ppp

Capture-31.jpg
in a16:48 | 04/03/2020

114.9 mln euro janë kostot që duhet të paguajë buxheti i shetit për prishjen e kontaratve në mënyrë të njëanshme. Kjo kosto e cila është barrë për taksapaguesit shqiptarë është vetëm për 10 vendime të formës së prerë të Gjykatës së Arbitrazhit.

Në raportin vjetor  Kontrolli i Lartë i Shtetit konstaton se përtej detyrimeve të tjera ndaj biznesit ky borxh vjen vetëm si pasojë e mosrespektimit të investitorëve.

Në raport theksohet se  peshën me të madhe të këtyre vendimeve, e ka çështja e Francesco Becchettit, për të cilën gjykata ndërkombëtar për zgjidhjen së Mosmarrëveshjeve të Investimeve ka dënuar Shqipërinë me vlerën 110 mln  euro, por aktualisht ky vendim është pezulluar. Sipas KLSH-së qeveria shqiptare ka aplikuar për anulimin e këtij vendimi dhe Gjykata e ka pranuar duke pezulluar përkohësisht zbatimin e tij.

Por çështja vazhdon të jetë në proces e sipër dhe nëse gjyqi fitohet nga ky sipërmarrës buxhetit të shtetit do ti shkaktohet dëm ekonomik i konsiderueshëm. Por përtej këtyre të dhënave Kontrolli i Lartë i Shtetit ngre si shqetësim faktin që për vendimet e arbitrazhit ndërkombëtar Avokatura e Shtetit nuk disponon informacion të plotë lidhur me shumat e paguara nga institucionet që janë pale në gjykim, e si e tillë vlerat e ekzekutuar dhe të pa ekzekutuara nga buxheti i shtetit nuk konfirmohen nga ky institucion.

Nisur nga kjo KLSH në raport ka kërkuar ndryshim të dispozitave ligjore. Rrezik për Financat Publike konsiderohen ndër të tjera edhe kontratat koncesionare/PPP apo administrimin i marrëveshjeve hidrokarbure.

KLSH ka audituar 6 projekte koncesionare PPP, të cilat rezultuan me probleme në studimet e fizibilitetit të hartuara nga autoritetet kontraktuese dhe nga implementimi i kontratave të të cilave, në vitet në vijim pritet të materializohen në  shpenzime jo me efektivitet eficencë dhe ekonomicitet./abcnews.al

mazniku.png
R D20:54 | 26/02/2020

N/kryetari i Bashkisë së Tiranës, Arbi Mazniku i ftuar në studion e Abc News, foli për prishjen e negociatave me kompaninë “Fusha” për ndërtimin e Teatrit Kombëtar me PPP. Ai tha se Teatri tashmë do të ndërtohet me fonde publike, pasi kompania private nuk mori përsipër ta ndërtonte shpejt teatrin e ri. “Pas votimit në parlament, kaluam në fazën e negociimit që parimisht dihet se fillon por jo se si mbaron. Në grupin e negociimit kishte përfaqësues nga shumë institucione por edhe artistë. Ne kërkuam që të bëhej një teater i mirë që do qendrojë në qytet për 100 apo 200 vitet e ardhshme”, u shpreh Mazniku.

Ai më tej sqaroi se “kërkuam dy kategori, sa i përket aspektit teknologjik që kërkohej nga ana e artistëve dhe afatet e zbatimit të projektit. Ne, pra e donim Teatrin e ri Kombëtar me cilësi dhe shpejt, kompania nuk erdhi dot në parametrat tona. Kërkesat tona nuk negocioheshin, ndaj edhe u ndërprenë negociatat me kompaninë në fjalë”.

Mazniku tha “kërkesa jonë konsistonte me fillimin e projektit dhe mbarimin. Zhvillimi pas Teatrit le të merrte kohën e vet, por ndërtimin e teatrit deshëm që të bëhej më shpejt”.

I pyetur se pse nuk nisën negociatat me ndonjë kompani tjeter, Mazniku u përgjigj se “nuk deshëm të humbasim më kohë dhe tashmë do të ndërtohet me fonde publike sipas të njëjtit projekt”.

Sipas tij, hapësira e teatrit ekzistues do t’i mbetet teatrit, pra ai truall që ka në dispozicion nuk do të ndryshojë.

Sot thatë se do ndërtohet me fonde nga buxheti i shtetit, ndërsa qeveria më parë ka thënë se nuk ka fonde dhe mënyra më e mirë është PPP. Ku do i gjeje tani shteti lekët?

