Erion Alibej (Dylgjeri) i arrestuar ditën e sotme me akuzën e porositjes dhe organizimit të vrasjes së 2 personave në Korrik, Emiljano Ramazanit dhe Regis Runajt është i dyshuar kryesor edhe për ngjarjen e djeshme që tronditi Elbasanin.
Burime për Abcnews.al nga grupi hetimor pohojnë se Erion Alibej është i dyshuari kryesor si porositësi dhe organizatori i vrasjes së Bujar Çelës mëngjesin e djeshëm te kryqëzimi i Bradasheshit, të vëllait të Talo Çelos.
Bujar Çela u ekzekutua në të njëjtin vend, që në 29 dhjetor të 2018 u vra vëllai i Erion Alibejt, Endrit Alibej 34 vjeç me xhaxhanë dhe një turk.
Erion Alibej (Dylgjeri) është arrestuar në 2013. Ai ka qenë i dënuar në Itali për trafik narkotikësh në Torino (Asti) me 4.5 vite burg. Pasi kreu burgun erdhi në Shqipëri, ndërsa aktualisht ishte në arrest shtëpie për një plagosje dy vite e gjysmë më parë në Elbasan./ db/Abcnews.al
