Sulmuesi çek Patrick Schick ka pranuar se është përpjekur të imitojë Cristiano Ronaldon përpara se të zhvillojë stilin e tij.
Schic ishte golashënuesi më i mirë në Euro 2020 në të njëjtin nivel me legjendën portugeze të dy kishin 5 gola, por Këpuca e Artë i shkoi Ronaldos, shkruan abcnews.al.
“Unë u frymëzova nga Cristiano Ronaldo në fillim të karrierës sime. Isha 19 vjeç kur fillova ta ndiqja nga afër. Shikova videot e tij në internet dhe u përpoqa të përsërisja truket e tij me top, por ishte pothuajse e pamundur, me kalimin e kohës kuptova se ishte më mirë të krijoja stilin tim”, pranoi çeku në një intervistë për A Bola.
Schick aktualisht luan për Bayer Leverkusen, ku u transferua nga Roma në vitin 2020. Ai shënoi 40 gola dhe dha 7 asistime në 77 paraqitje për klubin gjerman. G.D /abcnews.al/