Mazniku: Në rastin e teatrit kishim një opsion ta ndërtonim pa prekur paratë e buxhetit të shtetit, por kjo rrugë doli e pasuksesshme. Tani duhet të nisin diskutim të ri me qeverinë për financime publike, duke qendruar besnik kërkesës së artistëve për teater cilësor. Unë besoj se jemi në një pikë që jemi në dakordësi se s’ka hapa mbrapsht për projektin e Teatrit. Angazhimi është që brenda 100 vjetorit të Tiranës të ndërtojmë Teatrin e ri. /abcnews.al

Lexo edhe:
Nuk ka kulla tek Teatri Kombëtar: Prishet marrëveshja mes Bashkisë dhe kompanisë “Fusha”

1557593582_mbroteatrin.jpg
R D20:09 | 26/02/2020

Në Shqipëri, Bashkia e Tiranës njoftoi sot se nuk arriti dot marrëveshjen me një kompani private për ndërtimin sipas formulës së Partneritetit Publik Privat, Teatrin e ri kombëtar në vend të godinës aktuale në qendër të kryeqytetit.

“Komisioni i negocimit, në mbështetje të të gjitha kërkesave të komunitetit të artistëve për një teatër modern, i cili përmbush kriteret e nevojshme për realizimin profesional e me cilësi të shfaqjeve teatrale, nuk arriti të gjejë dakordësinë me palën private. Modeli financiar i propozuar nga pala private e interesuar për ndërtimin e godinës së Teatrit të ri Kombëtar dhe zhvillimit të zonës urbane, por edhe kompleksiteti i projektit, i cili duhet të përmbushte të gjitha kërkesat teknike të kërkuara nga përfaqësia e artistëve në komision, nuk mundësonte ndërtimin e godinës në një kohë të shpejtë dhe me infrastrukturë moderne për një teatër bashkëkohor”, bëri të ditur Bashkia në një deklaratë.

Ndërtimi i një Teatri të ri sipas një projekti të arkitektit të njohur danez Bjarke Ingel, u kundërshtua nga një pjesë e komunitetit të artistëve, ndërkohë që mënyra e zgjedhur nga Qeveria ngriti shumë dyshime. Parlamenti miratoi në 2018 një ligj të posaçëm i cili i njihte të drejtën një kompanie private që të ndërtonte me fondet e saj një godinën e re. Në këmbim, kompanisë, i lejohej ndërtimi i disa pallateteve shumëkatëshe në zonën rreth e qark në zemër të Tiranës.

Në ligjin e hartuar nga Parlamenti, në ndryshim nga një variant i mëparshëm që specifikonte me emër kompaninën shqiptare të ndërtimit “FUSHA”, u la hapësira për garë. Por në të vërtetë, ishte sërish vetëm “FUSHA” që u paraqit në garën e cila u mbyll në gjysmën e dytë të shtatorit 2019.

Qeveria e kishte mbrojtur me këmbëngulje këtë projekt, duke deklaruar se formula e Partneritetit Publik Privat, ishte e vetmja mënyrë për të financuar një projekt të kushtueshëm, të cilin ajo vetë nuk mund ta përballonte me burimet e veta financiare. Kostoja e ndërtimit sipas prijektit të arkitektit danez shkon mbi 30 milion euro. Mirëpo në deklaratën e sotme të Bashkisë theksohet se “nisur nga interesi për të ndërtuar një godinë bashkëkohore dhe moderne, që plotëson të gjitha kushtet teknike për realizimin e shfaqjeve, e cila t’i shërbejë komunitetit artistik teatror dhe publikut artdashës, Qeveria dhe Bashkia e Tiranës vendosën që godina e re e Teatrit Kombëtar të ndërtohet nga shteti si një investim publik”. Madje Bashkia zotohet se puna do të nisë brenda këtij viti për të realizuar po të njejtin projekt për godinën e re të Teatrit. /VOA

edi-rama-ne-konference.jpg
ger ta11:45 | 21/02/2020

Kryeministri Edi Rama, ka marrë pjesë në takimin që është mbajtur sot në Shtëpinë e Evropës, në një konferencë të organizuar nga Këshilli i Bashkëpunimit Rajonal dhe Forumi Ekonomik Botëror, të cilët janë bashkuar për t’i dhënë udhë përshpejtuesit të konkurencës dhe inovacionit në hapësirën e Ballkanit Perëndimor.

