisë së Tiranës, me origjinë nga Peja e Kosovës. Ai ka mohuar të ketë dijeni për grabitjen e 9 prillit në Rinasi si edhe me personin tjetër të quajtur “Tani” nga Fushë-Kruja. Policia ushtroi përsëri kontroll mëngjesin e së shtunës në banesën e Ragip Haxhiajdini ose Hajdini me mbiemrin e ndryshuar, në zonë e Shkëmbit të Kavajës, ndërsa avokati i 50-vjeçari ka vënë dispozicion të grupit hetimor disa prova si pamje filmike për të përjashtuar atë nga të dyshuarit e tjerë si pjesëmarrës në supergrabitjen e Rinasit. Ndërkohë prokuroria e Krimeve të Rënda ka kërkuar të njihet me tabulatet telefonike të prangosurit të gjashtë.

Sipas organit të akuzës, këqyrja e aparateve telefonike të Ragip Hajdinit si edhe të pesë personave të tjerë të prangosur më herët, bëhet me qëllim për të vërtetuar nëse kanë biseda ndërmjet njëri-tjetrit në aplikacionet “Ëhats app”, “Facebook” dhe rrjete të tjera komunikimi elektronik.

Për dëshminë e dhënë të Alkond Bengasi Qevani, Prokuroria e Krimeve të Rënda do të kërkojë ballafaqim viziv me shtetasin nga Kosova “Daja”. Misteri më i madh për grupin hetimor mbetet “Tani”. Sipas dëshmitarit Bengasi, ai ishte i gjatë rreth 180-185 cm me origjinë nga Fushë-Kruja me pak mjekër si edhe besimtar i fesë islame. Nisur nga karakteristikat e përcaktuara nga Bengasi, dyshohet se “Tani” të jetë edhe Komandoja që shihet në këtë foto pas krahëve të të ndjerit Admir Murataj, gjatë aksionit për grabitjen e disa miliona eurove, pikërisht brenda pistës së avionit në Rinas.

Për këtë arsye, prokuroria ka kërkuar ndihmën e ministrisë së Mbrojtjes për të krahasuar në databazën e saj nëse personi i cili duket nga ana vizive me veshje kamuflazhi ushtarake ka qenë ndonjëherë në radhët e ushtrisë. Për prangosjen e “Tanit”, FNSH dhe RENEA, zhvilloi një operacion të gjërë ditën e enjte në qytetet e Krujës, Fushë-Krujës dhe Elbasanit por pa rezultat. Dyshohet se personi i shpallur në kërkim të jetë larguar në drejtim të Kosovës, bashkë me vëllezërit Klement dhe Eldi Çala. Këta të fundit dhe i ndjeri Admir Muratj dyshohen se kanë qenë organizatorët kryesorë të grabitjes së Rinisit.    /abcnews.al

 

 

 

Elton-pikli-1280x741.jpg
ad min13:40 | 26/04/2019

Ndërkohë, një nga të arrestuarit e tjerë për grabitjen në Rinas, Elton Pikli do të qëndrojë në burg deri në përfundim të hetimeve. Vendimi për 32-vjeçarin që u arrestua në tentativë për t’u larguar nga Shqipëria, u mor sot nga Gjykata e Krimeve të Rënda.

Gjykata e Krimeve të Rënda la në burg pa afat të arrestuarin e pestë për grabitjen e bujshme në Rinas, Elton Piklin. 32 vjeçari, banues në Krujë, është ndaluar nga autoritetet teksa, sipas dyshimeve, po tentohej të largohej drejt Bullgarisë. Pikli është arrestuar mesnatën e së hënës, pas dyshimeve se është i përfshirë dhe ai në grabitjen e disa miliona eurove në Rinas.

Pikli në pikën kufitare të Qafë-Thanës, i është prerë fleta e arrestit. 32-vjeçari nga  Kruja  është identifikuar nga bashkëpunëtori i drejtësisë Aklond Bengasi. Elton Pikli nuk ka pranuar akuzat e ngritura nga Prokuroria e Krimeve të Rënda dhe mohon të jetë i përfshirë në ngjarjen e 9 Prillit, ku u grabitën disa miliona euro në aeroportin e Rinasit.

