Pas përcaktimit të datës së zgjedhjeve të ardhshme parlamentare, që do të zhvillohen më 25 prill 2021, sot Këshilli i Lartë Gjyqësor zgjodhi me short 8 gjyqtarët e Kolegjit Zgjedhor, që do të shqyrtojnë ankesat e partive politike.
Shorti i hedhur te ”Poli i Drejtësisë” u buzëqeshi 5 gjyqtareve dhe 3 gjyqtarëve nga 16 që ishin në garë.
Të gjithë gjyqtarët që ishin në garë e kishin kaluar vettingun, kusht për të marrë pjesë në garë.
Mes emrave të njohur në garë ishte edhe Ardian Dvorani, i akuzuar nga Ilir Meta për procesin e emërimeve në Gjykatën Kushtetuese, por nuk kishte fatin e goglave, të cilat u zgjodhën nga përfaqësues të medias dhe KLGJ-së, duke mbetur jashtë.
Për cdo proces ankimimi nga partitë trupa me 5 gjyqtarë del nga shorti që do të hidhet mes 8 anëtarëve të Kolegjit. Pas betimit gjyqtarët nisin zyrtarisht detyrën. Mandati i anëtarit të Kolegjit Zgjedhor është 4 vite.
Tetë gjyqtarët që u zgjodhën me short
Sokol Ibi
Manjola Xhaxho
Edlira Petri
Emona Muçi
Asim Vokshi
Gentian Medja
Esmeralda Çeka
Alma Kolgjoka
/db/abcnews.al