Gjatë fjalës së tij Rama është ndalur edhe te  Partneritetin Publik Privat, ku u shpreh se është  shumë i rëndësishëm në ekonomi, edhe pse shumë nuk bien dakord me të dhe tha se për këtë deklaratë do ta shanin. Kryeministri tha PPP-të krijojnë iniciativa të reja dhe kushte të reja për punësimin.

“Unë e di që nëse do të thoja PPP unë menjëherë do të kem shumë njerëz që do fillojnë të bëjnë zhurme, për hir të luftërave ose analizave që do të bëhen dhe asnjëherë nuk kanë treguar vullnet për të kuptuar sesa e rëndësishme është që ti kemi PPP si pjesë e përpjekjes tonë të përgjithshëm. PPP janë ato që do të mbështesin fuqishëm të gjithë ne, në identifikimin dhe duke na shtyrë më tej përpara për iniciativa, të cilat do të krijojnë kushte të reja dhe iniciativa të reja për start up-e”, u shpreh kreu i qeverisë.

Po ashtu Rama deklaroi se gjatë vitit 2020 gati të gjitha shërbimet për qytetarët do të merren online, pa shkuar më nëpër zyra apo pa dashur të takohen zyrtarë.

Tani në 2020 ne do sigurohemi që 95% e shërbimeve do të jenë në dispozicion të njerëzve, duke mos pasur kontakt. Nuk ka nevojë që dikush të shkojë nëpër zyra, të marrë kontakt me zyrtarë, gjithçka do të jetë online. Ne kemi lëshuar më shumë se 50 mijë karta shëndetësore, që janë dhënë në më pak se dy muaj. Njerëzit thjesht aplikonin dhe e merrni në shtëpi. Kjo do të jetë për të gjitha sektorët dhe do jetë një grusht i fuqishëm ndaj korrupsionit dhe mitmarrjes”, tha Rama. /abcnews.al

Screenshot_3.png
R D18:52 | 02/12/2019

Kryeministri Edi Rama, teksa fliste për mediat nga Durrësi u pyet edhe për anulimin e koncesioneve në mënyrë që paratë të shkojnë për të përballuar situatën e rëndë që shkaktoi termeti. Rama tha se kjo nuk ka asnjë mundësi të ndodhë sepse nuk mund të mbeten pa shërbim të sëmurët që bëjnë dializën apo ata që bëjnë kontrollin shëndetësor bazë (check up).

“Për sa i përket pastaj histerisë për oligarkët, unë nuk e di se cilët nga ata që fshihen pas këtij emri të hiqen. A duhet të ndalojmë kontrollin shëndetësor bazë të popullsisë, për të rindërtuar? Jo! Duhet të ndalojmë pagesat për hemodializën e atyre njerëzve që shyqyr që ju ra trupi rehat, aq sa mund t’u bie atyre njerëzve që kanë sëmundje të rëndë në trup; Duhet të ndalojmë pagesat për instrumentet mjekësore që e kemi ulur thuajse në zero numrin e infeksioneve? Jo! Duhet të ndalojmë punimet për Rrugën e Arbrit? Në asnjë mënyrë! Do t’i bëjmë të dyja dhe kjo do të shikohet ditë pas dite.

Nëse ka ide se si mund t’i bëjmë këto gjëra jo për propagandë, jo për t’ia hequr njërit dhe për t’ia dhënë tjetrit, atëherë janë të mirëseardhura, përndryshe janë deklarata që mund të hidhen… Janë deklarata që nuk i shërbejnë as Lulzim Bashës dhe as forcave të tjera politike, prandaj është mirë të vijnë në tryezë”, u shpreh Kryeministri.

PROVOKACIA-24-SHTATOR-PJESA-3-ARBEN-MECE.mpg_snapshot_01.56-1280x720.jpg
ent ela22:15 | 24/09/2019

Implikim politik dhe mungesë transparence që lë vend për korrupsion, është për inxhinierin Arben Meçe dhënia e rrugëve me PPP (Partneritet Publik Privat).

“Një nga debatet më serioze e më pikëpyetje të mëdha në Shqipëri. Ka implikim politik dhe mungesë transparence. Të thuash je kundër PPP bën gabim të madh. Të thuash kundër bën gabim se janë instrument i rëndësishëm, por nëse humbasin transparencën amplifikohen si korrupsion. Një gjë e them me siguri se nuk janë transparente”.

