ngjarja

kei-piu-1.jpg
nev ila08:08 | 16/01/2020

Rreth orës 1.20 në bulevardin kryesor të Elbasanit në afërsi të vendit të quajtur “shatërvani” një person ka mbetur i plagosur si pasojë e goditjes me armë zjarri. Korespondenti i Abc News informon se bëhet fjalë për 23-vjeçarin Kei Piu (Piku), i cili ka qenë duke udhëtuar me mjetin e tij tip foristrade AA 767 XO.

Teksa është ndalur në afërsi të një lokali, në qendër të Elbasanit, është qëlluar nga një person. Dyshohet se 23 vjecari ka pasur një debat përpara se të qëllohej. Aktualisht ndodhet në reanimacionin e spitalit të Elbasanit i plagosur rëndë pasi ka marrë tre plumba në trup.

Ndërkohë policia ka dhënë dhe detajet e para të kësaj ngjarje.

Njoftimi i policisë: 

“Rreth orës 01:15, në lagjen “Luigj Gurakuqi”, Elbasan, është qëlluar me armë zjarri në drejtim të shtetasit K. P., 23 vjeç, banues në Elbasan, i cili si pasojë është plagosur dhe ndodhet jashtë rrezikut për jetën.

Grupi hetimor vijon punën për zbardhjen dhe sqarimin e rrethanave të ngjarjes, identifikimin dhe kapjen e autorëve.

Njëkohësisht vijon administrimi i çdo prove sado të vlefshme që çon në zbardhjen e ngjarjes.

Shërbimet e Policisë kanë shoqëruar disa persona për sqarimin e rrethanave të ngjarjes.

Vijon krehja e zonës dhe nga veprimet e para hetimore ka rezultuar se nuk ka pasur shkëmbim me armë zjarri mes palëve“.

/abcnews.al

vendngjarja-tepelene.jpg
nev ila21:54 | 04/12/2019

Të shtëna me armë zjarri janë regjistruar mbrëmjen e sotme në Tepelenë, ku për pasojë ka humbur jetën një person, ndërsa një tjetër ka mbetur i plagosur.

Mësohet se ngjarja ka ndodhur në dalë të qytetit, ku i vrarë ka mbetur 47-vjeçari i identifikuar si Artur Bresha, ndërsa mësohet se është plagosur vëllai i tij Artan Bresha, i cili ndodhet jashtë rrezikut për jetën.

Por si ka ndodhur ngjarja?

Ashtu siç shihet nga pamjet e siguruara nga ABC News, Viktima Artur Bresha, i cili punonte roje nw bypass-in e Tepelenës mësohet se ka qenë në vendin e punës në momentin kur është qëlluar me armë zjarri. Autorët fillimisht kanë shkuar në kantier aty ku punonte viktima, dhe aty e kanë qëlluar, duke e lënë të vdekur në vend. Më pas atentatorët kanë marrë makinën e viktimës, një mjet tip mercedes benz 2000, dhe kanë shkuar pranë banesës së të vëllait, Artan Bresha, të cilin e pikasën në rrugë, dhe e kanë goditur duke e lënë të plagosur. Më pas atentatorët kanë arritur të largohen.

Artan Bresha, vëllai i viktimës, më herët ka qenë i arrestuar nga policia shqiptare gjatë operacionit “Koordinata” ku u bllokua një sasi droge prej 1 ton marijuana./abcnews.al

kercenim.jpg
ent ela11:38 | 11/11/2019

Një 53 vjeçar ka rënë në prangat e Policisë së Shkodrës pasi ka kërcënuar me armë zjarri bashkëshorten në banesë, si dhe ushtronte dhune psikologjike ndaj saj.

Pas njoftimit të marrë policia parandaloi ngjarjen e rëndë në familje, duke neutralizuar dhe arrestuar Refail Shabanin, ndërsa u sekuestrua edhe një armë zjarri pistoletë me silenciator.

Njoftimi i Policisë Shkodër

Falë reagimit të shpejtë të Policisë, parandalohet një ngjarje e rëndë në familje

Arrestohet në flagrancë një 53 vjeçar i cili ushtronte dhunë psikologjike dhe kërcënonte bashkëshorten me armë zjarri

Sekuestrohet në cilësinë e provës materiale një armë zjarri pistoletë

Nga shërbimet e Komisariatit të Policisë Shkodër në bashkëpunim me Forcën e Posaçme “Shqiponjat”, falë reagimit të shpejtë u arrestua në flagrancë shtetasi R. Sh. 53 vjeç, banues në lagjen 10 Korriku, Shkodër

Ky shtetas në banesë ka ushtruar dhunë psikologjike dhe ka kërcënuar me armë zjarri pistoletë bashkëshorten.

Policia pas njoftimit të marrë, menjëherë ka shkuar në banesën e 53 vjeçarit dhe ka bërë neutralizimin e arrestimin e tij në flagrancë.

Në cilësinë e provës materiale ju sekuestrua një armë zjarri pistoletë me silenciator.

Materialet iu referuan Prokurorisë së Rrethit Gjyqësor Shkodër, për veprat penale të “Mbajtja pa leje e armëve dhe municionit”, “Kanosja” dhe “Dhuna ne Familje”. /abcnews.al

 

momenti.png
Autor E17:45 | 01/11/2019

Detaje të tjera zbulohen nga atentati me tre të plagosur në Durrës, mes të cilëve është edhe prokurori Arjan Ndoji.

Gazetarja e Enkelejda Arapi bën me dije për abcneës.al se njëri prej të plagosurve krahas Ndojit janë Andi Maloku dhe Aleksandër Laho.

Ndërkohë, janë zbuluar pamje nga momenti i nxjerrjes së të plagosurve nga makina fill pas atentatit.

Në foto duket momenti kur pranë makinës së prokurorit është afruar një makinë tjetër luksoze dhe po nxjerrin të plagosurit për t’i dërguar në spital. /abcnews.al

 

digjen-makinat-1280x720.jpg
ad min12:03 | 09/09/2019

Tre automjete janë djegur në Tiranë në orët e para të së hënës. Një prej mjeteve ishte në pronësi te ish-kryetarit të degës së PD-së në Vlorë. Automjeti ka qenë i parkuar, kur persona të paidentifikuar sipas policisë i kanë vendosur flakën.

Tre automjete u dogjën gjatë orëve të para të mëngjesit në kryeqytet. Ngjarja ka ndodhur në rrugën “Haredin Shtino”. Siç shihet edhe nga pamjet, makinat kanë qenë të parkuara në momentin kur kanë marrë flakë.

Sipas njoftimit të policisë, fillimisht është përfshirë nga flakët automjeti tip “Mercedes-Benz”, në pronësi të Gramoz Nazërajt. Si pasojë e zjarrit në mjetin e parë kanë pësuar dëmtime të vogla edhe dy makina të tjera që kanë qenë të parkuara aty pranë.

Nazëraj ka qenë ish-kreu i Partisë Demokratike në Vlorë, ndërsa tani mban postin e anëtarit të Këshillit Kombëtar të PD-së. I kontaktuar nga ABC News, vetë i dëmtuar u shpreh se automjetin tip “Mecedes-Benz” e kishte shitur disa kohë më parë në Tiranë mikut të tij por, nuk kishte bërë çregjistrimin e mjetit.

Paraprakisht policia po heton për zjarrvënie të qëllimshme, duke marr edhe dëshminë e personit që përdor makinën e djegur. Gjithashtu janë sekuestruar edhe pamjet e kamerave të sigurisë së zonës së “Don Boskos” për të bërë të mundur identifikimin e autorit të mundshëm të ngjarjes./ABC News Albania 24/7

vloree-1280x709.jpg
ad min11:30 | 05/08/2019

Policia e Vlorës ka zbardhur dinamikën e ngjarjes ku një person humbi jetën dhe dy të tjerë u plagosen. E gjitha nisi pas një sherri të pronarit me një burrë që po kalonte me kalë mes përmes plazhistëve. Për këtë ngjarje katër persona janë në kërkim.

Katër persona po kërkohen për sulmin me armë që ndodhi të dielën në një lokal tek Plazhi i Vjetër në Vlorë. Njëri prej tyre, që dyshohet se është dhe autori kryesor, quhet Eduard Xhezo, një emër i njohur për policinë.

Ai ka qenë i dënuar për tentativë vrasje dhe për armëmbajtje pa leje.  Të tjerët janë Ariel Kingji, vëllezërit  Çelik dhe Geno Lena.

Atentati i djeshëm përfundoi me një bilanc të rëndë, 1 të vrarë dhe dy të plagosur.   Arben Beqiraj, i cili mori gjashtë plumba ndërroi jetë në spital një orë pas mesnatës.  Bashkë me të u plagosën edhe djali i tij Egert Beqiraj, nipi Nesim Hodaj të cilët janë jashtë rrezikut për jetën.

Nga kryerja e kamerave të sigurisë, doli se konflikti nisi  pasi një kalë kaloi mes plazhistëve në zonën e administruar nga Beqiraj ( babë e bir).

Personi me kalë u largua pas debatit me pronarin dhe nuk ishte i përfshirë në ngjarje. Por një orë më vonë pranë lokalit mbërriti një makinë me katër persona. Dy nga ata u afruan  për të diskutuar dhe dy të tjerë në distancë shtinë në drejtim të Arben Beqiraj  të birit Ergest Beqiraj dhe kushëririt të tyre Nesim Hodaj.

Arben Beqiraj i cili ndërroi jetë në spital nuk rezulton me precedent të më hershëm penal. Kurse djali i tij Ergest Beqiraj një vit më parë ka qenë i përfshire në një ngjarjeje dhe ishte i dyshuar për vendosje tritoli në lokalin e Brikelo Brahimaj, i cili ishte i pari që u shoqërua mes 20 personave të tjerë. Por rezultoi se Brahimaj nuk kishte lidhje me sulmin e së dielës. Ekspertet dyshojnë se mes palëve ka patur pazare dhe shkaku u gjet te konflikti i pronarit me burrin me kalë./ABC News Albania 24/7

zjarrii.jpg
ad min10:15 | 12/07/2019

Gjykata e Apelit në Shkodër ka ndryshuar masat e sigurisë edhe për 6 të ndaluarit e tjerë pas ngjarjes në KZAZ nr .3 në Shkodër. Trupi gjykues vendosi detyrim paraqitje për Alfred Nikollin, Gentian Bytyçin, Adi Garucin, Aleks Ndojin dhe Orlando Thepin. Ndërsa ka hequr të gjitha akuzat ndaj shtetasit Çesk Toma, duke e konsideruar arrestimin të paligjshëm.

Një ditë më parë Gjykata e Apelit në Shkodër i dha lirinë edhe ish-deputetit demokrat Bardh Spahia.

Ai ndodhej në “arrest shtëpie”, por gjykata e konsideroi ndalimin e tij të paligjshëm duke i ndryshuar masën në detyrim paraqitjeje. Të gjithë personat e mësipërm akuzohen se ishin të përfshirë në përplasjen mes policisë dhe simpatizantëve të opozitës në KZAZ nr .3 në Shkodër ku iu vu flaka edhe materialeve zgjedhore.

shiku-1280x721.jpg
ad min11:48 | 09/07/2019

Me anë të një njoftimi policia bëri të ditur se 71-vjeçari Sefedin Zenellari, kunati i viktimës së djeshme Gramoz Nako, u vetëvra sot në mëngjes në banesën e tij, kur policia shkoi për ta shoqëruar në komisariat.

I moshuari dyshohet se ka vrarë kunatin e tij, i cili kishte pak ditë që ishte kthyer nga Amerika. Por ABC News ka folur shoku i 71-vjeçarit, i cili është shprehu se ai ishte njeri i qetë dhe ishte ndarë nga gruaja. Ai tregon se me viktimën para një javë kishin qenë në Voskopojë.

“Ishte njeri shumë i qetë. Ne kemi pas shoqëri të ngushtë dhe kemi shkuam bashkë në Voskopojë para një jave. Edhe para një muaji hëngrëm dhe pimë. Ka qenë njëri i qetë dhe i thellë shumë. Nuk hapej në shoqëri kishte vite që ishte ndarë nga gruaja, por nuk hapeshe me shoqërinë por ne e kuptonim”, tha ia. /abcnews.al

komshie-1280x715.jpg
ad min11:00 | 09/07/2019

Policia bën të ditur në një njoftim zyrtar se 71-vjeçari Sefedin Zenellari, kunati i viktimës së djeshme Gramoz Nako, u vetëvra sot në mëngjes në banesën e tij, kur policia shkoi për ta shoqëruar në komisariat.

Por fqinjët e të moshuari flasin për mikrofonin e ABC News dhe shprehen se i ai jetonte vetëm. Ndërsa një fqinjë shprehte se nuk e njeh, por kishte shkuar aty për të pyetur vëllanë se çfarë kishte ndodhur.

Qytetarja: Nuk e njoh fare, edha të pyes vëlla.

Qytetarja: E njoh si komshi këtu, por unë nuk dal sepse rri shtrirë se jam me diabet.

Gazetarja: Po me kë jetonte ky?

