“Eliminim zhgënjyes”, Pioli: Diferencën e bëri kartoni i kuq i Ibras, krenar me skuadrën

schedule23:44 - 26 Janar, 2021

schedule 23:44 - 26 Janar, 2021

Interi arriti të përmbysë Milanin këtë mbrëmje dhe të fitojë me shifrat 2-1, duke siguruar kalimin në gjysmëfinale të Coppa Italia, pas një ndeshje plot episode dhe emocione.

Pas ndeshjes foli trajneri i kuqezinjve, Stefano Pioli foli për mediet dhe u shpreh i kënaqur me ekipin e tij dhe i vetmi episod që bëri diferencën ishte kartoni i kuq i Ibrahimovic.

“Është zhgënjyese që jemi eliminuar sepse u kujdesëm për këtë ndeshje. Kjo ndeshje tregoi se jemi ekip i fortë, që mund të qëndrojmë mirë, por kartoni i kuq na e bëri shumë të vështirë.

 

Sherri Lukaku-Ibra? Ajo situatë kishte ndikim sepse shkaktoi kartonin e parë të verdhë e më pas të dytin. Ata janë të dy të rritur, i thanë diçka njëri-tjetrit, nuk e di çfarë. Gjëra që ndodhin, të shohim përpara.

Ndikoi shumë fakti që ishim me 10 veta, u bë e komplikuar dhe ishim naive në faullin e shkaktuar për penalltinë. Sidoqoftë pas kësaj humbje unë ndihem shumë më pozitiv dhe i sigurt se pas ndeshjes me Atalantan.

Ishte një ndeshje shumë e ekuilibruar, diferencën e vetme e bëri fakti se ishim me një lojtar më pak. Nëse do ishte 11 kundër 11, ndeshja ishte e hapur për çdo rezultat dhe ne ishim 1-0 në avantazh.

Kartoni i dytë i verdhë i Ibras ishte nga dëshira e tij për të ndihmuar skuadrën dhe për të ndihmuar ekipin. Ai mund të ishte ngadalësuar, por ndodh”, përfundoi Pioli. /abcnews.al