Ish-deputeti Eduart Ndocaj është ndalur edhe në zhvillimet e fundit politike gjatë intervistës për mikrofonit e emisionit Edicion Veror.
Ndocaj foli për qytetin e tij Lezhën si dhe vendimin e qeverisë për ndalimin e muzikës pas orës 20:00 të mbrëmjes.
“Lezha është një qytet i vogël dhe të gjitha forcat politike duan të marrin. Bashkia e Lezhës le të themi është një lopë e mirë për t’u mjelë për politikën. Dhe ia kanë dalë
Ndalimin e muzikës e quaj të nxituar dhe të pakoordinuar. Të mendosh që virusi është aktiv pas orës 8 lë shumë për të dëshiruar”, u shpreh Ndocaj.
E pyetur nga gazetarja Irini Meçe lidhur me infektimin me koronavirus të kryebashkiakut të Tiranës Erion Veliaj, Ndocaj u shpreh se kjo është një propagandë e tij e radhës.
“Për mua është propaganda e radhës. Virusi atij nuk i afrohet”, tha ai.
Ndocaj deklaroi se do të kandidojë për deputetet në zgjedhjet e ardhshme parlamentare nën logon e partisë Aleanca Demokristiane.
“Ne kemi një politikbërje të degraduar. Basha dhe Rama nuk kanë diferencë për mua,. Do jem kandidat i Aleancës Demokristiane”, u shpreh Ndocaj./abcnews.al
