Tottenham vazhdon negociatat me Atalantën në lidhje me mbrojtësin Christian Romero (akordi mund të arrihet për 43 milion £), por argjentinasi nuk është objektivi i vetëm.
Trajneri i ri i skuadrës londineze, Nuno Espirito Santo ka një kërkesë për drejtuesit e Spurs. Tekniku portugez kërkon të ketë në skuadër Adamo Traore, me të cilin punoi për tre vite te Wolves.
Daily Mail shkruan se “Ujqit” pritet ta lënë të lirë 25-vjeçarin e shpejtë të krahut të djathtë të sulmit për shumën 45 milion £, aq sa shitën Diogo Jota verën e kaluar te Liverpool.
Traore pëlqehet shumë edhe nga Liverpool, Chelsea dhe Leeds United. Nuno Espirito Santo e do me vete në Londër dhe Tottenham do të paraqesë së shpejti ofertën e parë zyrtare. /abcnews.al
