pronari
So Nila10:05 | 20/01/2020
Një i moshuar nga Michigan është lavdëruar për ndershmërinë e tij pasi ka gjetur 43,000 dollarë para në jastëkët e një divani të dorës së dytë që ai bleu, por pastaj gjeti pronarin dhe i ktheu çdo qindarkë.
Howard Kirby, bleu divanin për 70 dollarë në Owosso, Michigan.
Ai po endej në dyqane për të blerë sende për vendin se ku po banonte. Pas disa javësh kur e gjeti divanin dhe e bleu, ai dhe nusja e tij vendosën të heqin kapakët e jastëkut dhe aty zbuluan paratë e fshehura.
Kirby foli menjëherë me një avokat i cili i tha atij se nuk kishte të drejtë ligjore ta kthente divanin dhe se mund ti mbante paratë por ai tha që do ndihej më mire nëse do i kthente paratë tek pronari.
Kirby mori paratë dhe i ktheu në dyqan, ku ai e kishte blerë atë dhe u kërkoi atyre që të gjenin personin që i kishin humbur paratë. Disa ditë më vonë u njoftuan se ata tashmë e kishin gjetur pronarin e parave dhe ia kishin dorëzuar atij të gjitha./abcnews.al
nev ila09:09 | 23/10/2019
Arrestohet përfaqësuesi i firmës që kryente punimet dhe shpallen në kërkim policor administratori dhe drejtuesja teknike, në lidhje me ngjarjen e ndodhur ditën e djeshme në Golem, ku në një objekt ndërtimi u rrëzua nga lartësia dhe më pas ndërroi jetë në spital punëtori Dashamir Hyka.
“Shërbimet e Komisariatit të Policisë Kavajë, nën drejtimin e Prokurorisë pranë Gjykatës së Shkallës së Parë Kavajë bënë arrestimin e shtetasit:
M. K., 37 vjeç, banues në Durrës.
Ky shtetas, me detyrë përfaqësues i firmës që kishte marrë përsipër kryerjen e punimeve në objektin e ndërtimit në Golem ka shkelur rregullat e mbrojtes në punë, pasi nga verifikimet e kryera ka rezultuar se punëtori D. H. (i cili ra nga lartësia dhe më pas ndërroi jetë në spital) nuk ka qënë i siguruar dhe nuk ka patur kontratë pune me firmën e punimeve që shtetasi M. K. përfaqësonte.
Gjithashtu janë shpallur në kërkim policor administratori dhe drejtuesja teknike e firmës që kryente punimet, shtetasit I. K. dhe E. S., pasi nuk kishin marrë masa për zbatimin e rregullave të mbrojtjes në punë.
Materialet procedurale iu referuan për veprime të mëtejshme Prokurorisë pranë Gjykatës së Shkallës së Parë Kavajë, për veprat penale “Shkelja e rregullave të mbrojtjes në punë” dhe “Punësim i paligjshëm”.
37-vjeçari ka humbur jetën ditën e djeshme, në Golem, pasi ka rënë nga lartësia e një godine në rikonstruksion./abcnews.al
Autor E15:01 | 19/10/2019
Peter Waller ka në pronësi prej 30 vitesh një dyqan të vogël në Middlesbrough.
Një natë, aty ia behin dy grabitës, të cilët e kërkojnë me thika duke thënë se duhej t’u jepte paratë, “ndryshe do t’i copëtonin fytyrën”.
Shumë do të ishin trembur duke vepruar siç kërkuan grabitësit, por Peter u soll ndryshe: Ai i kapi me shkelma dhe grushte duke i nxjerrë jashtë, raporton abcnews.al.
“Ai më tha se do më presë fytyrën, por unë kam punuar shumë për këtë dyqan”, u shpreh Peter për “The Mirror”.
KËTU mund të ndiqni pamjet nga kjo ngjarje e pazakontë.
ad min09:36 | 18/10/2019
Një makine tip “Mercedez-Benz CLS” me targa gjermane iu vu tritol këtë të premte. Ngjarja ndodhi në kryeqytet dhe mësohet se shpërthimi ishte shumë i fuqishëm. Pronari i saj shpëtoi vetëm se përdori pultin për hapjen e mjetit.
Gazetari i ABC News, Andi Qosja, raportoi se nga ngjarja Artion Bylyku shpëtoi pa lëndime. Emri i tij nuk është i lidhur me ndonjë ngjarje të rëndë kriminale. Megjithatë tashmë hetuesit janë përqendruar tek e kaluara e tij, për të shikuar nëse është përfshirë në ndonjë aferë apo atentat.
Artion Bylyku ka qenë gati duke hipur në makinë, por ajo shpërtheu në momentin që ai përdori antifurtën për ta hapur. Kjo është edhe arsyeja pse Bylyku i ka shpëtuar ngjarjes së rëndë.
