kritike
ger ta09:11 | 17/11/2019
Ambasadorja e Kosovës në SHBA, Vlora Çitaku e ka quajtur të turpshëm veprimin e bërë dje në aeroportin “Adem Jashari” në Prishtinë, ku disa vajza pritën me lule lojtarët e Kombëtares së Anglisë.
Çitaku është renditur në radhët e atyre që e kritikuan këtë gjest, ndërsa e ngushëllon fakti se Federata e Futbollit të Kosovës dhe ne Dardanët nuk kanë qenë organizatorët e kësaj skene.
“S’kam qare pa e thanë, ajo pritja në aeroport…e turpshme. Më ngushëllon fakti që Federata e Futbollit të Kosovës dhe ne Dardanët nuk e kemi prodhu atë skenë”, shkruan ajo në rrjetet sociale.
Kosova do të luajë kundër Anglisë, sot në orën 18:00, në shtëpi, në një sfidë të vlefshme për eliminatoret e Euro 2020./abcnews.al
ad min13:50 | 19/10/2019
Në Serbi janë ndezur polemika për vendimin e qeverisë për të instaluar rreth një mijë telekamera sigurie në 800 pika të ndryshme të Beogradit. Kompania kineze e cila ofron sistemin e vëzhgimit “qytete të sigurta” akuzohet se cënon privatësinë e njerëzve. Ndërsa presidenti Vuçiç akuzohet se po përdor sistemin për të frikësuar protestuesit anti-qeveritarë.
Kur qindra videokamera me aftësinë për të identifikuar dhe lokalizuar personat, u shfaqën në rrugët e Beogradit si pjesë e një projekti të gjerë vëzhgimi, disa manifestues filluan të mendoheshin dy herë para se të merrnin pjesë në protestat anti-qeveritare në kryeqytetin serb. Autoritetet vendore pohojnë se sistemi, krijuar nga shoqëria kineze e telekomunikacionit, Huawei, ndihmon në reduktimin e kriminalitetit në një qytet që numëron 2 milionë banorë. Por kritikët janë të bindur se sistemi prek liritë personale, i bën të dobët kundërshtarët politikë por dhe ekspozon qytetarët e vendit ballkanik ndaj ndërhyrjeve të qeverisë kineze.
Telekamerat, të pajisura me teknologjinë e identifikimit të fytyrave, janë instaluar në qindra qytete në të gjithë botën, në mënyrë të veçantë në vende të varfra ku ka pak respekt për të drejtat e njeriut; shtet ku Pekini ka shtuar ndikimin e tij me anë të ekonomisë. Shtetet e Bashkuara të Amerikës deklarojnë se autoritetet shtetërore kineze mund të kenë akses në të dhënat e Huawei. Implementimi agresiv i këtij projekti vëzhgimi shkakton shqetësim për privatësinë e miliona personave në vende që kanë një pushtet të dobët kundërshtimi ndaj Kinës.
Ish-komisari serb për të dhënat personale, Sabiç, u shpreh se sistemi mund të përdoret për të gjurmuar anëtarë të opozitës politike në vend, të monitorojë në çdo moment njerëzit që kundërshtojnë regjimin, dhe kjo është diçka totalisht kundër ligjit. Grupe kritike ndaj presidentit serb Vuçiç pohojnë se policia dërgon video të protestave tek mediat pranë qeverisë, të cilat më pas publikojnë pamjet dhe identitetin e pjesëmarrësve.
Vetë presidenti Vuçiç deklaronte pak kohë më parë se policia ishte e aftë të numëronte çdo kokë në manifestimet anti-qeveritare. Gjatë protestave të fundit në vend, manifestuesit u ngjitën në një shtyllë dhe mbuluan një prej kamerave me një shirit ku lexohej “censure”. Policia serbe mohon çdo abuzim të sistemit Huawei, i cili përfshin një mijë telekamera në 800 zona të Beogradit. Vetë kompania kineze deklaroi se sistemi është më se i ligjshëm dhe respekton të gjitha rregullat e aplikimit, në Serbi dhe në çdo vend tjetër ku aplikohet.
