Sulmuesi i Interit, Edin Dzeko dha një intervistë të shkurtër për mediat kroate, ku foli për gjysmë-finalen e arritur nga ekipi i Daliç.
Dzeko tha se një gjysmë-finale tjetër në dy ediocione të njëpasnjëshme nuk mund të jetë rastësi, me kroatët të cilët kanë treguar karakter, forcë dhe pjekuri në fushën e lojës.
“Një gjysmë-finale tjetër e Kupës së Botë nuk mund të jetë rastësi. Edhe një herë Kroacia ka treguar se është një skuadër e madhe dhe kundër Brazilit treguan karakterin, forcën dhe pjekurën, që kanë vetëm skuadrat e mëdha. Askush nuk besoi në fitoren e Kroacisë dhe prandaj është dhe më e bukur. Pres një shfaqje tjetër në gjysmë-finale. Nuk ka më favorit, të gjithë ata që kanë arritur në gjysmë-finale, duhet të besojnë se do të bëhen kampionë”. /i.m /abcnews.al