Policia ka sekuestruar kamerat e sigurisë për të identifikuar autorin që ka vënë tritolin, ose për të parë trajektoren e ndjekur nga ai. Sipas burimeve në hetuesi, Bylyku ka thë se nuk ka pasur konflikte.
Makina ishte e parkuar poshtë pallatit, ku banonte edhe pronari./abcnews.al
ad min11:43 | 14/09/2019
Një punëtor është plagosur me thikë këtë të shtunë në kryeqytet. Ngjarja ndodhi në rrugën “Myslym Keta”. Mësohet se D.L. 51 vjeç është goditur me thikë nga pronari i banesës ku po punonte.
Autori i sulmit është 44-vjeçari me iniciale S.A. Ai është person me precedentë të mëparshëm penal pasi është dënuar për “Vjedhje”. Paraprakisht dyshohet se autori e ka goditur punëtorin për motive të dobëta.
I plagosuri është dërguar në spitalin e Traumës dhe ndodhet nën kujdesin e mjekëve. Grupi hetimor po vazhdon punën për të zbardhur rrethanat e plota të ngjarjes, ndërsa ndaj autorit të sulmit rëndon vepra penale “Plagosje e rëndë me dashje”.
Disa javë më parë, një punëtor humbi jetën pasi u qëllua me armë zjarri. Indrit Çelaj u qëllua me një plumb në kokë teksa ishte duke montuar një kondicioner në banesën e familjes Kusi.
Për ngjarjen janë shpallur në kërkim dy vëllezërit Griseldo dhe Albano Kusi, të akuzuar për vrasjen. Ndërkohë në qeli kanë përfunduar si persona që janë implikuar në këtë ngjarje, Bujar Kusi, Ferdinand Bakkali, Edmond Sula dhe Luan Çaka.
Dyshohet se shkak për konfliktin ndërmjet autorëve dhe viktimës të ketë qenë pikërisht defekti në kondicionerin që edhe pse ishte riparuar përsëri kishte probleme teknike. /abcnews.al
nev ila15:22 | 28/08/2019
8 persona janë arrestuar në Tiranë nën akuzën e falsifikimit të 150 mijë biletave të transportit urban. Personat nën hetim janë kryesisht me detyrë administratorë të shoqërive të urbanëve në Tiranë. Falsifikimin, ata dyshohet se e kanë kryer në bashkëpunim me njëri tjetrin, me qëllim shmangien e detyrimeve tatimore.
Në vijim të operacionit kundër informalitetit, Policia e Tiranës ka vënë në pranga 8 persona, të cilët falsifikonin biletat e transportit urban në kryeqytet. Bëhet fjalë për rreth 150 mijë bileta të linjave të ndryshme në shërbimin e transportit urban në kryeqytet.
Disa prej të arrestuarve kanë pasur detyrën e administratorëve si dhe kanë qenë ortak në shoqëri transporti.
Në pranga ka rënë Ferdinand Ibrahimi me detyrë administrator dhe ortak i shoqërisë së transportit të Unazës , si dhe djali i tij Anastas Ibrahimi të cilit iu gjetën të fshehura biletat, në tentativë për t’i asgjësuar.
Gjithashtu, policia ka arrestuar edhe Fatos Vrapin dhe bashkëshorten e tij Albana Vrapi bashkëpronare të linjave të Tiranës së Re, Tufinës dhe Shkozës.
Në pranga ka rënë edhe Evisa Vora, me detyrë administratore dhe që ka pronësi linjën e Porcelanit, Lulëzim Allaraj dhe Aldi Duka, me detyrë dispeçerë të linjave të autobusëve dhe Klodiana Qato, me detyrë ekonomist në një shoqëri të trasnportit urban.
Policia bën të ditur se arrestimi i këtyre shtetasve u bë pasi dyshohet se duke bashkëpunuar me njëri -tjetrin kanë falsifikuar bileta të transportit urban në kohë dhe periudha të ndryshme, me qëllim shmangien e detyrimeve tatimore dhe përfitim financiar të disa shoqërive operatore në transportin urban në qarkun Tiranë.
Këta shtetas, dyshohet se përdornin bileta urbani të falsifikuara dhe jo ato të prodhuara në Shtypshkronjën e Letrave me Vlerë, duke përfituar shuma të konsiderueshme monetare.
Nëse 150 mijë biletat e falsifikuara do të biheshin në përdorim , shuma e tyre do të kapte blerën e 6 milionë lekëve.
Përveç biletave, në cilësinë e provës materiale, policia ka sekuestruar: një automjet të markës “Masserati”, 4 aparate celulare, në posedim nga personat nën hetim, kartela të ndryshme financiare të plotësuara me shkrim dore, 5 libra arkash, 62 blloqe mandatesh arkëtimi, 350 kopje mandatesh arkëtimi , si dhe dokumente të tjera me shënime të ndryshme.