Teknologjia për identifikimin e fytyrës është aplikuar në shumë vende, duke shkaktuar debate për ekuilibrin mes privatësisë dhe sigurisë. Sistemi ka tërhequr vëmendjen dhe për sa i përket akuzave sipas të cilave ligjet kineze u imponojnë sipërmarrjeve që të jenë të pranishme në punën e shërbimeve kombëtare të inteligjencës, duke u dhënë autoriteteve akses tek të dhënat. Si pasojë disa vende po shqyrtojnë dhe një herë përdorimin e kësaj teknologjie.
Kompania kineze hedh poshtë akuzat për kontrollin e qeverisë kineze dhe nuk ka pasur asnjë problem për të gjetur klientë të cilët duan të implementojnë teknologjinë “qytete të sigurta”, në mënyrë të veçantë mes vendeve që Kina ka tërhequr në orbitën e saj diplomatike dhe ekonomike. Përveç Serbisë në listë janë dhe Turqia, Rusia, Ukraina, Azerbajxhan, Angola, Laos, Kazakistan, Kenia dhe Uganda. Por dhe vende me demokraci liberale si Gjermania, Franca dhe Italia. Sistemi përdoret në rreth 230 qytete, duke ekspozuar dhjetëra milionë persona ndaj kontrollit të tij./ABC News Albania
ad min21:37 | 25/04/2019
Kryetari i bashkisë së Tiranës, Erion Veliaj, theksoi se gjysma e lejeve që ka dhënë ai janë punë publike. I ftuar në emisionin “Mbrëmje ABC”, ai theksoi se Tirana shtohet çdo vit me 25 mijë familje të reja, të cilat kanë nevojë për 4-5 mijë apartamente.
Kryebashkiaku u ktheu përgjigje edhe kritikëve, sipas të cilit, janë analistë në rrogë të një ndërtuesi.
“Nëse ka ndërtesa bosh të bëra në kundërshtim me ligjin kurrë mos u shitshin. Nuk i kemi fare në llogari. Kullat në qendër të Tiranës nuk ia zënë diellin askujt. Kritikët janë të gjithë analistë në rrogë të një ndërtuesi dhe e kuptoj filmin. Pra, ti e kupton që një ndërtuesi nuk i intereson të ketë ndërtime të tjera se do ta mbajë çmimin e lartë, se po të ketë ofertë çmimet mbahen të balancuara në Tiranë. Tirana shtohet çdo vit me 25 mijë banorë, do të thotë se ka nevojë për 4-5 mijë apartamente. Nëse nuk jemi aktivë të ruajmë balancën mes kërkesës dhe ofertës atëherë të marrësh një apartament në Tiranë është si të marrësh një apartament në Londër. Ndërkohë për çiftet e reja, ku vetëm Bashkia e Tiranës jep 1 mijë kredi të buta në vit, do qe e pamundur të vinte në Tiranë”, deklaroi Veliaj përballë gazetares Mirela Milori.
Për sa i përket strategjisë së katër viteve të ardhshme për ndërtimet në kryeqytet, Veliaj nënvizoi se qendra do të jetë një nga më energjiket në rajon. Por për ta realizuar këtë sipas tij duhet të ketë një teatër modern si edhe të mirëpresim investimet e gjigandëve ndërkombëtarë.
“Tirana do ketë një nga qendrat e qyteteve më energjike të rajonit tonë. Nëse ne duam të jemi sot jo vetëm një qytet folklorik i shqiptarëve, por edhe ekonomik, social edhe i artit dhe i kulturës, duhet të ketë një teatër modern, do duhet të ketë hotele me 5 yje. Ardhja e Marriot, Hayat, Meliot, 4 Season janë lajme super për Tiranën. Unë shoh kryetarë bashkie që shtrihen barkas përpra investitorëve aman bëjeni”, tha Veliaj./abcnews.al
ent ela12:32 | 27/03/2019
Presidenti Francez Emanuel Makron i ka uruar shërim të shpejtë manifestueses 73 vjeçare e cila mbeti e plagosur të shtunën e kaluar. Por ai shtoi se një person i brishtë si ajo nuk duhej të kishte shkuar në një zonë të ndaluar, dhe duhej të ishte treguar më e pjekur.
