Agjencia europiane e barnave ka nisur vlerësimin e vaksinës anti covid, kineze të Sinovac.
Në rast se vlerësimi do të jetë pozitiv, Sinovac do të mund të jetë vaksina e pestë e autorizuar anti covid që do të mund të përdoret në territorin europian. Prej disa kohësh Shqipëria ka miratuar përdorimin e vaksinës Sinovac, si dhe ka nisur vaksinimin masiv me këtë vaksinë. Kjo do të thotë se nëse EMA e miraton për përdorim në BE, shqiptarët e vaksinuar me Sinovac mund të lëvizin lehtësisht në shtetet e Bashkimit Evropian.
Vendimi për të shqyrtuar vaksinën kineze u mor në bazë të rezultateve paraprake të studimeve në laborator dhe studimeve klinike. Këto sugjerojnë se vaksina shkakton prodhimin e antitrupave që marrin në shënjestër SARS-CoV-2 dhe mund të ndihmojë në mbrojtjen nga sëmundja. Vaksina anti covid kompanisë kineze Sinovac, i është nënshtruar analizave të agjencisë europiane për barnat. Në rast se vlerësimi do të jetë pozitiv, ajo do të miratohet për përdorim në territorin europian dhe do të jetë e pesta. Dhe pse është e pamundur të parashikohen afatet, vlerësimi kërkon më pak kohë se normalisht falë punës së kryer gjatë monitorimit të vazhdueshëm.
Agjencia europiane e barnave ka nisur vlerësimin e vaksinës anti covid, kineze të Sinovac. Agjencia nuk i ka paraqitur ende një kërkesë zyrtare entit, e domosdoshme për të lejuar shpërndarjen, por kjo e fundit vendosi të përshpejtojë procedurën e vlerësimit. Në rast se vlerësimi do të jetë pozitiv, Sinovac do të mund të jetë vaksina e pestë e autorizuar anti covd që do të mund të përdoret në territorin europian.
Vetë agjencia europiane konfirmoi se komiteti për mjekimet njerëzore të EMA-s ka nisur analizimin e vazhdueshëm të vaksinës së zhvilluar nga Sinovac. Vendimi u mor në bazë të rezultateve paraprake të studimeve në laborator dhe studimeve klinike. Këto sugjerojnë se vaksina shkakton prodhimin e antitrupave që marrin në shënjestër SARS-CoV-2 dhe mund të ndihmojë në mbrojtjen nga sëmundja.
EMA do të vlerësojë të dhënat sapo të jetë të gatshme për të vendosur nëse përfitimet janë më të mëdha se rreziqet. Analizimi do të vazhdojë deri sa të ketë prova të mjaftueshme për të mbështetur kërkesën formale të autorizimit për hedhjen në treg. Dhe pse është e pamundur të parashikohen afatet, vlerësimi kërkon më pak kohë se normalisht falë punës së kryer gjatë monitorimit të vazhdueshëm.
Gjithsesi sipas të dhënave të para, efikasiteti i vaksinës është shumë i diskutueshëm. Nëse nga njëra anë vaksina premton rezultatet të mirë në bllokimin e infeksionit tek pacientët në gjendje të rëndë, vetë prodhuesit pranojnë se efikasiteti i saj është shumë i ulët në rastet e një forme të lehtë apo të moderuar infektimi.
Një studim i kryer nga universiteti i Kilit analizoi përfundimet e fushatës së vaksinimit në vend ku është përdorur më shumë vaksina e Sinovak. Rezultatet e kërkimit vunë në dukje se mbrojtja, pas dy javësh që nga marrja e të dy dozave është deri në 54.4%. një e dhënë e destinuar të bjerë në mënyrë drastike duke marrë parasysh mbrojtjen që ofrohet nga vetëm një dozë – deri në 3%. /abcnews.al/
