Një aksident ka ndodhur mëngjesin e sotëm në afërsi të urës së Shkumbinit në lagjen Shënkoll në Elbasan.
Mësohet se një mjet tip “Benz” është përplasur me një motor.
Për pasojë drejtuesi i këtij të fundit ka mbetur i plagosur dhe është dërguar në spital për të marrë ndihmën e parë mjekësore.
Nuk dihen ende shkaqet e këtij aksidenti. Policia ka mbërritur në vendngjarje dhe po punon për të sqaruar rrethanat e plota të tij.
“Në lagjen “Shënkoll”, Elbasan, shtetasi A.B., banues në Elbasan, duke drejtuar mjetin tip “Benz”, është përplasur me një motoçikletë me drejtues shtetasin J.Ç., 74 vjeç, banues në Elbasan.
Si pasojë e aksidentit është plagosur drejtues i motoçikletës i cili ndodhet nën kujdesin e mjekëve.
Grupi hetimor ndodhet në vendngjarje dhe po punon për zbardhjen e shkakut të aksidentit”, njofton policia./abcnews.al
