Një 36-vjeçar është arrestuar nga policia kufitare në Kapshticë.
I arrestuari, Markel Janin rezulton se ishte shpallur në kërkim, pasi është dënuar me 6 vite burg nga Gjykata për prodhim dhe shitje të lëndëve narkotike.
Gjykata e Rrethit Gjyqësor Tiranë, me vendimin e datës 20.05.2019, e ka dënuar Markel Janin me burg, dhe tashmë me arrestimin e tij ai do të duhet të vuajë dënimin.
Njoftimi i policisë:
Ndalohet një shtetas në kërkim, i dënuar me 6 vjet burg për prodhim dhe shitje narkotikësh.
Shërbimet e Stacionit të Policisë Kufitare Kapshticë, në hyrje të Republikës së Shqipërisë, bënë ndalimin e shtetasit në kërkim Markel Jani, 36 vjeç, banues në Korçë.
Gjykata e Rrethit Gjyqësor Tiranë, me vendimin e datës 20.05.2019, e ka dënuar këtë shtetas me 6 vite burg për veprën penale “Prodhimi dhe shitja e narkotikëve”.
Veprimet e mëtejshme do të kryhen nga Drejtoria Vendore e Policisë Tiranë.
/abcnews.al/