Sërish fraza që kanë shkaktuar polemika dhe reagime të ashpra, dhe sërish ai që thotë se është presidenti francez Emanuel Makron drejtuar jelekëve të verdhë.
Manifestueses 73 vjeçare e cila mbeti të plagosur të shtunën e kaluar gjatë përplasjeve mes manifestuesve dhe agjentëve të policisë, presidenti francez i uroi shërim të shpejtë dhe më shumë pjekuri.
Gruaja mbeti e plagosur pasi hyri me jelekët e verdhë në një zonë ku ishte e ndaluar për të manifestuar në Nisë. Gjatë rënies ajo përplasi kokën dhe për pasojë gjendet ende në spital, ndërsa familjarët e saj kanë denoncuar forcat e rendit.
Në një intervistë për mediat franceze, i pyetur nga gazetarët për këtë rast Makron u përgjigj se, për të qenë e qetë ajo duhej të kishte qenë më e përgjegjshme, pasi kur një person është i brishtë, nuk duhet të shkojë në vende të ndaluara./abcnews.al
ent ela18:36 | 15/02/2019
E pritën ndryshe nga hera e fundit studentët vlonjatë kryeministrin Edi Rama. Në një sallë më të vogël në universitetin Ismail Qemali, kryetari i përsëriti edhe një herë se gjithcka e ka bërë për ti dhënë zgjidhjen më të mirë kërkesave të studentëve që protestuan.
Nuk le rast pa përmendur komunikimin në celular deri në orët e vona me studentët,edhe kur bëhet fjalë për përgjegjësitë që duhet të mbajë universiteti.
“Qeveria nuk është nënë e babë, qeveria ka detyrat e veta dhe nuk i ka të gjitha dhe nuk i bën të gjitha. Jam i lutmur të bëj edhe sektretarin e univesitetit në zyrën time, edhe në 2 të natës. Në 2 të natës vjen mesazhi ‘o daku, cfarë do të bëhet me tarifat’. Unë u përgjigjem të gjithave, por për disa gjëra duhet të japë përgjigje rektori”.
Rektori i dha përgjigje pretendimeve për tarifën e masterit. Sqarimet se çfarë është bërë deri më tani me Paktin për Universitetin i dha zëvendës ministri i Arsimit Redi Shtino, sipas të cilit është hartuar pakti financiar për studentët, bibliotekën elektronike, paketën e bursave si dhe literaturën e huaj. Të gjithë studentë kanë arritur të identifikojnë kategorinë ku janë përfitues falë VKM-së së dhjetorit për bursat. Mbetet vetëm për të pritur datën 18 për të dorëzuar dokumentet./abcnews.al
ent ela17:52 | 15/02/2019
Ministri i Shëndetësisë së Maqedonisë së veriut Venko Filipçe deklaroi se janë gjashtë personat që ndodhen në gjendje kritike për jetën si pasojë e aksidentit tragji. Ndërkohë, vijojnë hetimet rreth shkakut të aksidentit.
Dhjetë nga të lënduarit e aksidentit të tmershëm në autostradën Shkup-Tetovë janë në gjendje të vështirë shëndetësore. Për jetë janë duke luftuar dy pacientë me Qendrën e Urgjencës në Shkup, ka njoftuar Ministri i Shëndetësisë Venko Filipçe i cili ka zhvilluar një vizitë në repartet ku trajtohen të lënduarit.
“Nga numri i përgjithshëm i pacientëve gjashtë gjenden në repartin për mjekim intensiv. Tek dy pacientë gjatë ditës së djeshme është kryer ndërhyrje kirurgjikale. Për momentin gjendja e tyre është stabile. Tek një paciente e moshës 20-vjecare do të bëhet edhe një intervenim kirurgjikal. Konziliumi i mjekëve do të vendos se si do të vazhdojë trajtimi i këmbës së saj dhe ka mundësi që t`i amputohet”.
