Policia e Tiranës ka ndaluar vëllanë e autorit të dyshuar për plagosjen e fqinjit të tij mbrëmë në zonën e Alliasit në Tiranë. Burime nga “blutë” e kryeqytetit thanë se ai është ndaluar për moskallëzim krimi.
Autori i dyshuar, 49-vjeçari Albert Ostreni është ende në kërkim nga policia. Gjatë kontrollit në banesën e tij, policia gjeti edhe një sasi rreth 10 gramë kokainë.
Ostreni qëlloi mbrëmë me armë zjarri fqinjin e tij 23-vjeçar Renaldo Mejdani, i cili ndodhet në spital jashtë rrezikut për jetën. Dyshohet që plagosja të ketë ndodhur pas një grindjeje të çastit.
Burime nga hetimi i thanë ABC se 49-vjecari Ostreni ishte përdorues dhe shpërndarës kokaine, ndaj nuk përjashtohet mundësia që në momentin kur kreu krimin të ketë qenë i droguar. /abcnews.al