Ndërkohë vijojnë hetimet për identifikimin e personave të tjerë që mund të jenë të përfshirë në këtë veprimtari kriminale. Të arrestuarit akuzohen për veprat penale “Fshehja e të ardhurave”, “Falsifikimi i letrave me vlerë” dhe “Mospagimi i taksave dhe tatimeve”./ABC News Albania 24/7
ent ela15:44 | 23/08/2019
Babai i Emirit te Katarit, Sheikh Hamad Bin Khalifa Al Thani ka bërë një vizitë në qytetin bregdetar të Sarandës, me Yacht Katara. Ai ka mbërritur me një Jaht Luksoz por për arsye sigurie nuk jepet asnjë detaj sa do të qëndrojë dhe cilat pika do vizitojë. Në jahtin e tij është edhe një helikopter. Jahti luksoz KATARA, 124 metra i gjatë është një nga jahtet më të mëdha luksoze private në botë dhe është në pronësi të ish-Emirit të Katarit Hamad bin Khalifa Al Thani. /ABC News Albania 24/7
ad min16:02 | 15/08/2019
Pesë turistë spanjolle u përballën me agresivitetin e një pronari në Borsh të Sarandës. Incidenti ndodhi pasi turistët janë ankuar për shërbimin në lokal dhe u larguan me makinën e tyre.
Në këtë moment pronari i lokalit i ka ndjekur nga pas duke i fyer. Gjithashtu thuhet se ai ka qëlluar edhe me gurë, por policia ende nuk e konfirmon një fakt të tillë./ABC News Albania 24/7
ad min11:15 | 10/08/2019
Policia e Shtetit dhe organet tatimore kanë bllokuar për evazion fiskal kompaninë “Gega Oil” ndërkohë që është shpallur në kërkim administratori i saj, Paulin Gega, i cili rezulton se është larguar jashtë shteti
Në njoftim te policisë thuhet se gjatë një kontrolli tatimor të ushtruar në datën 7 Gusht në subjektin “Gen Klaudis ShA”, që njihet me emrin tregtar “Gega Oil” , u gjetën pompa, të cilat në shkelje të ligjit, funksiononin në regjim manual. Pikërisht për këtë arsye u bë edhe bllokimi i aktivitetit për këtë firmë karburantesh, thuhet në njoftimin për mediat. Hetimet e mëtejshme, sipas policisë, treguan se administratori i kompanisë, Paulin Gega, përmes subjektit që ai drejton “Gega Oil”, ka kryer evazion fiskal në përmasa të konsiderueshme.
Gega edhe më herët ka pas probleme me organet tatimore. Ndaj tij nisi një procedim rreth katër vite më parë nga Drejtoria e Policisë Shkodër, për veprën penale fshehje e të ardhurave, por hetimet u pushuan për mungesë provash. Urdhër-ndalimi për Paulin Gegën e ka nxjerrë prokuroria e Tiranës për veprat disa penale, si; “Fshehja e të ardhurave”, “Ndryshimi në aparatet matëse” dhe “Pastrimi i produkteve të veprës penale”. Ne njoftimin e uniformave blu thuhet se administratori i Gega Oil rezulton të jetë larguar jashtë vendit më datë 9 gusht, duke bërë shpalljen në kërkim të Paulin Gegës.
Pak pasi policia e Shtetit njoftoi zyrtarisht se ka shpallur person në kërkim administratorin e Gega Oil, ky i fundit ka reaguar për lajmin, duke mohuar akuzat edhe bën me dije se është ndër tatimpaguesit më të mëdhenj në vend. Paulin Gega deklaroi se këtë lajm e mësoi sot nga mediat ndërsa ai ishte larguar për pushime në shtetin fqinj, Greqi./ABC News Albania 24/7
ad min12:00 | 07/08/2019
Aksioni anti-informalitet vijon dhe nuk ka kursyer as bizneset. Kryeministri Edi Rama paralajmëron një prej restoranteve më të famshme në kryeqytet. Teksa ka postuar një foto me pronarin e këtij restoranti Rama thotë se bizneset duhet të kenë kujdes me kuponat, duke cituar edhe një shprehje angleze që thotë “Dy gjëra janë të vdekura në demokraci, vdekja dhe taksat”.
“Yllin e famshëm të Peshkut në Tiranë, e dua shumë se është punëtor i madh? Po Ligjin e dua edhe më shumë? Pranej Yllo, se t’kom ene katunarin tim anej nolt, men për herë tjetër me kuponat?Ene mos e harro inglizin, që thot “Dy gjona jon t’vdekme për robin n’demokraci, vdekja ene taksat”?”, shkruan Rama në “Facebook”.
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
15:25 | 02/04/2020
