cakaj
eri Ida18:30 | 24/03/2020
Ministri i Jashtëm në Detyrë, Gent Cakaj ka reaguar pas vendimit të Bashkimit Evropian për hapjen e negociatave për Shqipërinë.
Cakaj përmes një postimi në rrjetin social Facebook shkruan se ky vendim është një moment kthese në ëndrrën europiane.
Postimi i plotë:
Të dua përtej fjalëve, Shqipëri 🇦🇱🇪🇺!
Këshilli i Çështjeve të Përgjithshme tashmë ka vendosur ÇELJEN E NEGOCIATAVE PËR ANËTARËSIM NË BASHKIMIN EVROPIAN ME SHQIPËRINË!
Mes këtyre ditëve të vështira, ky është një zhvillim madhor historik në rrugën e Shqipërisë drejt BE-së e në të mirë të kombit shqiptar në përgjithësi.
Ky është një moment kthese për jetësimin e ëndrrës sonë historike: Shqipëria anëtare e familjes së vendeve të Bashkimit Evropian!
URIME TË GJITHËVE 🙏!/abcnews.al
eri Ida12:00 | 03/03/2020
Ministri në detyrë për Evropën dhe Punët e Jashtme, Gent Cakaj, ka zbardhur detaje nga takimi i zhvilluar mes Ministrin e Jashtëm të Republikës së Kosovës, Glauk Konjufca dhe me Ministrin e Jashtëm të Kroacisë, Goran Grlić-Radman.
Në këtë takim duket se ministrat kanë vendosur themelimin e nismës trepalëshe mes Shqipërisë, Kroacisë dhe Republikës së Kosovës.
Cakaj përmes një postimi në Facebook, shkruan se synimi i kësaj nisme është mbajtja e mbledhjeve të rregullta në nivel të ministrave të jashtëm, për të krijuar platforma të përbashkëta politike dhe për të zhvilluar projekte konkrete me interes të përbashkët.
Postimi i Plotë:
Pas bisedave me Ministrin e Jashtëm të Republikës së Kosovës, z. Glauk Konjufca, së bashku me Ministrin e Jashtëm të Kroacisë, z. Goran Grlić-Radman, kemi vendosur përfundimisht themelimin e nismës trepalëshe mes Shqipërisë, Kroacisë dhe Republikës së Kosovës
Synimi i kësaj nisme është mbajtja e mbledhjeve të rregullta në nivel të ministrave të jashtëm për të krijuar platforma të përbashkëta politike dhe zhvilluar projekte konkrete sipas interesave të përbashkëta.
Takimi i parë do të mbahet në Shqipëri brenda këtij viti dhe pastaj takimet e tjera do të mbahen çdo vit nëpër qytete të ndryshme të vendeve tona.
Kjo nismë do t’i shërbejë thellimit të marrëdhënieve mes vendeve tona, por edhe zbatimit të objektivave të përbashkëta strategjike veçanërisht në fushën e politikës së jashtme🤝!/abcnews.al
eri Ida12:06 | 02/03/2020
Ministri në detyrë për Evropën dhe Punët e Jashtme, Gent Cakaj, këtë të hënë është takuar me ministrin e Punëve të Jashtme të Kroacisë, Gordan Grlic-Radman.
Takimi u fokusua në disa çështje kryesore, ndër të cilat çelja e bisedimeve për anëtarësim me Shqipërinë dhe Maqedoninë e Veriut, rëndësia gjeostrategjike e angazhimit të thelluar të BE-së në Ballkanin Perëndimor, si dhe përpjekjet e përbashkëta për të nxitur bashkëpunimin ekonomik mes dy vendeve.
Në fjalën e tij në konferencën për shtyp, Cakaj nënvizoi punën e jashtëzakonshme të Presidencës kroate të Këshillit të Bashkimit Evropian, për të mundësuar fillimin e bisedimeve për anëtarësim me Shqipërinë dhe Maqedoninë e Veriut.
“Është krejtësisht e qartë se Shqipëria ka plotësuar të gjitha kushtet për nisjen e bisedimeve për anëtarësim. Ky nuk është as qëndrim personal as opinion politik, por realitet objektiv i dokumentuar tashmë edhe nga Komisioni Evropian”, tha Cakaj.
Ndër të tjera në këtë takim është diskutuar edhe për marrëdhëniet e dy vendeve dhe rëndësinë që ka Partneriteti Strategjik mes Shqipërisë dhe Kroacisë./abcnews.al
eri Ida14:10 | 25/02/2020
Këshilli i Ministrave të Republikës së Shqipërisë ka marrë vendim për hapjen e Konsullatës së Përgjithshme në Strugë, në Maqedoninë e Veriut.
Ministri në detyrë për Evropën dhe Punët e Jashtme, Gent Cakaj, përmes një postimi në Facebook, ka bërë me dije se ky vendim është në përputhje me planin për të thelluar marrëdhënien e shtuar ndërveprimin me shqiptarët në rajon. Rrethi konsullor i kësaj qendre do të përfshijë Strugën, Ohrin, Manastirin, Kërçovën, Dibrën, Gjevgjelinë, Resnjën/ rajoni liqeni i Prespës.
Kjo konsullatë do të ketë rol të veçantë edhe në nxitjen e mëtejme të marrëdhënieve ekonomike, shoqërore e kulturore mes tyre dhe Republikës së Shqipërisë.
“Ne do të vazhdojmë me marrjen e masave të reja në shërbim të forcimit të lidhjeve me shqiptarët dhe lartësimit të faktorit shqiptar në rajon!”, shkruan Cakaj./abcnews.al
eri Ida13:27 | 19/02/2020
Presidenti i Kosovës Hashim Thaçi pas takimit me ministrin të Shqipërisë për Evropë dhe Punë të Jashtme, Gent Cakaj, është shprehur se i ka dhënë një frymë të re lobimit për Kosovën, kudo që Shqipëria merr pjesë, Cakaj tha se Kosova ka qenë një nga detyrat e tij që nga dita e parë e punës.
Thaçi e ka falënderuar kryediplomatin në detyrë të Shqipërisë, për afirmimin, që sipas tij, Cakaj ia ka bërë Kosovës, kudo që e ka përfaqësuar Shqipërinë.
“Edhe tash në procesin e konsolidimit të shtetit tonë, të anëtarësimit të Kosovës në organizata ndërkombëtare dhe njohje të reja, kërkohet një koordinim mes Prishtinës dhe Tiranës. Unë mendoj që Ministri Cakaj e ka dhënë një dinamikë të re kësaj fryme të konsolidimit të Kosovës,kudo në cdo instancë, kudo ku Shqipëria merr pjesë. Në emër të popullit dhe institucioneve të Kosovës, ju shprehi falëndërim personalisht juve z. Ministër dhe kryeministrit Rama, që kanë qëndrim unik për Kosovën”, ka thënë Thaci.
Ndërkohë nga Prishtina ministri Cakaj është shprehu se Kosova ka qenë një nga detyrat e tij që nga emërimi i tij. Gjithashtu ai ka theksuar se janë gati që të nisim zhbërjen e kufiri.
“Kosova dhe Shqipëria kanë një kufi simbolik e nuk duhet të kenë atë fare. Ne jemi të gatshëm të nisim zhbërjen e kufirit. Kjo më shumë duhet të jetë për bisedime në rrafshin teknik se sa për pikëpyetje politike” , është shprehur Cakaj./abcnews.al
eri Ida12:00 | 19/02/2020
Ministri në detyrë për Evropën dhe Punët e Jashtme i Republikës së Shqipërisë, Gent Cakaj, ndodhet në Kosovë ku po zhvillon një vizitë zyrtare. Cakaj takimin e parë në këtë vizitë e ka zhvilluar me ministrin e Jashtëm të Kosovës, Glauk ku kanë diskutuar në lidhje me perspektivat e përbashkëta të dy qeverive.
Cakaj falënderoi edhe njëherë popullin e Kosovës për ndihmën e dhënë në rastin e tërmetit tragjik, ku shtoi se kufiri Kosovë-Shqipëri duhet të hiqet menjëherë.
“Jam tepër i nderuar që jam këtu në Prishtinë. Populli i Kosovës ka shfaqur një solidaritetit që ka sfiduar edhe kufijtë e të besueshëm, institucionet civile e ushtarake kanë bërë një punë të pashembullt e Qeveria ka dhënë një financim të vyer për rimëkëmbjen e Shqipërisë pas tërmetit. Kufiri që ndan dy vendet tona është vetëm simbolik. Ky kufi nuk duhet të ekzistojë fare, duhet të hiqet menjëherë”, tha Cakaj.
Ndër të tjera ministri në Detyrë ka deklaruar se në takim me homologun e tij Konjufca trajtuan disa probleme që janë thelbësore për bashkëpunimin e mëtejmë. Ai ka theksuar ndë rtë tjera se është shprehur gatishmëria për zhvillimin e ambasadave të përbashkëta.
