Kjo është makina e qëlluar 20 herë me kallashnikov në fshatin Papër në Elbasan.
Abc mëson se ajo u gjet e braktisur nga personat që ishin brenda saj disa metra më tutje.
Brenda saj është gjetur edhe një bidon i mbushur me pesë litra benzinë.
Abc mëson se është qëlluar nga persona ende të paidenfikuar me kallashnikov, nga një tjetër makinë që ishte në lëvizje. BMW-ja është gjetur disa metra larg vendit ku u qëllua, poshtë urës së zezë dhe rezulton me targa të vjedhura në Durrës. Policia njofton se personat që kanë qenë në BMW e kanë braktisur mjetin dhe janë larguar.
Elbasan/ Informacion paraprak
Rreth orës 17:35, në aksin rrugor Elbasan-Peqin, në rrethana ende të paqarta, dyshohet se është qëlluar me armë zjarri në drejtim të një mjeti tip BMW, targat e të cilit rezultojnë të vjedhura në Durrës, në prill të vitit 2021.
Personat që kanë qenë në mjetin tip BMW, e kanë brakisur mjetin dhe janë larguar.
Shërbimet e Policisë ndodhen në vendngjarje dhe po krehin zonën me qëllim kapjen e personave të përshirë në këtë ngjarje.
Grupi hetimor, nën drejtimin e Prokurorisë, po vijon punën për sqarimin e rrethanave të ngjarjes, identifikimin dhe kapjen e autorëve.
/abcnews.al