Siç informoi Prokuroria Publike, intensivisht po punohet për konfirmimin e të gjitha detajeve për shkaqet e aksidentit. Janë tubuar dhe kontrolluar dokumentet e udhëtimit, celularët e udhëtarëve të cilët gjithashtu do të dërgohen për ekspertizë. Ekipe të Fakultetit të Makinerisë i kanë bërë edhe kontrollet e para të autobusit. Ai ka qenë i vjetër 18 vite dhe i regjistruar në janar të këtij viti. Prokuroria ka kërkuar edhe dokumentacionin e plotë të kompanisë “Durmo Turs” rreth lejeve për transport public, mirëmbajtjen, numrin e udhëtarëve dhe relacionet në ditën kritike. Në mënyrë plotësuese do të kontrollohet nëse gjatë vozitjes ka shfrytëzuar celularin. Ndryshe, në qytetin e Gostivarit sot është zhvilluar ceremonia mortore e nëntë viktimave./abcnews.al
ent ela22:54 | 19/01/2019
“Partia Demokratike sot përballet me një detyrë kritike, ngarkuar nga situata e krijuar në vend që po shkatërron jo vetëm të tashmen por edhe të ardhmen e këtij vendi”.
Deklarata erdhi nga kreu i kësaj force politike Lulzim Basha, gjatë mbledhjes së Këshillit Kombëtar të kësaj force politike.
“Si rrallë ndonjëherë në këto tre dekada, një partie politike nuk i kërkohet thjesht të jetë një zgjidhje, një alternativë elektorale, nuk i kërkohet thjesht që të ndalë një të keqe… Nga ne sot kërkohet një ndryshim transformues, edhe më i vështirë se ai në fillim të viteve 1990-të. Atëhere kishte energji, kishte shpresë, politika shihej si një e mirë që do e çonte vendin përpara. Sot Shqiptarët e shohin politikën si të keqen më të madhe dhe shkataren kryesore të problemeve tyre. Sot shqiptarët kanë humbur besimin tek vetja dhe tek e adhmja…Në këtë sfond, në këtë realitet ne duhet jo vetëm të luftojmë luftën për ndryshim, por mbi të gjitha betejën për besim, sepse pa besim nuk mund të arrijmë asgjë!”
Jo mrekulli, por normalitet ofron Partia Demokratike përkundër politikës hajdute, gjënjështare dhe arrogante, thekson Basha, normalitet i cili në Shqipëri apriori ngrë katër nevoja urgjente sipas tij.
“Për ndarjen e politikës nga krimi përmes vettingut të politikanëve. Për t’ua marrë Shqipërinë oligarkëve dhe për t’ia kthyer atë qytetarëve përmes platformës sonë antimafia, për dekriminalizimin e zgjedhjeve. Për një Shqipëri të taksave të ulëta, që financon, subvencionon dhe ndihmon gjithçka që rrit prodhimin, rrit punësimin dhe u jep shanse për punësim të gjithë shqiptarëve e në veçanti rinisë shqiptare. Integrimin e shqiperisë në BE”.
Pyetjes se si dhe kur do e rrëzojë qeverinë e Edi Ramës, Lulzim Basha i jep një përgjigje.
“Sa më shumë shqiptarët të bashkohen rreth nesh, aq më shpejtë do bjerë Edi Rama. Ndaj zgjidhjen kryesore të problemit Rama nuk e gjejmë dot as në rrugë, dhe as në institucione, por tek mendjet dhe zemrat e njerëzve…”.
Janë ata të cilët kreu i demokratëve Lulzim Basha kërkon t’i prijë në revoltë popullore, vendimmarrja nga Këshilli për të cilën ishte ngarkimi i strukturave drejtuese me organizimin e protestave me qëllim krijimin e një qeverie kalimtare dhe përgatitjen e zgjedhjeve të lira e të ndershme si zgjidhje politike e krizës ne vend.
Do të jetë kryesia e re dhe grupi parlamentar ata të cilët do të marrin vendimet specifike sa i përket datës së nisjes së protestave apo pjesmarrjes së demokratëve në punimet e Kuvendit./abcnews.al
ad min20:56 | 20/12/2018
Kritika ndaj një fustani të ideuar nga princesha e vendit mund ti kushtoje shtrenjtë një blogere në Tajlandë. Kjo e fundit rrezikon një proces gjyqësor pasi është akuzuar se ka ofenduar familjen mbretërore.
Një blogere tajlandeze nuk e ka lavdëruar aspak veshjen e modeles që mori pjesë në Miss Univers duke përfaqësuar vendin. Por fustani në fjalë ishte stiluar nga princesha Nariratana, vajza e mbretit. Kjo kritikë mund t’i kushtojë shtrenjtë blogeres e cila rrezikon një process gjyqësor e ndoshta dhe dënimin me burg.
Blogerja ëshët denoncuar nga një politikan dhe biznesmen i njohur në vend i cili u shpreh se ajo kishte ofenduar familjen mbretërore. Postimi i publikuar në Facebook, denigronte veshjen e ideuar nga princesha. Policia ka nisur hetimet për rastin. Blogerja nuk ka humbur kohë dhe ka fshirë postimin nga profili i saj duke i kërkuar dhe falje princesësh./abcnews.al
ad min16:38 | 19/07/2018
Presidenti rus, Vladimir Putin, i është përgjigjur kritikëve në Shtetet e Bashkuara lidhur me samitin e parë bilateral me Donald Trump.
“Fuqi të caktuara në Amerikë dëshirojnë të sakrifikojnë marrëdhëniet Rusi-SHBA për interesat e partive të tyre”, tha shefi i Kremlinit gjatë një takimi me diplomatë rusë në Moskë.
“Ata po ushqejnë miliona njerëz me historitë e tyre”, shton Putin.
Ndërkohë, ky reagim i presidentit rus vjen pasi politikanë dhe analistë të ndryshëm në SHBA kritikuan ashpër linjën e butë të Trump ndaj Rusisë. Deklaratat e Putin vijnë pas samitit të zhvilluar të hënën në Helsinki./abcnews.al
ad min18:17 | 08/03/2018
Pasditen e sotme, pak pas orës 17:00 ka nisur një mbledhje e kryesisë së Partisë Demokratike, ku pritet që të caktohet data për mbajtjen e Kuvendit Kombëtar të kësaj force.
Mbledhja, e cila po zhvillohet në ambientet e selisë blu, nisi me paraqitjen e raportit të analizës së degëve të partisë, nga kryetari i PD-s, Lulzim Basha. Duke folur për ndryshimet statutore, të kërkuara nga kritikët e tij, Basha tha se ato janë atribut i Kuvendit Kombëtar.
“Çdokush që ka dëshirë duhet të ketë hapësirën totale të kontribuojë në proces”, tha Basha, i cili mësohet të ketë deklaruar se duhet të paraqitet për vendimmarrje çdo kontribut për fuqizimin e PD-s.
Mësohet se ai kërkoi nga kryesia, që të caktojë kohë të mjaftueshme për shqyrtimin e propozimeve që do bëhen, si dhe ngritjen e një grupi proaktiv, i cili brenda dy javësh duhet të mundësojë kontakte direkte me ata që dëshirojnë të kontribuojnë.
Propozimet, sipas Bashës, duhet të shqyrohen bashkë me sekretariatin ligjor, për të pasur një vendimarrje. Basha ka propozuar që ky grup pune të përbëhet nga nënkryetarët, Edi Paloka e Edmond Spaho; sekretari përgjithshëm, Arben Ristani; sekretarët, Eno Bozdo e Fatbardh Kadilli si dhe anëtarët e kryesisë, Gent Malko dhe Arben Imami./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
