Loading ...
Autoritetet e Emirateve të Bashkuara Arabe njoftuan të hënën se synojnë të ndërtojnë një spital fushor në Rripin e Gazës.
Me urdhër të presidentit të Emirateve të Bashkuara Arabe, Mohammed bin Zayed Al Nahyan, pesë avionë u ngritën nga Abu Dhabi me pajisjet e nevojshme për ndërtimin e spitalit, sipas agjencisë zyrtare të lajmeve të vendit ëAM.
Materiali që ata mbanin do të shkarkoheshin në qytetin egjiptian Ash Aris për t’u transportuar më pas për në Rripin e Gazës.
Ky spital me 150 shtretër do të ketë klinika dhe specialitete të ndryshme, duke përfshirë njësitë e kujdesit intensiv dhe një klinikë pediatrike. Sipas agjencisë, nisma është një shprehje e mbështetjes historike dhe solidaritetit të Emirateve të Bashkuara Arabe me popullin palestinez.
Organizatat e ndihmës e përshkruajnë situatën në Rripin e Gazës si katastrofike, ku, sipas Ministrisë së Shëndetësisë të Hamasit, shumë spitale mezi funksionojnë./abcnews.al
