Biznesmeni italian Francesco Bechetti, i dënuar me 17 vite burg për mashtrim ka ankimuar vendimin e Shkallës së Parë duke kërkuar pafajësinë.
Burimepër abcneës.al bëjnë me dije se ankimin e kanë dorëzuare edhe të pandehurit e tjerë.
Çështja pritet të regjistrohet në Gjykatën e Apelit, ku ndodhen edhe dy dosje të tjera të Beçhetit, të viteve 2018 dhe 2020 në pritje për shqyrtim.
Ndërkohë kujtojmë se në shkurt të këtij viti Gjykata ka dënuar me 17 vite burg biznesmenin italian Francesco Bechettin, pasi trupa gjyqësore ka vërtetuar se ai kishte ngritur një skemë të mashtrimit me TVSH dhe pastrim parash.
LEXO EDHE: Gjykata dënon me 17 vite burg për mashtrim Francesco Bechettin, e pësojnë edhe bashkëpunëtorët
Bechetti u akuzua për 4 vepra penale “Vjedhje duke shpërdoruar detyrën”, “Pastrimi i produkteve të veprës penale ose veprimtarisë kriminale”, “Falsifikim Dokumentesh”, “Krijimi i skemave mashtruese lidhur me tatimin mbi vlerën e shtuar”./abcnews.al
