Erdogan thotë se Turqia e ka vendin në BE

schedule20:53 - 22 Nëntor, 2020

schedule 20:53 - 22 Nëntor, 2020

Presidenti turk, Recep Tayyip Erdogan këtë të dielë ka deklaruar se Turqia e sheh veten pjesë të Evropës. Erdogan  i ka bërë thirrje Bashkimit Evropian që të mbajë premtimet lidhur me anëtarësimin e Ankarasë zyrtare në bllok dhe për çështjen e refugjatëve.

Komentet e presidentit Erdogan vijnë një muaj para se të mbahet samit i BE-së.

Në javët e fundit, anëtarët e bllokut evropian kanë shprehur mendimin e tyre se Turqisë duhet t’i vendosen sanksione për shkak të eksplorimeve për gaz në lindje të Mesdheut.

“Ne gjithmonë e shohim veten pjesë të Evropës. Ne zgjedhim Evropën për aq kohë sa ajo nuk na detyron që të favorizojmë dikë tjetër”, ka thënë Erdogan.

Ai shtoi se BE-ja duhet të mbajë premtimet dhënë Turqisë për anëtarësim të plotë dhe për çështjen e refugjatëve. Le të ndërtojmë një bashkëpunim më të ngushtë dhe më efikas.

Turqia ka aplikuar për anëtarësim në BE më 1987 dhe para katër vjetësh ka nënshkruar një marrëveshje me bllokun evropian, për menaxhimin e migrantëve, të cilët nisen drejt Evropës./abcnews.al