Një 12-vjeçare është mbytur në lumin Drin. Burime nga policia bëjnë me dije se ngjarja ka ndodhur në vendin e e quajtur “Ura e Lushes”, njësia Administrative Arras, Dibër.
Mësohet se e mitura Eva Domi është nga Tirana dhe kishte shkuar te dajat e saj në Arras. Dyshohet se e mitura ka qenë duke u larë dhe është mbytur. Efektivë të policisë së bashku me banorë të zonës kanë bërë të mundur gjetjen dhe nxjerrjen e trupit të vajzës së vogël.
Ndërkaq, policia ka nisur hetimet për zbardhjen e plotë të kësaj ngjarje të rëndë.
Njoftimi i policisë:
Në vendin e quajtur “Ura e Lushes”, njësia Administrative Arras, një 12 vjeçare dyshohet se duke u larë në lumin Drin është mbytur.
Shërbimet e Policisë në bashkëpunim me banorët e zonës kanë bërë të mundur gjetjen dhe nxjerrjen e trupit të së miturës.
Grupi hetimor vijon hetimet për zbardhjen e shkaqeve të ngjarjes.
g.v/abcnews.al