I Ftuar në studion e Provokacijas, inxhinieri ka shpjeguar skemën dhe mekaznizmin e tenderimit, që sipas tij ngre pikëpyetje të mëdha.

“Kam kërkuar në media për të gjetur një informacion të vetëm mbi PPP e rrugëve, dhe kam gjetur vetëm një informacion që ishte copy paste e të gjitha mediave. Të gjitha mediat që kam parë japin 4 shifra pa analizuar se çfarë japin ato shifra.

Ai futet me bonuse nga qeveria, jo pa tender. Po shihni me kujdes 35 pikë propozimi teknik për ndërtimin, 20 pikë ndikimi mjedisor, 10 ndikimi social dhe 10 pikë afati i përfundimti dhe 25 pikë ofertë financiare.

Kjo skemë tenderi është pikënisja e diçkaje që nuk shkon. Shqetësimi jonë është vlera 25 pikë, kur ka faktorë të tjerë si efekti social, mjedisi, dhe afati.

Mekanizmi ka pikëpyetje të jashtëzakonshme. Të gjitha kompanitë operojnë me të tjerat dhe 35 pikë nuk qëndron ajo që është shqetësimi ynë është 25 pikë.

Skema si ndërtohet tenderit paragjykon që kemi korrupsion se janë 60 pikë subjektive dhe jo objektive. ata brenda ligjit janë në rregull se kështu është ligji”.

Ajo që propozon inxhinieri Meçe është ndryshimi urgjent i mekanizmit, pasi të gjithë e dinë vlerën dhe fituesin. Sipas itj ëkto tendera më shumë se korrupsioni, kanë të bëjnë me sigurinë kombëtare.

“Duhet urgjent të ndryshohet mekanzimi i tenderimit. Gjithë problemi është mekanizmi. Seleksionohen 5 kompani dhe çdo gjë ndërtohet si ta bësh ligjin. Këtu të gjithë e dinë vlerën dhe fituesin.

Këto tendera nuk kanë të bëjnë me korrupsionin, por me sigurinë kombëtare. Ne monitorehemi nga FMN, BB, çka tregon se kur borxhi tejkalohet nuk merr dot më. Buxheti jonë është aq i ngarkuar me shpenzime korente, që nuk janë investime, por thjesht konsum dhe pjesa e investimit është aq e vogël sa shteti shqiptar e ka të pamundur të bëjë investime.

Ka dy rrugë, rruga e tanishme është ppp, si instrument e merr borxhin, por qeveria do ta paguajë dhe me përmasë më të lartë se kur ta merrte vete qeveria”.

Në këndvështrimin e tij inxhiniere Meçe thotë se investimet strategjike që duhet të ketë Shqipëria janë korridori 8, korridori veri-jug,ndërsa rruga e kombit për të është një kosto e rëndë.

“Rruga ose bëhet në gjithë vijën lineare dhe është më e pranueshme ta bëje me dy vija kalimi, jo me 6. qëndrimi im për atë rrugë është se ka qenë një kosto e rëndë që edhe sot po e paguan qeveria.

Investimi strategjik që duhet të kishte Shqipëria duhet të ishte korridori 8. Resursi i Shqipërisë është gjeopolitika, pjesa tjetër nuk e di  si rron Shqiperia në këto kushte. Në studimin që kam bërë është korridori 8 dhe veri jug është shtylla kurrizore e një trupi, çka do të thotë që dhe Thumana e Balldreni janë pjesë e këtij korridori, janë rrugë që duhet të bëheshin të parat. Është rruga e vdekjes se është bërë me parametrat më të këqija se nuk e meritonin gjithë ato aksidente”. /abcnews.al

kkk-1-1280x717.jpg
ent ela16:30 | 24/02/2019

Ndryshimet në ligjin për “Partneritetin publik, privat dhe koncesionet e pakërkuara” të miratuara së fundmi në Këshillin e Ministrave, janë të pamjaftueshme dhe kanë nevojë për përmirësime thelbësore për të mbrojtur interesin publik. Është ky qëndrimi i konfederatës së industrive të Shqipërisë. Në një njoftim për shtyp Konfindustria vlerëson se politikat e PPP dhe koncesioneve të pakërkuar kanë prodhuar pakënaqësi të mëdha te biznesi dhe qytetarët për shkatërrim konkurence, krijim monopolesh, dëme mjedisore, ka thelluar borxhin publik në mbi 82% të Prodhimit të Brendshëm Bruto, ka rritur kostot financiare në shumë sektorë./abcnews.al

 

provokacija-1280x700.jpg
ad min22:00 | 08/02/2019

Inxhinieri Xhevair Ngjeqari ishte i ftuari i radhës në emisionin “Provokacija”. Ai ka folur për Ligji i Partneritetit Publik-Privat, ku sipas tij ai është: “ligji i grabitjes së të ardhurave popullore ka nevojë urgjente të reformohet dhe ndryshohet”.