“Ne jemi të gatshëm edhe në një numër të konsiderueshëm që të vazhdojmë në të njëjtën praktikë. Dua të theksoj se marrë parasysh se kemi nevojë për konkretizim të bashkëpunimit dhe mbledhje të dy qeverive, i kam propozuar z.Konjufca dy marrëveshje fillestare, e para është që duhet të mblidhemi që të firmosim një marrëveshje për ndarje të shpenzimeve në një fushatë për lobimin e njohjeve të Kosovës. Marrëveshja e dytë është ajo për transmetimin e përvojave në procesin e integrimit evropian”, ka thënë ministri në Detyrë Cakaj./abncews.al
eri Ida07:49 | 19/02/2020
Ministri në Detyrë për Evropën dhe Punët e Jashtme i Republikës së Shqipërisë, Gent Cakaj, këtë të mërkurë do të zhvillojë një vizitë zyrtare në Prishtinë.
Gjatë ksasaj vizite Cakaj do të pritet nga homologu i tij, ministri i Punëve të Jashtme dhe Diasporës i Republikës së Kosovës, Glauk Konjufca.
Gjithashtu pritet që min istri në Detyrë gjatë qëdrimit të tij në Kososvë të takohet edhe me kryetaren e kuvendit të Kosovës, Vjosa Osmani./abcnews.al
eri Ida10:05 | 15/02/2020
Ministri në detyrë për Evropën dhe Punët e Jashtme, Gent Cakaj, gjatë qëndrimit të tij në Mynih, ku po merr pjesë në Konferencën e Sigurisë është takuar me homologun slloven Miro Cerar.
Në këtë takim palët vunë theksin edhe një herë në rëndësinë e veçantë të çeljes së negociatave për anëtarësim me Shqipërinë gjatë 2020.
“Ky vendim do të ketë peshë të posaçme për të thelluar reformat, mbështetur zhvillimin e rajonit dhe ruajtur besueshmërinë e BE-së në Ballkanin Perëndimor në përgjithësi!” shkruan Cakaj në Facebook./abcnews.al
R D14:38 | 09/12/2019
Shqipëria do të bojkotojë ceremoninë e ndarjes së çmimeve Nobel në Suedi. Lajmi konfirmohet nga ministri i Jashtëm, Gent Cakaj, i cili shkruan se justifikimi i mizorive të luftës gjatë shpërbërjes së Jugosllavisë nuk duhet të shpërblehet.
“Ne kemi urdhëruar Ambasadorin e Shqipërisë në Suedi që të bojkotojë ceremoninë solemne të ndarjes së Çmimit Nobel për Letërsi për Peter Handken. Justifikimi i mizorive të luftës gjatë shpërbërjes së Jugosllavisë nuk duhet të shpërblehet. Çdo shpërblim i personaliteteve që kanë mohuar gjenocidin edhe nëpërmjet veprave të tyre letrare, vetëm forcon prirjet për t’iu shmangur përgjegjësive historike dhe relativizuar peshën e rëndë të krimeve të luftës, pastrimit etnik dhe gjenocidit.” shkruan Cakaj në Twitter.
Çmimi Nobel në Letërsi për Peter Handken, i njohur si adhurues i Millosheviçit, ngjalli reagime të forta dhe indinjatë në Kosovë e Shqipëri. /abcnws.al
ent ela20:15 | 20/11/2019
Ministri për Evropën dhe Punët e Jashtme, Gent Cakaj, mori pjesë në takimin e Ministrave të Punëve të Jashtme të vendeve aleate që u mbajt në Bruksel. Ky takim ju dedikua kryesisht përgatitjeve për takimin e rëndësishëm të krerëve të shteteve dhe qeverive të vendeve anëtare të NATO-s, që do të zhvillohet në Londër, më 3-4 dhjetor të këtij viti.
Ministrat e Jashtëm të vendeve aleate trajtuan çështje thelbësore të lidhura me të ardhmen e NATO-s, si çështja e buxheteve të mbrojtjes dhe sfidat ndaj kërcënimeve kibernetike dhe lufta kundër terrorizmit.
“Në 70 vjetorin e formimit të Aleancës Atlantike dhe në 10 vjetorin e anëtarësimit të vendit tonë në NATO, Shqipëria i qëndron vendosmërisht angazhimeve të saj në kuadrin e përpjekjeve të Aleancës për mbrojtjen dhe sigurinë e përbashkët.” – u shpreh Cakaj në fjalën e tij.
Duke u ndalur në çështjen e rritjes së buxhetit të Mbrojtjes, Ministri Cakaj theksoi se vendi ynë ka bërë hapa të rëndësishëm në zbatim të angazhimeve të Samitit të Uellsit, Varshavës dhe Brukselit për arritjen e objektivave në rritjen e buxhetit të mbrojtjes në 2% deri në vitin 2024.
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:48 | 02/04/2020
23:30 | 02/04/2020
