Të gjithë duan më të mirën për fëmijët e tyre. Nëse mendoni se prindërit tuaj ishin të rreptë me ju, ata ndoshta ishin të fokusuar në të ardhmen tuaj. Shumë njerëz janë rritur me prindër të rreptë, dhe mund të jetë dukur si një ndëshkim gjatë gjithë kohës.
Por ekspertët pohojnë se prindërit e rreptë dhe kërkues rrisin fëmijë të suksesshëm dhe të pavarur. Pavarësisht se sa keni menduar se keni pasur një fëmijëri të vështirë dhe prindër kërkues, ka shumë të ngjarë që sot t’u jeni mirënjohës për këtë, duke parë se çfarë lloj njerëzish jeni bërë.
Një profesor në Universitetin e Essex-it kreu një studim që përfshiu më shumë se 15,000 fëmijë të moshës 13 deri në 14 vjeç gjatë një periudhe 6-vjeçare. Studimi tregoi se njerëzit më të suksesshëm kanë nëna shumë kërkuese. Fëmijët që ishin më të sigurt kishin nëna strikte me pritshmëri të mëdha.
Këta fëmijë kishin më shumë gjasa të mbaronin fakultetin dhe të gjenin një punë të mirë, falë tipareve dhe zakoneve që u rrënjosën nga nëna e tyre gjatë rritjes. Fëmijët që kanë nëna strikte ndonjëherë i konsiderojnë armiq, por më vonë në jetë e kuptojnë se kjo ishte për të mirën e tyre. /abcnews.al
