Nga nesër, kriptomonedha hap një kapitull të ri në historinë e saj: do të njihet zyrtarisht si një pasuri dhe si një monedhë për transaksionet nga një shtet.
Ky vend është El Salvadori dhe nga nesër qytetarët e tij mund të tregtojnë me Bitcoin dhe të kenë mundësinë ta përdorin atë në vend të dollarit amerikan, monedhë e cila është përdorur nga vendi i Amerikës Qendrore që nga viti 2001. Qeveria, për të motivuar qytetarët e El Salvadorit, do t’u sigurojë atyre një shumë prej $ 30 në Bitcoin.
Lëvizja e qeverisë së El Salvadorit ka ndezur një valë entuziazmi tek investitorët, të cilët po nxitojnë të blejnë Bitcoin. Në mediat sociale, investitorët po i bëjnë thirrje njëri -tjetrit ta bëjnë këtë lëvizje, duke shkaktuar një rritje të aktivitetit të këmbimit valutor. Si rezultat, çmimi i Bitcoin arriti sot në $ 52,000, për herë të parë që nga 12 Marsi.
Nga nesër Bitcoin bëhet legal dhe investitorët nxitojnë të investojnë në të. Vendimi i El Salvadorit, nga njëra anë, është historik, dhe nga ana tjetër, konsiderohet se hap rrugën për vendet e tjera që të ndjekin shembullin e vendit të Amerikës Qendrore.
Kuba gjithashtu ka thënë se po shqyrton planet për të miratuar përdorimin e kriptovalutave./ db/Abcnews.al
