Ekspertët britanikë paralajmërojnë për dimër të vështirë: Varianti i ri i Covid po shton shifrat e të infektuarve

schedule19:48 - 1 Dhjetor, 2022

schedule 19:48 - 1 Dhjetor, 2022

Shefat e Shëndetësisë në Mbretërinë e Bashkuar paralajmërojnë se një variant i ri I Covid mund të shkaktojë rritje të infeksioneve ditore në vend dhe jo vetëm.

Sipas ekspertëve të shëndetësisë varianti i ri i Covid vjen në një periudhë ku shifrat e rasteve me gripin sezonal kanë shpërthyer.

Varianti i ri i Covid “BQ1 Omicron” është dominues në Britani dhe përbën 50.4 për qind të infeksioneve, krahasuar me 39 për qind javën e kaluar, shkruan The Sun.

Mjeku ekspert në Angli, Stephen Powis, tha se pret që ky dimër të jetë dimri më sfidues që shëndetësia në vend ka parë vitet e fundit.

“Ndërsa shkojmë drejt Krishtlindjeve, do të shohim rritje të niveleve të gripit në komunitet dhe rritje të numrit të pacientëve që kanë nevojë për pranim në spital. Ne gjithashtu kemi filluar të shohim rritje të numrit të pacientëve me Covid”, tha ai./Abcnews.al/