Qytetarja: Vetëm.

Gazetarja: Po gruan fëmijët ku i kishte?

Qytetarja: Nuk di gjë.

Gazetarja: Ishte person i qetë?

Qytetarja: Po ai pa grua unë pa burrë, unë me hallet e mia ai me hallet e veta…

Gazetarja: Nuk kishit dëgjuar për ndonjë konflikt?

Qytetarja: Jo.

Sipas policisë, 71 vjeçari Zenellari është vetëvrarë me armë zjarri tip pistoletë, në banesën e tij ku jetonte i vetëm. Grupi hetimor po punon për sqarimin sa më parë të rrethanave të dy ngjarjeve. Hetimet për vrasjen e mbrëmshme të Gramoz Nakos po kryhen sidomos në pistën e grabitjes. Nga deklarimet e familjareve në polici, mësohet se viktimës i janë marrë nga xhepi 13 mijë euro.

Mbrëmë, 57 vjeçari Gramoz Nako u gjet pa shenja jete nga bashkëshortja e tij në shtëpinë e tyre, në lagjen 7 në qytetin e Korçës. Fillimisht policia dyshoi se bëhej fjalë për vetëvrasje, por ekspertiza mjeko- ligjore konfirmoi se Gramoz Nako ishte vrarë me armë zjarri.
Viktima Nako ishte emigrant në SHBA dhe para pak ditësh ishte kthyer në atdhe,/ abcnews.al

policia-e-kavajes.jpg
ad min09:03 | 05/07/2019

Pesë persona janë arrestuar për përplasjen me armë zjarri në Kavajë ku mbeti vrarë një kalimtar dhe u plagosën pesë persona të tjerë. I arrestuari i parë ishte Marjus Aliu, i cili shkoi në spital për mjekim dhe u prangos. Ai akuzohet si i dyshuar për vrasjen e 53-vjeçarit Ramazan Hasanlliu, i cili ishte një kalimtar i rastit duke shkuar në shtëpi.

Shkuan për paqe me armë në brez. Një mbeti i vdekur, pesë u plagosën. Me ndërmjetësimin e vëllezërve Rustem dhe Elton Dedej, vëllezërit Eraldo dhe Elio Hyka u ulen në një tavolinë me Marjus dhe Denis Aliu.

Ata i ftuan në lokalin e tyre për të sqaruar konfliktin e nisur një nate më parë mes vëllezërve Eraldo Hyka dhe Denis Alisë, por situata u doli jashtë kontrolli. Ndryshe nga çfarë kishin menduar vëllezërit Dedej, palët në konflikt kishin mbërritur të armatosur në takim e planifikuar për të ulur gjakrat.

Ata nuk mundën të gjejnë gjuhën e përbashkët duke ndezur edhe më shumë sherrin. Fillimisht ata u përplasën me grushte dhe më pas kanë nxjerrë armët, dy nga njëra palë e dy nga pala tjetër duke qëlluar kundrejt njëri-tjetrit.

Breshëria e plumbave e derdhur në mes të qytetit shkaktoi një viktimë rastësorë si dhe pesë të plagosur, mes tyre edhe personat e përfshirë në konflikt. Eraldo Hyka, Rustem Berberi, Sali Mekja, Arben Hajdinin dhe Marjus Aliu mbetën të plagosur. Sali Mekja dhe Arben Hajdini sipas policisë u plagosën rastësisht, pasi kishin dalë nga lokali për të parë se çfarë kishte ndodhur.

Policia dyshon se konflikti i nisur ka të bëjë me çështje territoresh për shpërndarje droge, por personat e pyetur e kanë mohuar. Ata kanë thënë se konflikti mes tyre ka nisur pas një sherri banal dhe se situata u doli jashtë kontrolli. Për ngjarjen në Kavajë, ku mbeti i vrarë një kalimtar dhe u plagosën pesë persona të tjerë, policia arrestoi pesë persona.

I arrestuari i parë ishte Marjus Aliu, i cili shkoi në spital për mjekim dhe u prangos. Ai dyshohet të jetë autori i vrasjes së 52-vjeçarit Ramazan Hasanlliu, i cili ishte një kalimtar i rastit duke shkuar në shtëpi. Në kërkim është vëllai i Marjus Aliut, Denis Aliu, 33 vjeç. Të tjerë persona të arrestuar janë Eraldo Hyka, Ardian Dedej, Qazim Merkja dhe Agron Kollçaku. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono