Kryeministri Albin Kurti në një konferencë për mediat këtë të diele ka dhënë detaje në lidhje me ngjarjen që ndodhur në orët e para të mëngjesit në veri të Kosovës, ku mbeti i vrarë polici Afrim Bunjaku dhe i plagosur Alban Rashiti.
Kur u pyet për armatimin nëpër kisha që është raportuar më herët, Kurti është shprehur se s’mund ta dijë analiza të tilla tash, por tha se s’ka dyshime se është e qartë se bëhet fjalë për formacione të organizuar që është i armatosur, por formacion profesional, mbi 30 individë.
“Kur i ka vërejtur policia jonë e rregullt, në urën në Banjska. Me bateri dore ndriçimi kanë parë që dera e njërit kamion është e hapur, ndërkaq një kamion tjetër ka diçka prej dritave ndezur”.
Policia e ka ditur që bëhet fjalë për kontrabandë, për të cilën Kurti tha se policia jonë e ka luftuar sukseshëm, “sidomos në këto dy vitet e fundit”.
Kurti tha se pas kësaj kanë qenë policët te vendi i ngjarjes ku e kanë pësuar sulmin.
“Për neve në këto momente më e rëndësishme është që ata të dorëzohen te organet. E kam të qartë që kanë ardhur të luftojnë, destabilizojnë”./abcnews.al
