Një ngjarje e rëndë ka ndodhur mbrëmjen e sotme në Gjirokastër. Gjergji Hasan Ajmasi 35 vjeç është qëlluar me sende të forta sapo ka dalë nga lokali ku po qëndronte.
Ai ka ndërruar jetë rrugës për në Spitalin “Omer Nishani”. Policia po vijon punën për zbardhjen e plotë të ngjarjes, si dhe identifikimin dhe kapjen e autorëve.
“Rreth orës 21: 00, në Sallën Operative të DVP Gjirokastër ka ardhur një telefonatë se në lagjen “Zinxhira”, ndodhet një person i shtrirë në tokë.
Menjëherë shkuan shërbimet e policisë dhe shërbimet spitalore dhe transportuan këtë shtetas për në spital, ku gjatë rrugës ka humbur jetën.
Nga verifikimet rezultoi se shtetasi që humbi jetën quhet Gj. A., rreth 35 vjeç, dhe nga kqyrja paraprake e bërë nga mjekët, dyshohet të jetë goditur me sende të forta.
Në vendngjarje ndodhet grupi hetimor dhe po punon për zbardhjen e plotë të ngjarjes.
Shërbimet e Policisë kanë shoqëruar disa shtetas në ambientet e Policisë që mund të kenë dijeni për ngjarjen”, njofton policia./abcnews.al
