Paul Pogba ka folur hapur rreth së ardhmes së tij nga grumbullimi ku ndodhet me Francën. Mesfushorit i përfundon në verën e ardhshme kontrata me Manchester United. Klubin anglez e adhuron, por një ofertë të Real Madrid nuk do e refuzonte kurrë.
“Çdo lojtari do i pëlqente të luante me Real Madrid, normalisht edhe mua. Do të ishte një ëndërr të isha pjesë e këtij klubi një ditë. Momentalisht jam pjesë e Manchester United, klub që e dashuroj.
Do të jap maksimumin tim për t’u zbavitur këtu dhe për të dërguar klubin aty ku e meriton. Rinovimi? Të gjithë kanë folur për këtë temë, por jo unë. Preferoj të përqendrohem te ndeshjet dhe rikuperimi im.
Nuk kam biseduar me Ed Woodward (CEO i United) në lidhje me rinovimin. Jam i fokusuar totalisht të rikthehem në formën time më të mirë“, deklaron kampioni i botës. /abcnews.al
