Gabriel Escobar ka vlerësuar se qeveria e Malit të Zi ka bërë një përparim të jashtëzakonshëm në krijimin e themeleve për një rrugë të gjatë drejt Perëndimit dhe anëtarësimit në BE. Gjithashtu u shpreh se vlerëson dhe mbështet kryeministrin Millojoko Spajiç.
“Qeveria ka bërë përparim të jashtëzakonshëm në krijimin e themeleve drejt Perëndimit dhe anëtarësimit në BE. Tani detyra më e rëndësishme për Malin e Zi është të mbështesë gjithçka që bën kryeministri”, ka thënë ai.
Ministri i Jashtëm i Malit të Zi, Filip Ivanoviç, pas mesazhit të Escobarit është shprehur i bindur se deri në fund të mandatit të kësaj Qeverie, Mali i Zi do të përfundojë procesin e anëtarësimit në Bashkimin Evropian dhe do të bëhet anëtar i ri.
/abcnews.al/
