BULQIZË- Një minator është plagosur gjatë punës paraditen e sotme në një galeri në minierën e Bulqizës, e cila po shfrytëzohet nga kompania AlbChrome.
Mësohet se i plagosuri është Edison Beka 31 vjeç dhe është aksidentuar në nivelin e 16 të minierës. 31 vjeçarit i ka rënë një masiv gurësh dhe ka dëmtime në gjoks dhe këmbë.
Shkak i aksidentit dyshohet se ka qenë manovrimi i fadromës brenda në galeri duke dëmtuar strukturën armatike me profile metalike në zonën e Qafë Buallit.
Për shkak të plagëve të marra, minatori është transportuar drejt spitalit të Traumë në Tiranë, me anë të një helikopteri. ABC ka siguruar pamjet e momentit të transportimit të minatorit të plagosur.
Raportohet se i plagosuri megjithëse ka marrë plagë të rënda është jashtë rrezikut për jetën. Grupi hetimore ndodhet në vendngjarje, po kryen veprimet për zbardhjen e shkaqeve të ngjarjes. E.L/Abcnews.al/
