Një amerikan i dënuar për vrasjen e një çifti të moshuar në vitin 2004 u ekzekutua të enjten mbrëma në Alabama. Jamie Ray Mills, 50 vjeç, u shpall i vdekur në orën 6:26 pasdite, pasi iu dha një injeksion vdekjeprurës.
Ai u dënua në vitin 2007 për vrasjen e 87-vjeçarit Floyd Hill dhe gruas së tij 72-vjeçare Vera Hill gjatë një vjedhjeje të armatosur. Gruaja e tij Joanne Mills, e cila dëshmoi kundër tij në gjyq, po vuan dënimin e përjetshëm për të njëjtën çështje.
Ky është ekzekutimi i dytë që nga fillimi i vitit në Alabama dhe i gjashti në SHBA.
Ekzekutimi i mëparshëm në Alabama dhe i pari për vitin 2024 në SHBA ishte ai i Kenneth Eugene Smith me anë të thithjes së azotit, një metodë e përdorur për herë të parë në mbarë botën, ku OKB-ja e denoi këtë metodë ekzekutimi si një formë “torture”.
Gjithsej 24 ekzekutime u kryennë vitin 2023 në SHBA, të gjitha me injeksion vdekjeprurës. Njëzet e tre nga 50 shtetet amerikane kanë hequr dënimin me vdekje.
/abcnews.al
