gazmend bardhi

bardhi.jpg
eri Ida13:08 | 02/03/2020

Sekretari i Përgjithshëm i Partisë Demokratike Gazmend Bardhi ka akuzuar kryeministrin Edi Rama se vetëm bën propagandë përmes operacionit Forca e Ligjit, pasi sipas tij ai  është i pafuqishëm për të goditur krimin.

Bardhi  thekson se OFL e ka të pamundur që të prekë pasuritë që janë shpërblim për kriminelët që kanë blerë vota për pushtetin e Edi Ramës.

Ndër të tjera përmes një postimi në facebook, ai shkruan se krimi e ka folenë në zyrën e Edi Ramës!

Edi Rama është i pafuqishëm për të goditur pasuritë e krimit. Asnjë pasuri reale e krimit nuk është prekur dhe as nuk do të preket nga OFL-ja e Edi Ramës, sepse shumë nga këto pasuri janë shpërblim për kriminelët që kanë blerë vota për pushtetin e Edi Ramës.Kur bëhet fjalë për të goditur krimin, Edi Rama ka vetëm fjalë dhe propagandë. Krimi ndërton dhe pastron para në mes të Tiranës dhe Edi Rama nuk e prek dot. Krimi merr tendera publikë nga qeveria e Edi Ramës. Krimi ka leje ekskluzive mbi pasuritë natyrore të vendit dhe Edi Rama vazhdon të punojë për ta. Krimi e ka folenë në zyrën e Edi Ramës!Partner me krimin që në fillimin e karrierës si Kryetar Bashkie, Edi Rama është i pabesueshëm!

Gepostet von Gazment Bardhi am Montag, 2. März 2020

Postimi i Plotë:

Edi Rama është i pafuqishëm për të goditur pasuritë e krimit. Asnjë pasuri reale e krimit nuk është prekur dhe as nuk do të preket nga OFL-ja e Edi Ramës, sepse shumë nga këto pasuri janë shpërblim për kriminelët që kanë blerë vota për pushtetin e Edi Ramës.

Kur bëhet fjalë për të goditur krimin, Edi Rama ka vetëm fjalë dhe propagandë. Krimi ndërton dhe pastron para në mes të Tiranës dhe Edi Rama nuk e prek dot. Krimi merr tendera publikë nga qeveria e Edi Ramës. Krimi ka leje ekskluzive mbi pasuritë natyrore të vendit dhe Edi Rama vazhdon të punojë për ta. Krimi e ka folenë në zyrën e Edi Ramës!

Partner me krimin që në fillimin e karrierës si Kryetar Bashkie, Edi Rama është i pabesueshëm!/abcnews.al

bardhiiiiiiiii.jpg
Autor E17:29 | 27/02/2020

Sekretari i Përgjithshëm i Partisë Demokratike, Gazment Bardhi përsëriti sot akuzat ndaj ministres se Drejtësisë Etilda Gjonaj duke theksuar se asaj i duhet një avokat i mirë sepse ka shkelur ligjin përmes “vjedhjes së anëtarit të Gjykatës Kushtetuese që i përket Presidentit Meta”.

Bardhi tha se gjykimi i Gjonajt pas padisë së Metës është një test i rendësishëm për SPAK.

Reagimi i plotë i Bardhit

Në vend që të mashtrojë qytetarët, Etilda Gjonaj bën mirë të gjejë një avokat.

Sikur Edi Rama vetë të drejtojë personalisht mbledhjet e SPAK-ut, ajo është e pambrojtshme. Ministrja e Drejtësisë ka shkelur Kushtetutën, ka shpërdoruar detyrën dhe ka marrë pjesë në një akt mafioz për asgjesimin e Gjykatës Kushtetuese.

Provat e paraqitura nga Presidenti për grabitjen e një anëtari të Gjykatës Kushtetuese nga ana e qeverisë, edhe përmes veprimeve të paligjshme të Ministres së Drejtësisë, janë të qarta dhe të pakundërshtueshme.

Etilda Gjonaj duhet të japë llogari para drejtësisë! Është një test i rëndësishëm për SPAK-un, i cili do të tregojë, nëse reforma në drejtësi ka dështuar me gjithçka apo jo.

1f5090ff-cbcc-401a-9dd4-f4516d65e199.jpg
Autor E18:11 | 29/01/2020

Sekretari i Përgjithshëm i PD-së, Gazmend Bardhi tha në Abc News përballë gazetarit Endri Xhafo se ata janë duke verifikuar një tjetër kryebashkiak socialist, për të cilin ka të dhëna se është i dënuar më parë.

Bardhi theksoi se nuk po e bëjnë ende publik emrin e tij pasi duan që të bëjnë verifikimet deri në fund.

Sekretari i PD i pyet dhe për dosjen nr.184 mbi blerjen e votave në zgjedhjet lokale të vitit 2016 që u soll nga Dibra në SPAK dhe sërish u dërgua në qytetin veri-lindor. Sipas tij, prokuroria e Dibrës nuk ka kapacitet që të hetojë këtë dosje.

“Dosja 184 është voluminoze janë me orë të tëra përgjime, shumë më shumë se c’ka nxjerr Bild. Ai nuk e heton këtë dosje, ku kanë përgjegjësi penale zyrtarët e lartë.

Brenda 30 minutash thotë se nuk e hetojmë duhet ta hetojë prokuroria e Dibrës.

Çdo jurist e di si duhet të paktën një periudhë 2-3 javore për të shqyrtuar materialet, por ai refuzon ta marrë në shqyrtim. Arben Kraja i SPAK ka vendosur ta varrosë dosjen që do të çonte në burg zyrtarët e lartë të PS-së. Prokuroria e Dibrës, ku ka ngecur tashmë kjo dosje nuk merr dot vendim për të ngarkuar me përgjegjësi penale Ulsi Manjën, Pjerin Ndreun që janë zyrtarë të lartë dhe jo zyrtarë lokal të Dibrës”, tha Bardhi. /abcnews.al

bardhi-2.jpg
Autor E14:58 | 17/01/2020

Sekretari i Përgjithshëm i PD-së, Gazmend Bardhi akuzoi sot kryeministrin Rama për bashkëpunim me krimin dhe nxjerrje të koordinuar nga burgu të kriminelëve.

Reagimi i Bardhit erdhi pas akuzave të ministres së Drejtësisë ndaj gjykatëses së Krujës që nxorri nga burgu Endrit Doklen. Gjonaj tha se do të padiste gjykatësen duke kërkuar njëkohësisht edhe pezullimin e saj.

“Vendimi për të shpëtuar ngaburgu kriminelët më të rrezikshëm në vend është dëshmia më e rendë e bashkëqeverisjes me krimin. Askush nuk ka dyshimin më të vogël se lirimi nga burgu i bosëve të krimt të organizuar dhe vrasësve më të bujshëm është bërë me dijeninë e Edi Ramës”, tha Bardhi përmes një konference për shtyp duke shtuar se shkarkimi i drejtorëve të burgjeve nuk e zhbën faktin se kriminelët janë tani jashtë burgjeve.

Bardhi tha se Ilir Paja, Endrit Dokle, Lulëzim Berisha etj., janë liruar me dijeni të Edi Ramës, ndërsa paralajmëuarn nxjerrjen nga burgu edhe të Arben Grorit.

Ky i fundit është i dënuar me burgim të përjetshëm për vrasjen e Nazim Zyberit, i cili i vrau të vëllanë në vitin 1997. /abcnews.al

gazment_bardhi.jpg
in a16:57 | 14/01/2020

Sekretari i Përgjithshëm i PD-së, Gazment Bardhi në rrjetin social “Facebook” ka reaguar pas marrëveshjes që u arrit sot mes maxhorancës dhe opozitës jashtëparlamentare, për reformën zgjedhore.

Bardhi shkruan se vendimet për reformën zgjedhore do të merren me konsensus jashtë Parlamentit ilegjitim ndërsa shprehet se qeveria duhet të heqë gjendjen e jashtëzakonshme dhe t’i hapë rrugë zgjedhje të lira dhe të ndershme.

Ndërkohë për sekretarin e Përgjithshëm të PD, Parlamenti është vetëm noter formal i vendimeve të tryezës politike.

Statusi:

Propaganda është më e ethshme se asnjëherë për të mbuluar thelbin e asaj që u arrit me ndërmjetësimin e partnerëve ndërkombëtarë:

1.Reforma zgjedhore nuk do të diktohet nga qeveria e votave të blera.
2.Vendimet për reformën zgjedhore do të marren me konsensus jashtë Parlamentit ilegjitim.
3. Parlamenti është vetëm noter formal i vendimeve të tryezës politike.

Përfaqësimi në tryezën e reformës zgjedhore me një nga arkitektët e blerjes së votës është në turpin e PS. Në dorën tonë nuk është të zgjedhim kundërshtarin, por të bëjmë çdo gjë për zbatimin e reformës zgjedhore, që çon vendin drejt zgjedhjeve.

Në dorën e qeverisë është të heqë gjendjen e jashtëzakonshme dhe t’u hapë rrugë zgjedhjeve të lira e të ndershme.

/abcnews.al

 

bardhi-2.jpg
Autor E16:33 | 11/01/2020

Partia Demokratike njofton se po heton për dekriminalizimin dhe tre kryebashkiakë socialistë të tjerë, një në qarkun Lezhë dhe dy në qarkun Dibër. Gazment Bardhi tha se informacioni do të bëhet publik kur të provohet vërtetësia e dyshimeve.

Pasi dërgoi Valdrin Pjetrin në shtëpi, dhe Agim Kajmakun në arrati, Partia Demokrati njofton se po verifikon për të shkuar kriminale edhe tre kryebashkiakë të tjerë socialistë. Kjo u pohua nga sekretari i përgjithshëm i PD-së, Gazmend Bardhi, gjatë takimit me strukturat e Lezhës.

Është duke u verifikuar një nga kryebashkiakët e qarkut të Lezhës. Ashtu siç kemi vepruar edhe më parë, në momentin që vërtetohet se ka probleme me ligjin e dekriminalizimit atëhere do t’i bëjmë publike“, tha Bardhi.

Nga Dibra, numri dy i demokratëve, tha se lista nuk mbaron me kaq.

Si një prej kushteve të bundestagut gjerman për negociatat, Bardhi kërkoi nga Prokuroria arrestimin e përgjegjësve për dosjen 184.

Deri më tani, në betejën e demokratëve për dekriminalizimin, ka rënë kryebashkiaku i Shkodrës dhe ai i Vorës, ndërsa nën hetim nga Prokuroria, është Mark Babani i Vaut të Dejës. I akuzuari i fundit i demokratëve, është Qeerim Ismailaj i Mallakastrës.

bardhi.jpg
Autor E14:35 | 10/01/2020

Kryebashkiaku i Mallkastrës Qerim Ismailaj ka reaguar pas akuzave të demokratëve se ka qenë i dënuar në Greqi.

I kontaktuar nga gazetari i Abc News Juxhin Mustafaraj, Ismailaj thekson se nuk ka qenë ndonjëherë i arrestuar apo dënuar nga policia greke duke shtuar se nëse do të kishte ndonjë dënim të mëparshme do ta kishte pasqyruar në formularin e dekriminalizimit.

Gjatë mesditës së sotme, Sekretari i Përgjithshëm i PD-së, Gazmend Bardhi akuzoi Ismailajn se kishte fshehur dënimin e disa viteve më parë në Greqi.“Sipas vërtetimit me nr. Protokolli 405 të Prokurorisë pranë Gjykatës së Shkallës së Parë Athinë, Qerim Ismailaj, rezulton i dënuar me 3 vjet burgim nga Gjykata e Kios, më datë 25 Shkurt 2000.

Ai është dënuar për kryerjen e veprimeve të dhunshme, plagosje (rrahje) dhe nuk e ka vuajtur dënimin për shkak të mosgjetjes në territorin grek”, tha Bardhi pak më parë.

DEKLARATË E SEKRETARIT TË PËRGJITHSHËM TË PD, GAZMENT BARDHI

Rastet e Valdrin Pjetrit, kandidatit trafikant të Edi Ramës në Shkodër; Agim Kajmakut, kandidatit fallsifikator të Edi Ramës në Vorë; Mark Babanit, kandidatit hajdut të Edi Ramës në Vaun e Dejës; nuk janë raste të izoluara.

Një pjesë e mirë e përfaqësuesve të Edi Ramës në bashki të ndryshme të vendit kanë probleme me drejtësinë, për shkak të së shkuarës kriminale ose për lidhjet e tyre aktuale me krimin.

Ajo çfarë i lidh bashkë të gjithë këta kandidatë për kryebashkiakë që e morën pushtetin me dhunë, është Edi Rama, prioritet i të cilit është të mbrojë dhe promovojë këdo që i shërben pushtetit të tij kriminal.

Njësoj si për Valdrin Pjetrin, Agim Kajmaku, apo Mark Babani, Edi Rama e di se edhe Qerim Ismailaj i Bashkisë së Mallakastrës ka fallsifikuar formularin e dekriminalizimit dhe duhet të largohet menjëherë dhe të shkojë përpara drejtësisë!

Edi Rama e di se i përzgjedhuri i tij për Mallakstrën ka probleme me drejtësinë greke, por ai e ka fshehur të vërtetën.

Ky është një fakt që Edi Rama e di shumë mirë, por po përpiqet të blejë kohë për kriminelin tjetër që i është zbuluar në bashki, këtë herë, duke fallsfikuar dokumentat shtetërorë, siç është formulari i dekriminalizimit.

Strategjia e Edi Ramës për të mbrojtur kriminelin Qerim Ismailaj me betimin se ai as nuk është i dënuar, as nuk është i dëbuar nga Greqia nuk ka asnjë vlerë. Ajo është një strategji e dëshuar, që do të ketë vetëm një përfundim: Edi Rama do të largohet me turp si kryeministri i cili ka vetëm një ofertë për qytetarët e tij: krimin!

Ashtu sikurse premtova dy ditë më parë, sot do të publikojmë dokumente zyrtare dhe të pakundërshtushme që provojnë se Qerim Ismailaj, është person me rekorde kriminale.

Sipas vërtetimit me nr. Protokolli 405 të Prokurorisë pranë Gjykatës së Shkallës së Parë Athinë, Edi Rama i Mallakastrës, Qerim Ismailaj, rezulton i dënuar me 3 vjet burgim nga Gjykata e Kios, më datë 25 Shkurt 2000.

Ai është dënuar për kryerjen e veprimeve të dhunshme, plagosje (rrahje) dhe nuk e ka vuajtur dënimin për shkak të mosgjetjes në territorin grek.

Sipas ligjit të dekriminalizimit, Qerim Ismailaj nuk mund të ushtrojë asnjë funskion publik, aq më pak të jetë kandidat për Kryetar Bashkie. Ai është subjekt ndalimi sipas ligjit dhe duhet menjëherë të procedohet penalisht për falsifikimin e formularit të dekriminalizimit.

Sot nuk është koha për mashtrime.

Sot është koha për veprim nga organi i prokurorisë, është koha që ligji të veprojë dhe është koha që Edi Rama të mos fshihet pas Qerim Ismailajt, Valdrin Pjetrit, Agim Kajmakut dhe Mark Babanit.

Edi Rama do të ndëshkohet me votë të lirë e të ndershme për faktin që alternativa e tij e vetme është krimi; për kandidimin e individëve me të shkuar kriminale; dhe për tentativën e përsëritur për të futur në politikë individë me të shkuar kriminale. /abcnews.al

gazemend-bardhi-1280x712.jpg
nev ila15:31 | 29/12/2019

Sekretari i Përgjithshëm i Partisë Demokratike, Gazment Bardhi ka reaguar rreth përgjimeve të publikuara për shit-blerje vote mes moderatores Dajana Shabani dhe Hermes Nikaj, i quajtur ndryshe ‘Zogu i Tiranës’. Bardhi shkruan se në cdo përgjim të ligjshëm kur hetohet krimi i organizuar apo prostitucioni blerja e votës nga Edi Rama dhe Erion Veliaj është e kudogjendur.

Postimi i plotë i Gazment Bardhit:

“Në çdo përgjim të ligjshëm të prokurorisë, kur heton krimin e organizuar apo kur heton një rrjet prostitucioni, blerja e votës nga Edi Rama dhe Erion Veliaj është e kudogjendur. Edhe kur vetë kandidon, vetë voton, vetë numëron.

Përgjimi i një grupi të akuzuar për rrjet prostitucioni në Tiranë zbulon se për të nxitur qytetarët të votojnë, veçanërisht në Tiranë, janë paguar 20 mijë lekë. Është akoma më e dënueshme, kur në këtë pazar kriminal përfshihet një prezantuese televizive.

Sa kohë Edi Rama të jetë në krye të qeverisë, blerja e votave do vazhdojë. Ai ka bllokuar nëpërmjet prokurorisë së kontrolluar prej tij, hetimin dhe ndëshkimin për dosjet 339 dhe 184, pikërisht si garanci se askush që ble e vjedh vota nuk do të ndëshkohet.

Për Prokurorinë e Posaçme Kundër Korrupsionit (SPAK) dosja e re për blerjen e votës në Tiranë në votimet moniste të 30 Qershorit, është një test për t’i dhënë fund pandëshkueshmërisë së korrupsionit dhe krimit elektoral!

Dosje si kjo e Tiranës, apo famëkeqet 339 dhe 184 janë prova të pakundërshtueshme se largimi i blerësit dhe dhunuesit të votës të lirë, Edi Rama, si dhe garantimi i zgjedhjeve të lira e te ndershme, është nevojë urgjente për Shqipërinë”, shkruan Bardhi.

Më herët gjatë ditës së sotme edhe nënkryetari i LSI-së, Petrit Vasili, në rrjetin social “Facebook”  ka reaguar me kritika ndaj Prokurorisë së Posaçme (SPAK).

Ai shprehet se një SPAK që do t’i shmanget çështjes më kritike në Shqipëri, asaj të vjedhjes së votave, është një SPAK që vdes pa lindur ende./abcnews.al

gazment-bardhiii.jpg
Autor E12:02 | 14/11/2019

Betimi i Artra Vorpsit tek noterja, ndërkohë që kjo duhej të bëhej para Presidentit ka shkaktuar reagime të forta politike. Përmes një reagimi publik, Sekretari i Përgjithshëm i PD-së, Gazmend Bardhi e konsideron këtë një veprim partiak.

“Betimi tek noteri i kandidates së vetëshpallur si anëtare e Gjykatës Kushtetutese e kthen Shqipërinë në kohët më të errëta të diktaturës komuniste, kur gjithçka dhe kushdo varej nga vullneti i partisë, jo shteti i së drejtës.

Me aktin partiak noterial kandidatja e përdorur nga Edi Rama provon se nuk mund të jetë as ligjërisht dhe as moralisht garante e Kushtetutës”, shprehet Bardhi.

