mbyllen

koronavirusi-3-1.jpg
ger ta21:08 | 12/03/2020

Bashkia e Durrësit ka urdhëruar mbylljen e tregjeve industriale në kuadër të masave si pasojë e situatës së shkaktuar nga koronavirusi.

Mbyllja e tregjeve do të jetë në një afat të pacaktuar.

Njoftimi i plotë:

Në vijim të masave të vecanta për parandaluar përhapjen e COVID-19, bashkia e Durrësit vendosi:

Mbylljen e përkohshme të tregjeve industriale të licensuara nga bashkia deri në një afat të pacaktuar

Administrata e tregut Agrobujqësor të organizojë funksionimin normal të tregut duke reduktuar orarin e funksionimit të tij nga ora 07.00 deri në 15.00.  Pas kësaj ore të vijohet më pastrimin e mbeturinave dhe dezinfektimin e tij. Të merren masa për respektimin e distancës të tregtarëve, 2 metra nga njëri-tjetri dhe të mos lejohet tregtimi i produkteve ushqimore nga tregtarët pa masa mbrojtëse.

Duke shpresuar në mirëkuptimin e qytetarëve theksojmë se kjo masë merret për të ndaluar virusin dhe për mbrojtjen e shëndetit të qytetarëve.

/abcnews.al

patenta.jpg
eri Ida16:12 | 11/03/2020

Në kuadër të masave të shtuara në lidhje me parandalimin e përhapjes së koronavirusit në vendin tonë janë pezulluar të gjithë kurset për marrjen e patentave.

Vendimi është në kuadër të Urdhërit të Ministrisë së Shëndetësisë dhe Mbrojtjes Sociale dhe Ministrisë së Infrastrukturës dhe Energjisë

Për parandalimin e përhapjes së coronavirusit, do të ndërpriten:

Deri në 17 Mars 2020

Testimet e Teorisë dhe Praktikës për marrjen e lejedrejtimit

Aplikimet për Testimet për marrjen e lejedrejtimit

Testimet/kualifikimet pranë Drejtorisë së Kualifikimeve Profesionale (DPSHTRR)

Deri në 23 Mars 2020

Mësimi dhe klasat në autoshkolla, praktikat në rrugë, trajnimet me Kryqin e Kuq!

Masa në zbatim të Urdhërit të Ministrisë së Shëndetësisë dhe Mbrojtjes Sociale dhe Ministrisë së Infrastrukturës dhe Energjisë!/abcnews.al

edirama.jpg
nev ila14:43 | 11/03/2020

Kryeministri Edi rama përmes një statusi në rrjetet sociale ka njoftuar se për shkak të shkallës së ulët të vetdijes është e detyrueshme mbyllja e të gjitha restorantëve bareve, klubet, në Tiranë e Durrës fillimisht.

Njoftimi i plotë:

“NDJESË por duke parë shkallën e ulët të vetëdijes së shumë qytetarëve, kryesisht të rinj, që e kanë edhe më të vështirë të rrinë në një vend, detyrohemi TË MBYLLIM TË GJITHA RESTORANTET, BARET, KLUBET, në TIRANË dhe DURRËS fillimisht!

KJO NUK ËSHTË KOHË PUSHIMESH dhe ARGËTIMESH JASHTË SHTËPISË, po KOHË LUFTE Dhe KJO LUFTË FITOHET VETËM DUKE KUFIZUAR LIRINË TËNDE, DUKE NDRYSHUAR RRËNJËSISHT MËNYRËN E JETESËS dhe DUKE RUAJTUR FAMILJEN TËNDE nga kontaktet e tua me jashtë!

FRIKË ASPAK, KUJDES PO! MADJE SHUMË FARE!“, shkruan Rama./abcnews.al

tirana-erblina-1280x543.jpg
nev ila10:11 | 11/03/2020

Pas konfirmimit të rasteve të para me Covid-19 edhe në Shqipëri, qeveria ka marrë masa për mbylljen e shkollave, çerdheve dhe kopshteve gjithashtu edhe një sërë zyrash që ofrojnë shërbime për qytetarët. Janë mbyllur lokalet e natës dhe një sërë kategorish të tjera të cilat kishin frekuentime dhe grumbullime njerëzish.

Janë mbyllur një sërë zyrash tashmë në kryeqytet. Pranë zyrave të “Adisës” nuk shërbehet, të gjthë  kanë ndërprerë shërbimet për qytetarët, ndërkohë që të gjithë qytetarët mund të aplikojnë online.

Zyrat e OSHE dhe UKT kanë përgjysmuar personelin e tyre por vijojnë ende të jenë të hapura, qytetarët që do të shkojnë pranë këtyre zyrave për të bërë pagesat, duhet të qëndrojnë jashtë zyrave dhe duhet të ruajnë një distancë mbi 1 metër nga njëri tjetri.

Në zyrat e UKT, personeli i sigurisë do të sigurojë mbajtjen e distancës mes personave që do të frekuentojnë këto zyra.

Për sa i përket lokaleve, bareve dhe restorantreve, është marrë vendimi që të mos mbyllen por të ruajnë një distancë prej 1m.

Gazetraja e ABC News Erblina Mile raportoi për abcnews.al se frekuentimi i lokaleve gjatë mëngjesit të sotëm, vijon të jetë minimal, ndërkohë palestrat sipas urdhrit të marrë dje duhet të mbyllen. Qarkullimi dhe qytetarët në kryeqytet është reduktuar.

Zyrat postare gjithashtu janë mbyllur, të gjithë pensionistët do ta marrin shërbimin e tyre në shtëpi me kosto 0.

Po ashtu si pasojë e masave të marra nga qeveria shqiptare, zyrat e Agjencisë së Ofrimit të Shërbimeve të Integruara të cilat ofrojnë mbi 50 shërbime, do të qëndrojnë të mbyllura.

Gjatë ditës së sotmë është njoftuar edhe anullimi i të gjithë takimeve nga Partia Socialiste deri në datën 3 Prill./abcnews.al

 

 

filipce-spasovski.jpg
eri Ida15:27 | 10/03/2020

Qeveria e Maqedonisë së Veriut ka vendosur që të mbyllë të gjitha çerdhet, shkollat dhe institucionet tjera arsimore. Ministri i shëndetësisë, Venko Filipçe në një konferencë për mediat është shprehur se ky është një vendim që është marrë në kuadër të masave të shtuara për parandalimin e koronavirusit,

“Të ndërpritet mësimi në të gjitha shkollat fillore dhe të mesme në të gjithë territorin e Republikës së Maqedonisë së Veriut përfshi edhe çerdhet, në 14 ditët e ardhshme, të lirohen punëtorët nga obligimet në këto institucione.  Një prind për fëmijë deri në moshën 10 vjeçare,  lirohet nga puna në 14 ditët e ardhshme. Ndërpritet mësimi në arsimin e lartë. Ndërpriten tubimet publike me mbi 1000 pjesëmarrës në 14 ditët e ardhshëm”, ka thënë ministri Filipçe.

Gjithashtu ai ka theksuar se do të ndalohet zhvillimi i ndeshjeve sportive me publikë në 30 ditët e ardhshme, në territorin e gjithë shtetit./abcnews.al

ambasada-shqiptare-ne-rome.jpg
nev ila13:55 | 10/03/2020

Pas vendimit të kryeministrit Conte për të shpallur gjithë Italizë zonë të kuqe për shkak të virusit covid-19, ku humbën jetën mbi 463 persona, ambasada shqiptare dhe zyrat e saj konsullore në Milano e Bari do të ndërpresin shërbimet duke filluar nga dita e sotme deri në një njoftim të dytë.

Njoftimi i Ambasadës shqiptare në Itali:  

“Njoftim!

Në vijim të Dekretit të Keshillit të Ministrave të Republikës Italiane nr.14 të datës 9.3.2020, për intensifikimin e mëtejshem të masave urgjente për të parandaluar përhapjen e COVID-19, në të gjithë territorin italian, Ambasada e Shqipërisë njofton se Zyra e saj Konsullore si dhe Konsullatat e Përgjithshme në Milano e Bari, ndërpresin shërbimet konsullore duke filluar nga dita e sotme, 10 mars 2020, deri në një njoftim të dytë.

Shërbimet konsullore (me përjashtim të akteve noteriale dhe lejes së kalimit për fëmijë) do të vijojnë të jenë në dispozicion të qytetarëve nëpërmjet postës, si edhe vetëm për rastet urgjente (si leja për transport trupi, bazuar mbi çertikatën mjekësore të autoriteteve kompetente). Qytetarët që kanë takim për aplikim për pasaportë dhe letërnjoftim gjatë këtyre ditëve, do të njoftohen në një moment të dytë për datën e re të takimit, sapo situata të normalizohet. Ju ftojmë të kontrolloni vazhdimisht profilin tonë në Facebook, tëitter dhe faqet tona zyrtare për njoftime të reja.

Duke marre shkas nga situata serioze për nga rreziku dhe pasojat, ftojmë të gjithë qytetaret të perballojnë këto momente me pergjegjësi të lartë civile, duke respektuar rreptësisht dhe me rigorozitet masat e Dekretit, me besim të plotë tek autoritet italiane.

Ambasada e Shqipërisë në përputhje me dekretin në fjalë, rekomandon qetësi, maturi dhe shangie të lëvizjeve drejt çfardo destinacioni, përfshirë Shqipërinë, deri në normalizimin të gjendjes.

Së bashku me punën e palodhur të autoriteteve italiane do t’ia dalim mbanë!

Kapërcimi i situtës varet nga sjellja e përgjegjshme e çdo qytetari.

Ambasada fton qytetaret shqiptarë të japin shembullin personal duke iu bashkuar thirrjes së qeverisë italiane dhe shoqerisë civile “Unë rri në shtëpi”.

Besim e kurajo civile!

Solidaritet me popullin italian!

Së bashku edhe në momentet e vështira!”./abcnews.al

krediiii.jpg
Autor E12:19 | 06/12/2019

Banka Qendrore e Kosovës mbylli sot “Iute Credit” dhe “Monego” me argumentin se kishi shkelur rregullat e operimit duke aplikuar ineteresa jashtë çdo standardi, të cilat sipas saj varfëruan huamarrësit.

“Sot, duke u bazuar në kompetencat që ka BQK-ja, ka vendosur që të revokojë regjistrimin dhe të Iute Credit Kosova, dhe Monego”, është thënë në konferencën e jashtëzakonshme për media.
“Këto instictione kanë devijuar nga planet e tyre të biznesit.

Devijimi më shqetësues ka të bëjë me normën e interesit që këto institucione kanë aplkuar në kredi që janë shumëfish më të larta nga sa kishin paraparë kur kishin aplikuar për tu regjistruar në Kosovë.

Janë norma më të lartë krahasuar edhe me institciuonet e tjera mikrofinancuese.

Normat e interesit kanë qenë jashtë standardit. I kemi thënë që të vendosin norma të pranueshme, por nuk kanë qenë të gatshme për të bërë rregullimet e nevojshme.

Me veprimtarinë e tyre kanë rrezikuar huamarrësit. Ne nuk do të lejojnë operimin e institucioneve që nuk zbatojnë rregullat duke shfrytëzuar kushtet financiare të qytetarëvem, gjë që vëshirëson edhe më tepër gjendjen e tyre.

Jemi të vetëdijshem për sigurinë kombëtare dhe nuk do të lejojmë asnjë gjë që të cënojë këtë siguri”, u shprehen gjithashtu nga Banka Qendrore e Kosovës.

Por çfarë ndodh me kredimarrësit e këtyre institucioneve?

Banka Qendore njofton sit se procesi i likuidimi8t të kredive do të vijojë normalisht. Sipas bankës, për këto dy institucione do të caktohet një person përgjegjës që do të menaxhojë mbledhjen e kredive të dhëna. Gjithçka do të bëhet nën mbikëqyrjen e Bankës Qendrore të Kosovës.

Të dyja këto institucione operojnë edhe në Shqipëri. /abcnews.al

permytet-laci-1280x711.jpg
nev ila10:22 | 11/10/2019

I gjithë territori i Kurbinit përjetoi orë të vështira këtë të premte. Reshjet e shiut të shoqëruara me erë të fortë shkaktuan dëme dhe përmbytje në qytet dhe në fshatra. Drejtoria Arsimore pezulloi mësimin në të gjitha shkollat.