Ndërkohë Oltion Veseli, një nga të arrestuarit për grabitjen në Rinas kërkon të lirohet nga qelia. Përmes avokatit të tij Ramazan Topuzi, Veseli ka ankimuar masën e sigurise “arrest ne burg” caktuar me parë nga gjykata për Krimet e Rënda. Në ankimin e depozituar në Apel, Veseli pretendon se vendimi që e la në burg është marrë në mungesë të provave dhe fakteve.

Alkond Bengasi e ka identifikuar nëpërmjet fotove Veselin te dreka që ai flet se ka takuar Admir Muratajn dhe dy personat e tjerë nga Kosova të njohur me pseudonimet “Daja” dhe “Tani”. Numri i personave të dyshuar si të përfshirë në këtë ngjarje ka vajtur në 17. Prokuroria e Krimeve të Rënda së bashku me Policinë po vijojnë punën për arrestimin e vëllezërve Eldi dhe Klemend Çala që janë të shpallur në kërkim.

Ditën e enjte është marrë në pyetje edhe bashkëshortja e Renaldo Sulës, që ishte shtetase gjermane. Bashkëshortja ka mohuar akuzat e ngritura nga prokuroria për Renaldo Sulën duke thënë se nuk kishte dijeni për ngjarjen. Prej dy ditësh policia e shtetit ushtroi kontroll ne qytet e Krujës dhe Elbasanit në banesat e personave të arrestuar, të cilët  dyshohen se janë përfshirë në grabitjen e parave në aeroportin e Rinasit. Burime nga grupi hetimor bëjnë të ditur për ABC Neës deri më tani nuk janë gjetur prova të rëndësishme që të kenë lidhje të drejtpërdrejtë më grabitjen./abcnews.al

Alkon-bengasi-1280x830.jpg
ad min14:34 | 23/04/2019

Zbardhet grabitja e disa milionëve euro në aeroportin e Rinasit, ditën e 9 Prillit. Alkond Bengasi është bashkëpuntori i parë i drejtësisë,  cili ka rrëfyer para grupit hetimore se si është organizuar grabitja dhe se kush janë autorët. Gjykata e Krimeve të Rënda ka lënë në burg Bengasin.

Gjithashtu Alkond Bengasi është shprehur se furgonin për ta modifikuar ia kanë dërguar kushërinjtë e tij Klemend dhe Eldi Çala. Organi i akuzës nëpërmjet bashkëpunëtorit të drejtësisë ka zbardhur se si u organizua grabitjen dhe se kush janë autorët e tjerë.

Në deklarimet e dhëna para grupit hetimor, Brengasi ka sqaruar edhe rolin që ka pasur secili nga autorët në ngjarjen e 9 Prillit ku u grabiten disa milion euro.

Gjykata e Krimeve të Rënda e përfaqësuar nga Bibë Ndreca ka lënë në burg Alkond Brengasin, i cili njihet edhe si kushëriri i mjeshtrit të grabitjeve Klemend Çala. Bengo po ashtu ka rrëfyer me detaje se si funksiononte ky grup me personazhe nga Elbasani dhe Fushë Kruja.

Madje pas dëshmisë së tij, policia ka nisur kërkimet për arrestimin edhe të tre personazheve të tjera të grabitjes Oltion Veseli, Saimir Çela dhe Renaldo Sula. Bashkëpunëtori i drejtësisë ka pranuar se ka bërë ai mondifikimin e furgonit me mbishkrimin “Hetim Tatimor”.

Në bazë të dëshmisë së tij policia ka nisur punën për gjetjen dhe arrestimin e personave të tjerë të përfshirë në grabitje. Ditën e mërkurë Gjykata e Krimeve të Rënda do të caktoj masën e sigurisë për Klemend Çalën, Oltian Veselin dhe Renaldo Sulën.

I arrestuari Oltion Veseli nga Fushë Kruja, është kushëri me Ernest e Dash Kupën, të dënuar nga drejtësia për grabitjen e blindave në rrugën e Rinasit në 2017. Saimir Çela dhe Renaldo Sula njihen si njerëzit më të besuar të Klement Çalës.

Ky i fundit ka jetuar në arrati që prej 2013, për shkak të krimeve që ka  kryera më herët, në Shqipëri e Greqi, që është tashmë i dyshuar edhe për grabitjen e 9 Prillit ku thuhet se ka patur rol kryesor.

Çala njihej për lidhjen e fortë me Admir Muratajn, që mbeti i vrarë pas grabitjes së dhunshme në aeroportin pasi janë arratisur së bashku nga burgu i Trikallasë në Greqi. Eldi Çala vëllai Klementit është tashmë pjesë e listës së të kërkuarve së bashku me dy persona të tjerë, emrat e të cilëve nuk bëhen publik./abcnews.al

Foto-olsi-Rama-1280x697.jpg
ad min20:54 | 18/04/2019

Ish-Kryeministri Sali Berisha e ka quajtur vjedhje shtetërore grabitjen e Rinasit. Më tej ai ka nxjerrë një foto të vëllait të Ramës më përfaqësues të kompanisë kinezë, e cila menaxhonte aeroportin e Rinasit.

“Shikojeni pak këtë fotografi. Shikoni Olsi Ramën me kompaninë kinezë që menaxhon aeroportin. Më thauj pak mua udhëtimet që janë bërë në Singapor. Kjo foto është bërë në Singapor. Më thuaj pak se çfarë e shtyu Edi Ramën të shkojë në Singapor dhe vëllaçko Ramën të shkojë në Singapor? Prandaj dhe nuk pyeste, sepse unë jam shef ekzekutiv. Unë kam mazhorancën. Na ndodhi herën e parë, por nuk ka forcë që më pengon mua që të mos ndodhë kurrë më. Por kur i vjedh vetë unë me njerëzit e mi atëherë do të ndodhë edhe për së treti. Kjo është një lidhje faktike. Përgjegjës për sigurinë e aeroportit është Enti shtetëror i aviacionit Civil. Atij i është dorëzuar nga Komisioni i Lartë i Sigurisë të gjitha rekomandimet pas vjedhjes së parë. Gjeneral kanabisi ka mbush këtë xhep këtë muaj dhe xhepin tjetër muajin tjetër. Është vjedhje shtetërore dhe asgjë tjetër”./abcnews.al

policia-rinas.jpg
nev ila15:27 | 18/04/2019

5 persona janë shpallur në kërkim nga policia e shtetit të dyshuar si të përfshirë në grabitjen e parave ne Rinas.

Burimet nga hetimi i thane ABC news se ka dyshime qe 2 nga 3 mjetet e perdorura nga grabitesit mund te kene hyre nga kosova.

Policia  e shtetit ka shpallur në kërkim 5 persona që dyshohen si të përfshirë në grabitjen e bujshme në Rinas në 9 prill.

Numri i personave që po hetohen është edhe më i madh. Hetuesit kanë në administrim 3 furgonë, që dyshohet se janë përdorur nga grabitësit, dy prej të cilëve u gjetën të djegur nga policia pas grabitjes. Mjeteve ju janë fshirë numrat e shasisë për të penguar identifikimin e tyre.

Burime nga Policia e Shtetit konfirmojnë për ABC News se, 2 mjetet e djegur  tip Mercedez- Benz dhe Vito nuk janë denoncuar të vjedhur në polici.

Nisur nga kjo hetuesit kanë dyshime se furgonët janë importuar nga shteti i Kosovës, ndërsa koha ku dyshohet se kanë hyrë në vendin tonë është e papërcaktuar.

Ndërsa furgoni me mbishkrimin Hetimi Tatimor që u përdor nga grabitësit për të hyrë në aeroport, ka qenë i modifikuar me pjesë nga makina të tipeve të ndryshme.

Departamenti i Drejtorisë Kriminale në policinë e Shtetit ka kërkuar ndihmën e homologëve të tyre kosovarë, pasi dyshohet se në atë shtet është porositur një pjesë e mirë e bazës materiale, nga grabitësit e Rinasit. Veshja e kamuflazhit dhe uniformat e ngjashme me ato të punonjësve të sigurisë së aeroportit të Rinasit “ICTS”, dyshohet se janë porositur jashtë vendit.

Deri tani kërkimet policore dhe pamjet e sekuestruara nga kamerat e sigurisë të disa prej bizneseve në Tiranë  e Durrës, ku dyshohet se grabitësit mund të kenë loguar furgonin e modifikuar me mbishkrimin “Hetimi Tatimor”, nuk kanë dhënë rezultat.

Prokuroria e krimeve të rënda ka kërkuar informacion nga autoritetet kosovare në lidhje me familjen e Admir Murataj. Lidhur me këtë kërkesë ngrihen dyshime të forta se Admir Murataj i vrarë më 9 prill ka jetuar në Kosovë gjatë kohës që ka qenë në arrati, ndërsa u mor në pyetje, bashkëshortja e të ndjerit Albana Alimemeti. Ajo mohoi të ketë dijeni për grabitjen e Rinasit si edhe për personat që shoqërohesh në arrati vikima.

Dëshmi kanë dhënë edhe disa zyrtarë të “ICTS”, teksa u sekuestrua nga organi i akuzës edhe praktika e ndjekur nga kompania e cila është kontraktuar nga TIA për sigurinë e brendshme të aeroportit të vetëm kombëtar që ka Shqipëria./abcnews.al

 

 

 

 

ced138b0-c17c-4cc1-a226-5af93f3cb48d-1280x983.jpg
ad min12:39 | 11/04/2019

Ministri i Brendshëm Sandër Lleshaj, tha sot nga foltorja e Kuvendit se siguria e aeroportit të Rinasit tashmë  është e garantuar. Lleshaj tha se kjo ngjarje ka shumë aktorë të përfshirë brenda saj dhe se Policia e Shtetit ka siguruar prova të rëndësishme, që do të sjellin rezultate për hetimin. Më tej ai i është përgjigjur deklaratës së deputetit të opozitës Ralf Gjoni, i cili i kërkoi dorëheqjen nga salla e Kuvendit. 

“Gjëra të tilla mund të ndodhin kudo. Ajo që ka ndodhur është e rëndë. Ne kemi marrë masa të forta të plota për të zhbërë një histori turpi që është transferuar para 20 viteve në duart e një privati. Transferuam sovranitet në duart e një koncesionari privat. Nëse shikoni do të gjeni edhe emra të njohur që kanë kontribuuar në këtë situatë. Po është një cenim i sigurisë kombëtare dhe jo rrëzim. Aktorë dhe përgjegjës ndër vite për këtë situatë shqetësohen pse ndërhyri ushtrinë në aeroport. FA e ka në mision kushtetues sigurinë kombëtare. Nëse konstatojmë se është cenuar apo kërcënuar, FA ka detyrë që të japë kontributin e tyre. Ajo nuk kanë hyrë si forca të armatosura, por në mbështetje të policisë.
Porta e Rinasit u cenuar në kuadrin e disa sekondave. Nuk është turp kombëtar por incident, mos harroni 11 shtatorin se çfarë ndodhi, apo goditje terroriste, por asnjë komb nuk cenohet të shpallë gjendje të pa shpresë. Nuk ka asgjë për t’u alarmuar. Policia reagoi në kohë rekord dhe në mënyrë të paparë. Policia u sulmua me granata dhe nuk u tërhoq, nuk rrëzohet siguria nga një incident​​​​​​​. Ky grup kriminal është arratisur nga burgu i një vendi anëtar të BE-së, por nuk u shpall turp kombëtar atje. Meqë më përmende dorëheqjen, nuk kam luftuar asnjë ditë për ta pasur këtë post, nuk kam asnjë brengë për ta lenë, faleminderit për rekomandimin por atë e gjykoj unë me dinjitetin personal”, –tha Lleshaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono