“Udhëtarët e nëndetëses fatkeqe Titan ndoshta i kaluan momentet e tyre të fundit në errësirë totale dhe duke dëgjuar muzikën e tyre të preferuar,” sipas Christine ,gruaja e biznesmenit pakistanez Shahzada Dawood.
Christine tha për New York Times sesi obsesioni i familjes me rrënojat e Titanikut çoi në vendimin e tyre për të shkuar në atë udhëtim që rezultoi fatal për ta.
Interesi i tyre filloi pasi vizituan një ekspozitë të Titanikut në Singapor në vitin 2012 dhe u nxit më tej nga një udhëtim në Grenlandë në vitin 2019, ku ata ishin të intriguar nga transformimi i akullnajave në ajsbergë.
Ajo thotë se familja pa një reklamë të OceanGate që ofronte udhëtime në rrënojat. Fillimisht Christine do të shoqëronte burrin e saj miliarder në udhëtim, por më në fund në vend të saj shkoi djali i tyre 19-vjeçar Suleman.
Pavarësisht kostos së lartë të udhëtimit, eksperienca e pasagjerëve në Polar Prince, anijen mëmë, që i parapriu nisjes së nëndetëses ishte gjithçka tjetër veçse luksoze. Ata flinin në dhoma të ngushta me krevate marinari, dhe merrnin pjesë në takime nga ora 7 e mëngjesit deri në orën 19:00.
Christine raportoi se shumica e takimeve u fokusuan në sigurinë e nëndetëseve. Ai e krahasoi atë me uljen në një aeroplan pa kuptuar se si funksionon motori. Christine raportoi se pasagjerëve iu dhanë mësime sigurie, duke përfshirë informacionin për kolapsin e presionit.
Pasagjerëve u ishte thënë që në fillim se dritat e nëndetëses do të fiken për të kursyer energjinë e baterisë, por ata do të ishin në gjendje të vëzhgonin për krijesa të ndritshme në det.
Atyre u ishte thënë gjithashtu, sipas Christine, të sillnin këngët e tyre të preferuara.
/abcnews.al
