Një person ka pësuar infarkt, sapo ka rënë në kontakt me ujin e detit në plazhin e Borshit.
Sipas të dhënave paraprake dyshohet se ai ka pësuar infarkt sapo është futur në ujë, ndërsa trupi i tij i pajetë është dërguar në morgun e spitalit të Sarandës nga ku pritet t’i nënshtrohet autopsisë.
Ndërkohë, policia e cila ka shkuar në vendin e ngjarjes po punon për të bërë të mundur identifikimin e personit.
Njoftimi i policisë:
Në plazhin e Borshit, shtetasi E. L., 85 vjeç, banues në fshatin Borsh, duke u larë në det dyshohet se ka pësuar infarkt kardiak dhe si pasojë ka ndërruar jetë rrugës për në Spitalin e Sarandës.
Grupi hetimor po kryen veprimet e mëtejshme në lidhje me sqarimin e rrethanave.