Pak më parë, reagoi edhe Presidenca në lidhje me betimin e Arta Vorpsit duke theksuar se ata nuk mund të ndaloni askënd që të betohej tek noterja apo edhe tek parukierja.

Reagimi i plotë i Bardhit

“Çfarë është e mirë për Hitlerin, është ligjore.”

Betimi tek noteri i kandidates së vetëshpallur si anëtare e Gjykatës Kushtetutese e kthen Shqipërinë në kohët më të errëta të diktaturës komuniste, kur gjithçka dhe kushdo varej nga vullneti i partisë, jo shteti i së drejtës.

Me aktin partiak noterial kandidatja e përdorur nga Edi Rama provon se nuk mund të jetë as ligjërisht dhe as moralisht garante e Kushtetutës.

Neni 129 i Kushtetutës është i qartë: “Gjyqtari i Gjykatës Kushtetuese fillon detyrën pasi bën betimin para Presidentit të Republikës.”

Tek noteri mund të bësh edhe “njësimin me origjinalit” të Ardian Dvoranit me Edi Ramën, por kjo nuk të mundëson ligjërisht ushtrimin e detyrës si anëtar i Gjykatës Kushtetuese.

Të jem i sinqertë, Arta Vorpsin e njoh dhe, në vlerësimin tim profesional, nuk ka njohje kaq të ulët mbi Kushtetutën. Prandaj, kushdo që e ka detyruar të bëjë këtë veprim, thjesht e ka dëmtuar përpara opinionit publik, duke i vënë etiketën e Arta Markut, si ushtare e këtij pushteti, kundër shtetit të së drejtës.

Me këtë skenar për shkeljen skandaloze të Kushtetutës, në vend që të përmbushë kushtet gjermane për standardet europiane të drejtësisë së pavarur, Edi Rama po zbaton parimin nazist “Çfarë është e mirë për Hitlerin, është ligjore.”

gazmed-bardhi-1280x694.jpg
nev ila16:12 | 28/10/2019

Partia Demokratike përmes një deklarate për shtyp nga Sekretari i saj i Përgjithshëm Gazmend Bardhi ka deklaruar se Prokuroria e ka faktuar  që shenjat e gishtërinjve të kryebashkiakut të Vorës, Agim Kajmakut dhe të Jorgo Totos përputhen.

“Agim Kajmaku u përpoq të mashtronte opinionin publik. PD solli fakte të pakundërshtueshme që Jorgo Toto i arrestuar në Greqi ishte kandidati i Ramës për Vorës. Sot denoncimi është provuar zyrtarisht nga Prokuroria, ku ka provuar denoncimin e PD. Rezulton që Interpol Tirana ka sqaruar se nga Interpol Athinë,nga krahasimi i gjurmëve të Agim Kajmakut ka përputhshmëri me Jorgo Toto. Më tej prokuroria ka sqaruar se Agim Kajmaku, kandidat i Ramës në Vorë, është i njëjti person me Jorgo Toton. Konfirmohet nga TIMS.Konfirmohet se Agim Kajamku ka patur dijeni se ka qenë në hetim në Greqi dhe se ndaj tij kishte proces gjyqësor në Greqi. Nga ana tjetër rezulton se ai ka kryer veprime për fshehjen e këtij fakti duke ndryshuar emrin e mbiemrin por as nuk ka deklaruar tek dekriminalizimi. Agim Ymer Kajmaku përfshihet. Pas vendimit të Prokurorisë, është rrëzuar. Rama nuk ka vullnet për të luftuar krimin pasi pushtetin e ka në lidhje me krimin. Të shkarkojë menjëher nga detyra, Agim Kajmakun i cili është arrestuar dhe ka qenë në kërkim ndërkombëtar për një krim në Greqi ku duhej të dënohej deri në 10 vjet”, deklaroi Bardhi nga selia e PD./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono