E premtja e madhe e Pashkës është pritur në shumë vende të botës nga besimtarët e krishterë.
Në Jerusalem besimtarët mbanin kryqe të mëdha prej druri dhe këndonin lutjet teksa shënonin ditën e shenjtë.
Ceremonitë e Pashkës në Jerusalem mbahen ndërsa lufta në Gaza vazhdon dhe ka shënuar mijëra viktima.
Besimtarët në qytetin turistik meksikan të Taxco e pritën të Premten e Mirë me një procesion gjatë natës, duke mbajtur kryqe.
Sipas traditës, një person mban mbi supe dëgë të mëdha me gjemba për të simbolizuar vuajtjen e Krishtit që mbante kryqin. Tradita daton që nga viti 1622.
Edhe ne Manila të filipineve katolikët shënuan të Premten e Mirë me një paradë të ngjashme.
Rituali i kryqëzimit ka qenë një traditë për dekada dhe tërheq turma të mëdha nga e gjithë bota çdo vit gjatë Javës së Shenjtë.
Edhe australianët festuan të Premten e Mirë. Në periferi të Sidneit, Kisha Maronite mbajti një meshë ku të pranishëm ishin edhe politikanë të vendit.
E Premtja e Mirë shënon kryqëzimin dhe vdekjen e Jezu Krishtit./abcnews.al
