Cristiano Ronaldo mund të rikthehet te Real Madrid. Këtë gjë e ka konfirmuar edhe shoku i tij i skuadrës te kombëtarja, Jose Fonte. Mbrojtësi portugez i Lille ka thënë se Ronaldo ka lënë pas shumë miq te Real Madrid dhe nuk e ka mohuar asnjëherë rikthimin te “Galaktikët”.
“Cristiano është një person që lë shumë dyer të hapura. Asnjëherë nuk largohet keq nga asgjë. Ka lënë shumë miq pas te Real Madrid dhe besoj se do të rikthehet sërish në Bernabeu”.
Jose Fonte, 36 vjeç, është një mik shumë i mirë i Cristiano Ronaldos, pasi janë të një brezi dhe luajnë prej shumë vitesh te kombëtarja luzitane. Ronaldo u largua nga Real Madrid në verën e vitit 2018, për t’iu bashkuar Juventusit për 100 milion euro./abcnews.al