“Të ndërtosh rrugë dhe objekte ku shteti yt bëhet bashkëinvestitor në kushte jo të rregullta, jo me interes publik, këto nuk janë koncesione. Këto janë grabitje të pastra të pasurive kombëtare. Shumë banka po hezitojnë të japin paratë, financimet sepse nuk kanë besim se shteti mund t’ua shlyetj. Por nuk ka mundësi të jepien, të harxhohen 1 miliad lek për rrugën Thumanë –Rrogozhinë. Ky ligj nuk fuqizon vetëm një mbretësi por edhe një sulltan. Ky lidh i jep kepetenca të jashtëzakonshme qeverisë që të kryej çfarëdolloj partneriteti.  I bëj thirrje publikut nëprmjet emisionit të Mustafa Nanos se këto partneritete duhet t’i anulloni në mënyrë urgjente. Ligji për PPP duhet të riformatohet. Koncesionet që financohen nga shteti nuk kanë për qëllim zhvillimin e vendit”./abcnews.al

FMN-PER-PPP.mpg_snapshot_00.59-1280x720.jpg
ent ela16:08 | 29/01/2019

Fondi Monetar Ndërkombëtar ka nënvizuar edhe njëherë rrezikshmërinë për ekonominë shqiptare të kontratave me Partneritet Publik Privat. Duke përshendetur vullnetin e qeverisë për ndalimin e kësaj praktike, FMN në raportin e fundit shkruan se në buxhetin e 2019, parashikohet një listë e PPP-ve potenciale, sa 15% e prodhimit të brendshëm bruto të vendit.

Të hartuara dobët dhe me risk të lartë. Kështu i sheh fondi ndërkombëtar ndërkombëtar kontratat me partneritet publik privat. Në raportin e publikuar së fundi për Shqipërinë shprehet shqetësimi për shifrat në rritje në raport me GDP.

“Rritja e shpejtë e PPP ka shtuar edhe risqet fiskale dhe stafi propozoi hapa të mëtejshëm për të kontolluar këtë aspekt. Përveç stokut ekzistues të PPP-ve prej 31 për qind e GDP-së (që mbulon më shumë se 220 projekte përfshirë koncesionaet në energji me më shumë se 23 pikë përqindje) në buxhetin e 2019 dokumentet parashikojnë një listë të PPP-ve potenciale që arrinin në 15 për qind të GDP-së”.

Borxhi publik është i lartë, “ndërsa niveli i ulët i kursimeve të brendshme dhe mungesa e investitorëve të mëdhenj institucionalë e rrit varësinë ndaj burimeve të huaja të financimit – vëren Fondi Monetar Ndërkombëtar sipas të cilit  Rritja e varësisë nga PPP-të për projektet e infrastrukturës ka rezultuar në shtimin e detyrimeve potenciale. Rreziqet e brendshme gjithashtu përfshijnë ndikimin e thatësirës në prodhimin e energjisë, duke krijuar risqe për buxhetin.

Fondi vlerësuar pozitivisht ndryshimet në ligjin për parneritetin publik privat.

“FMN mirëpriti ndryshimet e planifikuara në legjislacionin e PPP për të rritur rolin e Ministrisë së Financave dhe Ekonomisë si një mbikqyrës për koston potenciale të PPP-ve si një hap i parë pozitiv. Do të ishte kritike që të sigurohet vlera e parave përmes një procesi ofertimi konkurrues për të gjithë projektet duke ndaluar kështu pranimin e ofertave të pakërkuar”.

Fondi Monetar Ndërkombëtar nënvizon gjithashtu rëndësinë për marrjen e masave për të mos krijuar më detyrime të prapambetura të cilat kanë arritur në 24.5 miliardë lekë (200 milionë euro) deri në shtator të vitit 2018.

Kjo shumë  që është sa 1.5 për qind e PBB, dominohet nga borxhet e qeverisë qendrore me rreth 17 miliardë lekë dhe nga borxhet e qeverisë lokale me mbi 7 miliardë lekë. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono