makina

makina-1280x720.png
Autor E09:26 | 29/02/2020

Një aksident, në të cilin është përfshirë edhe një makinë policie ka ndodhur në orët e para të ditës së sotme tek Ura e Dajlanit në Durrës.

Mësohet se një makinë private ka goditur makinën e policisë që po patrullonte në zonë.

Abcnews.al mëson se ngjarja ka ndodhur në orën 02:20 të ditës së sotme dhe nga aksidenti kanë mbetur të lënduar dy efektivë policie.

Mësohet se drejtuesi i makinës që shkaktoi aksidentin ishte i dehur. /abcnews.al

celular.jpg
Autor E16:53 | 27/02/2020

Drejtimi i makinës duke folur në telefon apo shkruajtur SMS është kthyer në një problematikë të prehtë kohë e fundit duke bërë që policia të gjëjë zgjidhjen tek rritja e nivelit të gjobave dhe përshkallëzimit të tyre në varësi të shkeljes.

Kështu, ndryshe do të gjobiten ata që thjesht kapen me celularin në dorë dhe ndryshe ata që kapen duke shkruajtur SMS.

Gjobat

Drejtimi i mjetit duke përdorur ceularin
-Nëse kapet me celular në dorë, gjobë 5 mijë lekë
-Duke folur në telefon, gjobë 10 mijë lekë
-Duke shkruajtur SMS, gjobë 15 mijë lekë

Kur shkelja përsëritet tre herë në vit, i hiqen 10 pikë nga patenta dhe i pezullohet leja e drejtimit për 3 muaj.

Sjellja agresive në rrugë
Parashikohet gjobë 10-20 mijë lekë si edhe heqje të 5 pikëve nga patenta për ata që sillen në mënyrë agresive në rrugë duke i bërë presion shoferëve të tjerë me drita, bori, etj.

Parakalimi
Në rastet e parakalimeve të gabuara, gjoba ka qenë nga 1 deri në 3 mijë lekë, kurse tani është bërë 5-10 mijë lekë. Nëse përsëritet brenda vitit, hiqet patenta një muaj. /abcnews.al

makina-4.jpg
Autor E11:27 | 27/02/2020

Policia synon të rrisë ndjeshëm gjobat për shoferët që drejtojnë makinën nën efektin e pijeve alkoolike, si një ndër shkaqet kryesor të aksidenteve në vend.

Kështu, sipas ndryshimeve të propozuara, tashmë gjoba do të vendoset në varësi të sasisë së alkoolit të konstatuar në gjak, ku maksimalja shkon deri në heqje të patentës deri në 2 vjet, shoqëruar edhe me 20-40 mijë lekë penalitet.

Gjoba
Në çdo rast, kur drejtuesi i makinës kapet me nivele më të larta alkooli në gjak nga kufiri i lejuar nga ora 19:00-06:00 atij do t’i vendoset një gjobë 30 për qind më e lartë.

Gjoba për drejtimin e makinës nën ndikimin e alkoolit ishte nga 5 deri në 15 mijë lekë. Tani, nëse kapet me alkool nga 0.3 g/l deri në 0.5 g/l i hiqet leja nga 3 deri në 6 muaj si edhe vendoset gjobë nga 10 deri në 20 mijë lekë.

Nëse sasia e alkoolit është nga 0.8 g/l deri në 1.5 g/l i hiqet patenta nga 1 deri në 2 vjet dhe vendoset gjobë nga 20 deri 40 mijë lekë.

Nëse kapet me më shumë se 1.5 g/l alkool në gjak, i hiqen të gjitha pikët.

durim-bami-11-1280x720.jpg
nev ila11:39 | 26/02/2020

Gjykata e Posaçme ka vendosur të sekuestrojë vetëm një automjet të blinduar të Durim Bamit.

Operacioni Forca e Ligjit, më 8 shkurt, sekuestroi makinën e blinduara të Durim Bamit në Krujë.

Sekuestrimi e makinës së blinduar të Bamit u bë në kushtet e emergjencës me firmën e drejtorit të Policisë së Shtetit, pasi dyshohet se automjeti është pasuri e vënë me burim të paligjshëm dhe se mund tëzhduken apo fshihen pas nisjes së operacionit për sekuestrimin e tyre. /abcnews.al

Policia-shqiptare-3.jpg
eri Ida15:06 | 22/02/2020

Një 23 vjeçare është plagosur këtë të shtunë si pasojë e një aksidenti rrugor të ndodhur në autostradën Laç-Fushë Krujë.

Sipas informacioneve një mjet tip “Benz” me drejtues shtetasin A.L., ka goditur mjetin tip “Toyota” me drejtues shtetasin E.S., e për pasojë është dëmtuar shtetasja I.S., 23 vjeçe, e cila është dërguar në spital  nën kujdesin e mjekëve jashtë rrezikut për jetën.

Durrës/Informacion paraprak

Më datë 22.02.2020, rreth orës 13:00, në autostradën Laç-Fushë Krujë, një mjet tip “Benz” me drejtues shtetasin A.L., ka goditur mjetin tip “Toyota” me drejtues shtetasin E.S., e për pasojë është dëmtuar shtetasja I.S., 23 vjeçe, pasagjere në mjetin tip “Toyota” e cila është dërguar në spital  nën kujdesin e mjekëve jashtë rrezikut për jetën.

Grupi hetimor ndodhet në vendngjarje dhe po punon për zbardhjen e shkakut të aksidentit.

Drejtuesi i mjetit është shoqëruar në ambientet e Policisë për veprime të mëtejshme./abcnews.al

makina-muri.jpg
eri Ida19:51 | 20/02/2020

Një person është plagosur mbrëmjen e kësaj të enjteje si pasojë e një aksidenti rrugor që ka ndodhur në Korçë.

Burime për ABC News bëjnë me dije se ngjarja ka ndodhur në aksin Korçë-Voskopojë, ku një automjet ka dalë nga rruga dhe si pasojë është plagosur një person identiteti i të cilit nuk bëhet i ditur.

Policia e Korçës thekson se paraprakisht shkak dyshohet lageshtia dhe shpejtesia tej normave kane bere qe makina është përplasur me një mur, ndërkohë që po punohet për zbardhjen e plotë të ngjarjes.

Korçë

Më datë 20.02.2020, në aksin rrugor Korçë-Voskopojë, në afërsi të kryqëzimit të fshatit Voskop, shtetasi M. M., rreth 24 vjeç, duke drejtuar mjetin tip “Lancia”, dyshohet se ka humbur kontrollin dhe për pasojë ka dalë nga rruga.

Drejtuesi i mjetit, u transportua në Spitalin e Korçës ku ndodhet nën kujdesin e mjekëve.

Grupi hetimor po punon për zbardhjen e rrethanave dhe shkaqeve të aksidentit./abcnews.al

822730b6-5170-4317-a200-1b63d73e5771.jpg
R D14:03 | 20/02/2020

Operacioni Forca e Ligjit që po zbatohet përmes një akti normativ prej 20 ditësh, u ka dërguar kërkesë për justifikimin e pasurisë një sërë personazhesh të botës së krimit. Sakaq janë sekuestruar edhe mjete luksoze. Për herë të parë sot zëdhënësja e OFL e zhvilloi konferencën në parking, ku ndodhen makinat e sekuestruara gjatë operacioneve të ndryshme në qytetet kryesore, si Durrës, Shkodër, Berat, Elbasan, Vlorë, etj.

Në videon e publikuar nga policia shihet se janë sekuestruar makina shumë të shtrenja dhe luksoze, Mercedes Benz, Audi, etj. disa prej tyre të blinduara. Siç është bërë e ditur tashmë, makina dhe të gjitha pronat janë nën sekuestro të përkohshme pasi urdhri i konfiskimit jepet vetëm nga Gjykata e Posaçme. /abcnews.al

makiniat-1280x720.jpg
Autor E09:04 | 17/02/2020

Banorët e Vlorës janë përballur me një ngjarje të çuditshme mëngjesin e sotëm teksa kanë parë tre makina fuoristradë të zhytura në ujë në zonën e Plazhit të Ri në Vlorë.

Gazetari Elton Nika bën me dije për abcnews.al se bëhet fjalë për tre makina, dy gri dhe një e zezë, të cilat janë disa metra në thellësi të detit.

Dyshohet se tre makinat kanë ngecur në brendësi të detit teksa po tentonin të nxirrnin një varkë, megjithatë policia nuk ka saktësuar ende se cili ka qenë shkaku i vërtetë.

 

“Gjthçka mbetet disi enigmatike. Makinat janë gjendur pak metra larg bregut të detit në zonën e Plazhit të Ri.

Dyshohet që Një prej tyre mund të jetë futur për të tërhequr një mjet lundrues që gjendej në breg dhe të tjerat kanë ngecur gjithashtu.

Policia ka shoqëruar një mjet lundruar që dyshohet se ishte pikërisht mjeti që është tërhequr nga fuoristradat. Mbet për t’u verifikuar nëse kemi të bëjmë me një ngjarje që lidhet me një trafik të mundshëm apo nëse makinat kanë ngecur aty për të tërhequr një mjet lundrues”, tha gazetari Elton Nika. /abcnews.al

Lexo edhe: Zbardhet misteri: Pse ndodheshin tre fuoristradat në thellësi të detit në Vlorë

nu.jpg
in a08:56 | 16/02/2020

Në Miami të Amerikës, ku pas përplasjes së dy makinave njëra prej tyre ka shpërthyer në flakë, duke rrezikuar seriozisht jetën e shoferit. Ky i fundit teksa përpiqej që të dilte nga dritarja e makinës, dikush i është afruar me shpejtësi dhe e ka ndihmuar të dalë prej aty.

Jim Angulo, i cili ishte duke shkuar në punë në Miami në momentin kur ka parë automjetin të përfshirë në flakë, ka nxituar për ti ardhur në ndihmë shoferit i cili po përpiqej të dilte nga makina.

Angulo ka ka treguar për mediat amerikane se 20 persona po filmonin me celularët e tyre dhe nuk bënin asgjë, dhe unë thashë: “Kjo varet nga unë”, ndërsa shtoi se: “Nëse unë do të isha në të njëjtën situatë, shpresoj se dikush do të bënte të njëjtën gjë për mua.” Ndërkohë, shoferi kishte pësuar djegie në disa pjesë të trupit, por është jashtë rrezikut për jetën.

harizaj-1280x720.jpg
Autor E15:50 | 14/02/2020

Policia e Vlorës ka bllokuar  10 makina të blinduara gjatë kontrolleve në qytet.

Gazetari Elton Nika raporton për abcnews.al se vendimi për sekuestrimin është marrë sot dhe makinat i përkisnin personazheve të njohura të nëntokës në Vlorë.

Makinat janë bllokuar në kuadër të Operacionit Forca e Ligjit.

Ndërkohë, abcnews.al mëson nga burime pranë OFL se dy prej makinave të blinduara që janë bllokuar janë kapur në një garazh dhe i përkasin Edison Harizajt. Ky i fundit u vra në një atentat mafioz një vit më parë në Durrës bashkë me shokun e tij.

Gjatë orëve të fundit, policia ka verifikuar rreth 400 mjete në lidhje me dokumentacionin dhe pronësinë në qytetin e Vlorës.  /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono