Besar Musolli

Musolli-me-maske.jpg
Vladimir Prenga19:57 | 06/03/2020

Kukësi luan të hënën në Korçë me Skënderbeun, një ndeshje mjaft delikate. Verilindorët nuk do të kenë të gatshëm dy titullarë të rëndësishëm, mbrojtësin Olsi Teqja dhe sulmuesin Vasil Shkurtaj. I pari është i pezulluar me kartonë të verdhë, kurse i dyti i dëmtuar.

Vlonjati, veç ndeshjes me Skënderbeun, do të humbë edhe takime të tjera për shkak të një zgjatjeje në ligament. Shehi mund të mos e ketë në dispozicion për katër javë sulmuesin, i cili është autor i 16 golave këtë sezon.

Risia në seancën e sotme stërvitore ka qenë kapiteni Besar Musolli. I dëmtuar në ndeshjen me Teutën, mesfushori ka dalë në stërvitje dhe ajo që binte në sy ishte një maskë që ai kishte vendosur, për shkak të dëmtimit në fytyrë.

Shehi do të shohë gjendjen e tij këto ditë, për të vendosur nëse luan nga fillimi me Skënderbeun. Me shumë mundësi kështu do të ndodhë, pasi janë edhe dy seanca të tjera në dispozicion dhe Musolli do të mund të jetë i gatshëm. /abcnews.al

Musolli-Duro.jpg
Veronik Istrefaj21:29 | 01/03/2020

Mesfushori dhe kapiteni i Kukësit, Besar Musolli, ka falënderuar ish-trajnerin e tij, Shpëtim Duro, madje dhe e ka komplimentuar, duke e quajtur një njeri me kulturë dhe profesionalizëm.

Në profilin e tij zyrtar në Facebook, Musolli shkroi: “Kënaqësi të punosh me një njeri me kulturë dhe profesionalizëm si ty profesor Duro, mirë u takofshim!”/abcnews.al

 

Postimi i Musollit

 

Musolli.jpg
Igli Nikolli19:44 | 25/01/2020

Kukësi do të luajë nesër për herë të parë në “Air Albania Stadium”. Ekip i Shpëtim Duros pret Partizanin në duelin për titull dhe interesimi për këtë përballje është i madh. Klubi verilindor ka vendosur dy autobusë falas për tifozët dhe nisja e tyre do të bëhet në orën 15:00 përpara bashkisë së Kukësit.

Rreth takimit më të fortë të kësaj jave, që nis në orën 19:00, ka folur edhe Besar Musolli. Kapiteni i Kukësit analizon barazimin ndaj Luftëtarit, analizon duelin e nesërm me Partizanin dhe ka një thirrje për tifozët.

SITUATA – “Kam disa vite te Kukësi dhe kam provuar shumë trajnerë, por duhet të përqendrohemi te ky vit. Ka shumë lojtarë të rinj, me perspektivë dhe kemi një moshë mesatare shumë të re. Jemi në rrugën e duhur. Po punojmë mirë dhe jemi në qetësi dhe shpresoj të vazhdojmë kështu”.

BARAZIMI – “Kemi bërë një punë shumë të mirë në prag të sfidës së zhvilluar në Gjirokastër, e kemi filluar ndeshjen në mënyrën e duhur. Faji është i lojtarëve, sepse trajnerët e kanë përgatitur ekipin në mënyrën e duhur. Na vjen shumë keq, por shpresojmë që me Partizanin të marrim pikët maksimale”.

AIR ALBANIA – “Është një ambient i ri për ne, ndërsa Partizani e ka provuar më parë. Kemi dalë me një thirrje për tifozët që të jenë edhe sa më të shumtë në numër duke na përkrahur. Është një ambient i bukur dhe shpresoj që të bëjmë një ndeshje të mirë, sigurisht duke marrë rezultat pozitiv”.

