David De Gea vazhdon të kërkojë një ekip të ri pas nëntë muajsh pushim që nga përfundimi i kontratës së tij me Manchester United. Gjatë gjithë kësaj periudhe, ai ka marrë oferta të ndryshme nga skuadra të ndryshme, edhe pse asnjëra nuk ka arritur ta bindë spanjollin.
Propozimi më i fundit erdhi nga Nottingham Forest, një klub i Premier League, megjithatë, sipas raportimeve nga “The Athletic”, gardiani e ka refuzuar këtë ofertë, me arsyetimin se nuk i ka përmbushur pritshmëritë e tij.
De Gea ka qenë pjresë e thashethemeve të shumta që e lidhin atë me klube të ndryshme muajt e fundit, teksa në Angli pati spekulime për mundësinë e rikthimit të tij në “Old Trafford” pas një paraqitjeje zhgënjyese nga Andre Onana, por ky opsion humbi fuqinë me kalimin e kohës.
Një tjetër klub i Premier League që shfaqi interesim në dhjetor ishte Newcastle, pas lëndimit afatgjatë të portierit anglez Nick Pope, megjithëse në fund nuk u materializua asnjë marrëveshje.
Për momentin, opsionet e De Gea janë të pasigurta, madje përmendet edhe mundësia e daljes në pension të portierit. Nëse ai vendos të mbetet aktiv, destinacioni i tij më i mundshëm mund të jetë Saudi Pro League, ku klubet e Arabisë Saudite kanë treguar interes të fortë për nënshkrimin e tij.
Skuadra si Al Hilal i Neymar, Al Nassr i Cristiano dhe Al Shabab kanë kontaktuar me portierin me përvojë, ndonëse ende nuk kanë arritur një marrëveshje. /i.m /abcnews.al
