Pas vrasjeve të bujshme që kanë tronditur Elbasanin përgjatë javëve të fundit, forcat RENEA kanë ushtruar mbrëmjen e sotme kontrolle të imtësishme në qytetin e Peqinit.
Brenda 10 ditëve të fundit të korrikut në Elbasan u vranë Emiljano Ramazani dhe Regis Runaj miq me njëri tjetrin.
Pas arrestimit të Xhuljano Hoxhës dhe Euglen Halilit, policia deklaroi se dy vrasjet ishin kryer me pagesë.
Dy personat e arrestuar akuzohen si autorë të vrasjes së Runajt, ndërsa kanë studiuar edhe lëvizjet e shokut të tij Emiljano Ramazani që u ekzekutua pasditen e 20 korrikut.
Për vrasjen e Ramazanit janë arrestuar edhe Seit dhe Albert Manahasa, babë e bir, pronarë të servisit ku u gjet arma e cila sipas ekspertizës është përdorur për ekzekutimin e Ramazanit.
Abcnews.al siguroi ekskluzivisht videon e vrasjes së Emiljano Ramazanit./abcnews.al