OBJEKTIVAT – “Çdo gjë po shkon në rrugën e duhur dhe shpresoj që edhe në ndeshjen e radhës të na shkojë shumë mirë, pse jo deri në fund të edicionit, për të qenë një tjetër sezon për t’u mbajtur mend nga mua dhe tifozët e Kukësit”. /abcnews.al

Kukesi-Superiore-19-20-1280x884.png
Vladimir Prenga18:09 | 16/12/2019

Kukësi ka fituar tre ndeshje radhazi në Superiore dhe tashmë renditet në vendin e parë në klasifikim. Verilindorët po mendojnë për sfidën e radhës në transfertë me Vllazninë. Shkodranët fazën e parë e befasuan Kukësin, duke e munduar.

Trajneri Shpëtim Duro, sikurse edhe presidenti Safet Gjici, e kanë vlerësuar maksimalisht skuadrën e drejtuar nga Mirsad Jonuz. Objektivi janë tre pikët, ndërkohë që në kampin verilindor po mendojnë edhe për formacionin që do të zbresë në fushë kundër kuqebluve.

Ditën e sotme Kukësi ka nisur edhe përgatitjet, ndërkohë që trajnerin Duro e shqetëson një titullar i mesfushës. Kapiteni Besar Musolli nuk është stërvitur me grupin, pasi ende ndjen dhimbje. Ai është parë duke qëndruar në stol dhe duke e mbajtur me akull këmbën. Nesër do të kuptohet nëse ai mund të luajë në mesjavë kundër Vllaznisë. /abcnews.al 

Kapiteni i Kukësit, Besar Musolli
Musolli.png
Vladimir Prenga09:43 | 16/12/2019

Besar Musolli, kapiteni i Kukësit, është në listën e dëshirave të dy klubeve që luftojnë për titull në Kosovë. Gjilani, që e ka tentuar edhe më parë, e kërkon mesfushorin e verilindorëve, ndërkohë që sipas “Panorama Sport” shkruan edhe Prishtina është në garë.

Gjithsesi zor se Kukësi mund të heqë dorë nga një prej lojtarëve kryesorë, kur tashmë është në vend të parë dhe titulli kampion është objektivi kryesor i klubit të financuar nga Safet Gjici.

FLAMURTARI – Në Vlorë situata është e rëndë dhe në janar me këtë situatë do të jetë të paktë futbollistët që do të qëndrojnë në skuadër. Lojtarët kërkojnë pagat para se të largohen drejt shtëpive të tyre, ndryshe nuk kthehen pas.

Administratori Sinan Idrizi duhet të gjejë një zgjidhje, pasi askush nuk ka ndërmend të sakrifikojë më shumë. Deri më tani një pjesë e lojtarëve kanë qëndruar, në mënyrë që në janar të mund të gjejnë një ekip dhe të mos jenë pa stërvitje. /abcnews.al

Lushkja.png
Igli Nikolli09:49 | 11/11/2019

Kukësi po kalon një moment jo të mirë, por mund t’i gëzohet faktit që vendi i parë është vetëm katër pikë larg. Humbja e djeshme me Laçin nuk u prit mirë, ndërkohë që pati kontestime të shumta për penalltinë e akorduar në dëm të tyre, që vendosi edhe ndeshjen.

Gjithsesi në kampin verilindor janë të detyruar të shohin përpara. Ndaj Laçit nuk kishin disa titullarë të rëndësishëm dhe situata kundër Bylisit do të jetë tjetër. Kapiteni Besar Musolli e ka shlyer pezullimin prej kartonëve dhë do të jetë nën urdhrat e Duros në ndeshjen e radhës.

Veç tij, priten që edhe Veseli Limaj dhe Vasil Shkurtaj të jenë rikuperuar plotësisht dhe të kenë kapur formën e duhur sportive. Dyshimi i vetëm është Kristal Abazaj, i cili pësoi një shembje në sfidën me Flamurtarin dhe mungoi në Laç. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono