Pas një Sergio Ramos, një tjetër titullar i difensivës pritet të largohet këtë verë nga Real Madrid. Raphael Varane ka refuzuar së fundmi mundësinë e zgjatjes së kontratës edhe dy vite të tjera me Los Blancos dhe është në kërkim të një klubi të ri.
Nga Anglia, Mirror bën me dije se ai ka zgjedhur Premier League dhe agjentët e tij do të takojnë këtë javë drejtuesit e Manchester United, prej kohësh në kërkim të një mbrojtësi të nivelit të lartë. Varane e mbyll kontratën me Realin pas 12 muajsh, por Perez do 60 milionë euro për ta liruar.
Me shitjen e Varane, Real do ishte gati të investonte për ardhjen e një mes Mbappe dhe Haaland. Ndërkohë dihet prej kohësh se ata nuk do ndërhyjnë me në mbrojtje. Alaba, Vallejo, Militao dhe Nacho Fernandez do mbajnë peshën para Courtois në sezonin e ardhshëm. /abcnews.al
