Drejtuesi Politik i Qarkut Durrës, Edi Paloka u prit me entuziazëm nga banore të Shijakut.
“Ju falenderoj, sepse sinqerisht nuk e kam pritur që do të jeni kaq shumë dhe kaq entuziast. Me 25 prill përballemi me qeverinë më të keqe që ka patur vendi ndonjëherë. Në 8-vite kemi mbetur në vendnumëro dhe në shumë gjëra kemi bërë hapa prapa.”- tha Paloka
Edi Paloka u fokusua tek procesi i rindërtimit dhe quajti jonjerëzore deklaratat që Rama po u bën qytetarëve duke u thënë se “pa të ky proces nuk vazhdon”.
“Del Rama e bërtet ‘Nëse humbas unë, çdo gjë do të ndalet’, as toka nuk do të rrotullohet më. Jo, ai duhet ndalur pikërisht që të mos e vazhdojë as këtë farsë. PD dhe Lulzim Basha kryeministër nesër, jua ka bërë të qartë, paratë e shtëpive të tyre do t’i marrë në dorë gjithsecili.” /abcnews.al/