Këta fëmijë mbetën në mes të rrugës. Për t’i larguar nga uji u desh një zjarrfikëse. Një orë më vonë drejtoria e arsimit vendosi mbylljen e shkollave në Laç. Stuhia me reshje të dendura paralizoi qytetin.

Uji vërshoi nëpër banesa, biznese, dhe institucione. Vërshimet ishin të frikshme . Shumë makina u shkatërruan. Më herët pati bllokim të rrugëve. Laç- superstradë nuk u bë e qarkullueshme për orë të tëra.

Nënkalimi në Fushë Mamurras u mbush me ujë dhe makinat devijuan lëvizjen. Fusha të tëra u përmbyten. Dëme të mëdha u bënë tek prodhimet e fermerëve. Zona është e prekur nga përmbytjet për shkak të bllokimit të kanaleve dhe ndërtimeve pa kriter./ABC News Albania 24/7

matarella-berluskoni.jpg
nev ila19:34 | 22/08/2019

Në Itali janë mbyllur pasditen e së enjtes konsultimet e presidentit të Republikës, Serxho Matarela me krerët e partive politike, për të gjetur një zgjidhje mbi krizën që ka përfshirë vendin fqinje.

I fundit që vizitoi selinë presidenciale në Romë ishte kreu i Lëvizjes 5 Yjet, Luixhi Di Maio, i cili u shpreh në favor të krijimit të një mazhorance të re dhe solide për të shmangur zgjedhjet e jashtëzakonshme.

Të mos e lëmë anijen të mbytet. Jemi të gjithë italianë dhe duhet t’i lëmë mënjanë interesat”, deklaroi Di Maio.

5 Yjet përflitet se mund të arrijnë një marrëveshje me krerët e Partisë Demokratike, të cilët në rast të kundërt kërkojnë që të mos vonohen zgjedhjet.

Më herët gjatë ditës, në Kuirinale ishte kryetari i Ligës së Veriut, Mateo Salvini, i cili pas takimit kokë më kokë me kreun e shtetit u shpreh i gatshëm të rifillojë bashkëpunimin me ish-partnerët e tij.

Jemi gati të rifillojmë nga puna pa i mbajtur mëri njëri-tjetrit. Ndryshe, le të shkojmë në zgjedhje”, deklaroi Salvini.

Ndërkohë, në debatet politike u përfshi edhe ish-kryeministri Silvio Berluskoni, i cili deklaroi se partia e tij nuk do të bëjë aleanca me parti që më parë e braktisën.

Ose një qeveri e qendrës së djathtë, ose në zgjedhje”, tha Berluskoni.

Pritet që orët në vazhdim të jenë vendimtare për Italinë, e cila ndodhet në një moment kritik./ABC News Albania 24/7

 

 

 

Debaj-1280x705.jpg
ad min14:15 | 27/05/2019

Qeveria synon qe deri në fund të muajit qershor të përmbyllë të gjitha pagesat e rimbursimit të TVSH për disa kategori biznesi. Gjatë vizitës në një ndërmarrje fasone, ministrja e Financave dhe Ekonomise Anila Denaj tha se nga muaji korrik, pagesat do të kryhen në mënyrë periodike.

Kjo sipërmarrje fasonesh e cila ushtron aktivitetin ekonomik prej 20 vitesh ne Berat u përzgjodh nga ministrja e Financave dhe Ekonomisë Anila Denaj për të garantuar disa kategori biznesesh se shumë shpejt do tu paguhet TVSH e prapambetur.

“Në këto 5 muaj ne kemi paguar 12 milionë dollarë më shumë se sa 5 muajt e vitit 2018 dhe besoj se deri në fund të qershorit do të kemi mbyllur të gjithë vonesat për fasonët, për grumbulluesit dhe eksportuesit, në një prioritet që i dhamë me pagesat e TVSH-së për secilën nga këto industri dhe për të gjithë bizneset të monitoruar dhe nga niveli qendror ministrisë”.

Ministrja e Financave deklaroi se synon normalizimin e pagesave të rimbursimeve të TVSH për këto kategori biznesi duke i bërë ato në mënyrë periodike duke nisur nga muaji korrik./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono