Erozioni, grryerja e tokave nga shtrati i Lumit Vjosa, ka përpirë rreth 60 hektarë tokë bujqësore. Në Novoselë, kjo situatë po vijon prej vitesh, por kohët e fundit është përkeqësuar.
Sipas kryeplakut të fshatit, në zonë janë vendosur prita mbrojtëse për të shmangur përmbytjet.
Sipas Ilia Moçkës, dëmet tek fermerët janë të shumta, kryesisht në Mifol, Fitore, por edhe në fshatra të tjera të njësisë Novoselë. Kjo është një zonë që prioritet ka bujqësinë dhe blegtorinë, ndërsa gërryerja nga lumi, në të ardhmen mund të sjellë dëmtime edhe më të mëdha të tokave.
Për të parandaluar këtë situatë, nuk mjaftojnë vetëm pritat mbrojtëse, por edhe masa të tjera për të evituar përmbytjet./abcnews.al
