Presidenti i Turqisë, Recep Taip Erdogan, ka thënë në Beograd se është i gatshëm të ofrojë mbështetje për arritjen e një marrëveshjeje në mes Kosovës dhe Serbisë.
Presidenti turk ka folur edhe për marrëveshjen për targat e arritur mes dy shteteve, më 27 gusht. Erdogan është shprehur i kënaqur me arritjen e asaj marrëveshjeje.
Ai po ashtu tha se shpreson që do ta arrihet marrëveshja edhe për targat.
“Jemi shumë të kënaqur që është arritur marrëveshja për kalimin e kufijve me letërnjoftime vetëm ndërmjet Serbisë dhe Kosovës. Jemi të gatshëm të ofrojmë gjithë mbështetjen tonë, sido që të mundemi. Ballkani nuk mund të tolerojë më këtë lloj problemi”, ka thënë Erdogan.
“E sa i përket targave, shpresoj që të arrihet një marrëveshje sa më shpejt, si dhe për çështje të tjera problematike”, ka thënë presidenti turk.
Presidenti turk po viziton disa shtete të Ballkanit Perëndimor, por në agjendë nuk e ka edhe Kosovën. /abcnews.al/
