Një nga tre të arrestuarit për grabitjen e kambistit të ndodhur mëngjesin e kësaj të hëne në Korçë, është Agim Çaçi nga Durrësi.
Burime për abcnews.al bëjnë me dije se përveç të arrestuarit janë në kërkim dhe dy grabitësit e tjerë të cilët mendohet se janë nga Fieri.
Ndër të tjera mësohet se ky grup dyshohet se ka kryer edhe vjedhje të tjera siç është edhe grabitja e kambistit Erjon Rrënja disa jave më pare në Korçë.
Ndër të tjera gazetarja Ledjona Xheladinaj bën me dije për abcnews.al se ngjarja ka ndodhur në sy të familjes, ku vajzës së vogël të familjes vetëm 14 vjeç i kanë vendosur armën në kokë dhe i kanë kërkuar që të largohej në momentin që ajo po ndihmonte nënën dhe babain e tyre gjatë përleshjes.
LEXO EDHE: “Më vrisni, lekët s’i jap”, hera e 4 që grabitet kambisti, vajza për ABC: Babanë e gjakosën
Ndër të tjera ato theksojnë se e kanë frikë të dalin se autorët i njohin ndërsa këto jo pasi ato kanë qenë me maskë.
Ngjarja ka ndodhur mëngjesin e sotëm në në në lagjen nr 1 , në rrugën e “Bilbilave” në qytetin e Korçës, para banesës së kambistit Shefqet Muço./abcnews.al
