Loading ...
Ervin Minarolli, përfaqësues i Partisë Demokratike për Infrastrukturën dhe Transportin foli në ABC-ja e mëngjesit për koncesionin e aeroportit të Rinasit.
Ai u shpreh se koncensioni është dhënë pa garë dhe se sipas tij duhet shqyrtuar se kush është investitori strategjik.
“Komiteti i Sigurisë Aeroportit në të njëjtën kohë është edhe Komitet i Sigurisë Kombëtare për transportin ajror parë duhet parë se kush është investitori strategjik. Gjithashtu është problem sepse ka humbur nocioni i garës”, shprehet ai.
Gjithashtu ai shton se për të tërhequr kompanitë ajrore duhet politika, ndërsa thekson se në Shqipëri ka pasur iniciativa por që kanë qenë të pamjaftueshme për t’i tërhequr.
“ Kontrata e koncesionit ka parashikuar se kompania ka përgjegjësi dhe siguri. Është dhe një tarifë që paguhet për të gjithë pasagjerët që hyjnë edhe dalin në aeroportin e Tiranës”, tha ai.
Gjatë bisedës në studio me gazetarin Enkel Demi, i pyetur për deklaratat e liderit të PD për anulimin e këtij koncesioni me ardhjen e saj në pushtet, ai u shpreh se një kontratë e paligjshme mund të anulohet.
“Kjo ka të bëjë me mënyrën se si është lidhur kontrata. Një kontratë e paligjshme mund të anulohet. Kjo është dhënë pa një garë dhe pa u shpallur, pra i është dhënë një operatori i cili nuk ka plotësuar kushtet”, tha më tej Minarolli.
/abcnews.al/
